Tuesday , September 27 2022
Breaking News
Home / ବିଶେଷ / ଭିଜିଲାନ୍ସ ଜାଲରେ ଆଉ ଏକ ବଡ଼ ମାଛ : ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ପୁଲିସ୍ କମ୍ୟୁନିକେସ ବିଭାଗର ଅତିରିକ୍ତ ଏସପି ତ୍ରିନାଥ ମିଶ୍ରଙ୍କ ୧୫ ଟି ସ୍ଥାନରେ ଚଢ଼ାଉ ଜାରି

ଭିଜିଲାନ୍ସ ଜାଲରେ ଆଉ ଏକ ବଡ଼ ମାଛ : ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ପୁଲିସ୍ କମ୍ୟୁନିକେସ ବିଭାଗର ଅତିରିକ୍ତ ଏସପି ତ୍ରିନାଥ ମିଶ୍ରଙ୍କ ୧୫ ଟି ସ୍ଥାନରେ ଚଢ଼ାଉ ଜାରି

କଟକ/ କଟକ ସଦର, ୧୫/୦୨/୨୦୨୨ (ଓଡ଼ିଶା ସମାଚାର/ ଦେବାଶିଷ ରଥ/ଵିଷ୍ଣୁ ବେହେରା)- ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ପୁଲିସ୍ କମ୍ୟୁନିକେସ ବିଭାଗର ଅତିରିକ୍ତ ଏସ୍ପି ତ୍ରିନାଥ ମିଶ୍ରଙ୍କ କଟକ ସରକାରୀ ଘର ସମେତ ୧୫ଟି ଜାଗାରେ ଭିଜିଲାନ୍ସ ଚଢ଼ାଉ ଚାଲିଥିବାର ଖବର ମିଳିଛି। ଆଜି ସକାଳୁ ୩ ଜଣ  ଏଏସପି, ୧୦ ଜଣ ଡିଏସପି ଓ ୧୩ ଜଣ ଇନସ୍ପେକ୍ଟରଙ୍କ ସମେତ ଅନ୍ୟ କର୍ମଚାରୀଙ୍କୁ ନେଇ ଗଠିତ ସ୍ୱତନ୍ତ୍ର ଭିଜିଲାନ୍ସ ଟିମ୍ କଟକ, ଭୁବନେଶ୍ୱର, ଯାଜପୁର, ଜଗତସିଂହପୁର ଓ ନବରଙ୍ଗପୁର ଜିଲ୍ଲାର ବିଭିନ୍ନ ସ୍ଥାନରେ  ଚଢ଼ାଉ କରିଛି।ଭିଜିଲାନ୍ସର ସ୍ବତନ୍ତ୍ର ଜଜଙ୍କ ସର୍ଚ୍ଚ ୱାରଣ୍ଟ ବଳରେ ତ୍ରିନାଥ ମିଶ୍ରଙ୍କ କଟକ ସରକାରୀ ଘର ସମେତ ଉପରୋକ୍ତ ସ୍ଥାନରେ ଚଢ଼ାଉ କରାଯାଉଛି।

ମିଳିଥିବା ସୂଚନା ଅନୁଯାୟୀ, ନବରଙ୍ଗପୁର ଜିଲ୍ଲାର ଡାବୁଗାଁରେ ଥିବା ପୈତୃକ ଘର, କଟକର ମହାନଦୀ ବିହାର ଠାରେ ତ୍ରିନାଥ ମିଶ୍ରଙ୍କ ପୁଅ ତୁଷାର ମିଶ୍ର ଏବଂ ତରୁଣ ମିଶ୍ରଙ୍କ ଡ୍ରଗ୍ ଉତ୍ପାଦନ ୟୁନିଟ୍, କଟକ ତୁଳସୀପୁରରେ ଅବସ୍ଥିତ ତାଙ୍କର ଅଫିସ୍, ମଧୁପାଟଣା ପୁଲିସ୍ ଥାନାରେ ଥିବା କ୍ୟାମ୍ପସରେ ସରକାରୀ କ୍ୱାର୍ଟର୍, ଭୁବନେଶ୍ୱର ରସୁଲଗଡ଼ସ୍ଥିତ ଫ୍ଲାଟ, ଯାଜପୁରର ବଡ଼ଚଣାରେ ଥିବା ଶଶୁର ଘର, ତାଳଗଡ଼ ସ୍ଥିତ ଫାର୍ମହାଉସ୍, ଚଣ୍ଡିଖୋଲ ବଜାରର ଧାନମଣ୍ଡଳରେ ମେଡିସିନ୍ ଦୋକାନ ସହିତ ଶାନ୍ତିଲତା କେୟାର ଏବଂ ନର୍ସିଂହୋମ ଓ ଟ୍ରାନ୍ସପୋର୍ଟ ଅଫିସରେ ଏହି ଚଢ଼ାଉ ଚାଲିଛି। ଏହାଛଡ଼ା ତାଙ୍କର ଡ୍ରାଇଭର ରାଜୀବ ମହାନ୍ତିଙ୍କ ଜଗତସିଂହପୁର ଜିଲ୍ଲାର ଦଳେଇଘାଇର ବିରିଡ଼ି ଗ୍ରାମରେ ବି ଚଢ଼ାଉ କରୁଛି ଭିଜିଲାନ୍ସ।

ଯେଉଁ ସଵୁ ସ୍ଥାନରେ ଚଢାଉ ଜାରି ରହିଛି ସେଠାରେ ଅମାପ ସଂପତ୍ତି ବାହାରୁଥିବା ଵେଳେ ଏହାର ଆକଳନ କେତେଦିନ ଲାଗିଵ ତାହା ଜଣାପଡିଵା ଅସମ୍ଭବ ହୋଇ ପଡ଼ିଛି। ସର୍ବଶେଷ ଖଵର ଅନୁଯାୟୀ ଚାଙ୍କର ଏକ ଦେଢ କୋଟି ଟଙ୍କାର ଵିଏମଡଵ୍ଲ୍ୟୁ କାରକୁ ଚିଲିକା ନିକଟରୁ ଭିଜିଲାନ୍ସ ଟିମ ଜଵତ କରିଥିବା ବେଳେ କଟକରୁ ଏକ ୨୨ଲକ୍ଷ ଟଙ୍କିଆ ଵାଇକ ସହ ଆହୁରି ଅନେକ ୪ ଚକିଆ ଓ ଦୁଇ ଚକିଆ ଯାନ କୁ ଜଵତ କରିଥିବା ଜଣାପଡିଛି। ଯେତେ ଖୋଳିଲେ ସେତେ ଵାହାରିଵ ଵୋଲି ଜନୈକ ଭିଜିଲାନ୍ସ ଅଧିକାରୀ ସୂଚନା ପ୍ରଦାନ କରିଛନ୍ତି। ତେବେ ତ୍ରିନାଥ ମିଶ୍ର ଏଵେ ସୁଦ୍ଧା ଭିଜିଲାନ୍ସ ହାତରେ ଧରାନପଡି ଆତ୍ମଗୋପନ କରିଥିବା ଜଣାପଡିଛି। ଓଡ଼ିଶା ସମାଚାର  ଫଟୋ : ଦେବାଶିଷ ରଥ

 

Leave a Reply

Your email address will not be published.