Tuesday , August 16 2022
Breaking News
Home / ନିର୍ବାଚନ / ଦାରିଙ୍ଗବାଡି ବ୍ଲକରେ ପଞ୍ଚମ ପର୍ୟ୍ୟାୟ ନିର୍ବାଚନ, ୩୦୩ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା

ଦାରିଙ୍ଗବାଡି ବ୍ଲକରେ ପଞ୍ଚମ ପର୍ୟ୍ୟାୟ ନିର୍ବାଚନ, ୩୦୩ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା

ବାଲିଗୁଡା, ୨୩/୦୨/୨୦୨୨ (ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ) : ଗୁରୁବାର ପଞ୍ଚମ ପର୍ୟ୍ୟାୟ ଭୋଟ ଗ୍ରହଣ ହେବ। ଏହି ପର୍ୟ୍ୟାୟରେ କନ୍ଧମାଳ ଜିଲ୍ଲା ଦାରିଙ୍ଗବାଡ଼ି ବ୍ଲକର ଦୁଇ ଜିଲ୍ଲାପରିଷଦ ଜୋନ୍ ରେ ମତଦାନ ହେବ। ଏଥିପାଇଁ ପ୍ରଶାସନ ପକ୍ଷରୁ ବ୍ୟାପକ ପ୍ରସ୍ତୁତି ଶେଷ ହୋଇଛି । ଅବାଧ, ନିରପେକ୍ଷ ଓ ଶାନ୍ତିପୂର୍ଣ୍ଣ ଭୋଟ ଗ୍ରହଣ ନେଇ ପ୍ରଶାସନ ପକ୍ଷରୁ ସମସ୍ତ ବ୍ୟବସ୍ଥା ଗ୍ରହଣ କରାଯାଇଛି । ଗୁରୁବାର ଦାରିଙ୍ଗବାଡ଼ି ବ୍ଲକର ୩୦୩ ଜଣ ପ୍ରାର୍ଥୀଙ୍କ ଭାଗ୍ୟ ପରୀକ୍ଷା ହେବ। ବ୍ଳକରେ ସମସ୍ତ ୨୫ ଟି ପଞ୍ଚାୟତ ରେ ୩୪୭ ଟି ବୁଥ୍ରେ ମୋଟ ୩୦୩ ଜଣ ପ୍ରାର୍ଥୀଙ୍କ ଭାଗ୍ୟ ନିର୍ଦ୍ଧାରଣ କରିବେ ୮୦୫୬୧ ଜଣ ଭୋଟର। ଜିଲ୍ଲା ପରିଷଦ ପଦବୀ ପାଇଁ ୨ଟି ଜୋନ୍ ରେ ୧୦ଜଣ ପ୍ରାର୍ଥୀ, ସରପଞ୍ଚ ପାଇଁ ୧୧୯ ଜଣ, ସମିତି ସଭ୍ୟ ପାଇଁ ୯୩ଜଣ ଏବଂ ୮୧ ୱାର୍ଡ ମେମ୍ବରଙ୍କ ଭାଗ୍ୟ ନିର୍ଦ୍ଧାରଣ କରିବେ ଜନତା । ବ୍ଲକରେ ୩୪୭ ବୁଥ ରହିଥିବା ବେଳେ ପିଙ୍କ ବୁଥ ଦୁଇଟି ରହିଛି। ଅତି ସମ୍ବେଦନଶୀଳ ୧୨ ଟି ବୁଥ୍ରେ ଶାନ୍ତିପୂର୍ଣ୍ଣ ଓ କଡ଼ା ସୁରକ୍ଷା ସହ ମତଦାନ ପାଇଁ ବ୍ଳକରେ ସ୍ଥିତି ସମୀକ୍ଷା କରିଛନ୍ତି ପ୍ରଶାସନ। ୨୫ଟି ପଞ୍ଚାୟତରେ ଥିବା ସମସ୍ତ ବୁଥ୍ରେ ପୋଲିଂ ପାର୍ଟି ପହଞ୍ଚିବାକୁ ପଦକ୍ଷେପ ଗ୍ରହଣ ବ୍ଲକ ପ୍ରଶାସନ ପକ୍ଷରୁ କରାଯାଇଥିବା ଦାରିଙ୍ଗବାଡ଼ି ବ୍ଲକ ନିର୍ବାଚନ ଅଧିକାରୀ ତଥା ବିଡିଓ ଗଦାଧର ପାତ୍ର ସୂଚନା ଦେଇଛନ୍ତି । ଶାନ୍ତି ପୂର୍ଣ୍ଣ ଭାବେ ମତ ଦାନ ପ୍ରକ୍ରିୟା ସମାପ୍ତ ପାଇଁ ଦାରିଙ୍ଗବାଡି ଓ ବ୍ରାହ୍ମଣୀଗାଁ ଥାନା ପକ୍ଷରୁ ସୁରକ୍ଷା ବ୍ୟବସ୍ଥାକୁ କଡାକଡି କରାଯାଇଥିବା ଜଣା ପଡ଼ିଛି। ଓଡିଶା ସମାଚାର

About admin

Check Also

ସ୍ବାଧୀନତା ର ଅମୃତମହୋତ୍ସବ ଓ ସ୍ୱାଧୀନତା ଦିବସ  ପାଳିତ

ନିଶ୍ଚିନ୍ତକୋଇଲି , ୧୫/୦୮/୨୦୨୨(ଓଡିଶା ସମାଚାର/ ଅଭୟ ଜେନା )- ଜନାର୍ଦ୍ଦନ ପୁର ଚିତ୍ରୋତ୍ପଳା ସରକାରୀ ଉଚ୍ଚବିଦ୍ୟାଳୟ ପ୍ରାଙ୍ଗଣ ରେ ୭୬ …

Leave a Reply

Your email address will not be published.