ଯାଜପୁରରେ ଠାବ ହୋଇଛି ନକଲି ଟଙ୍କା କାରଖାନା, ୧୩ ଲକ୍ଷ ରୁ ଅଧିକ ନକଲି ଟଙ୍କା, ପ୍ରିଣ୍ଟ ମେସିନ ଜବତ, ଜଣେ ଗିରଫ

ଯାଜପୁର ,୨/୧/୨୦୨୨ (ଓଡ଼ିଶା ସମାଚାର)- ଯାଜପୁରରେ ଠାବ ହୋଇଛି ନକଲି ଟଙ୍କା କାରଖାନା । ଯାଜପୁର ସହରର ସନ୍ଥମାଧବ ଗାଁର ଏକ ଭଡା ଘରେ ଏହି ନକଲି ଟଙ୍କା ଛପା ହୋଇ ହାଇଦ୍ରାବାଦ ଓ ବିଶାଖାପାଟଣା ଯାଉଥିଲା । ଏହି ନକଲି ନୋଟ ପ୍ରସ୍ତୁତ କରୁଥିବା ଜଣେ ବ୍ୟକ୍ତିଙ୍କୁ ମଧ୍ୟ ଯାଜପୁର ପୁଲିସ ଗିରଫ କରିଛି । ଗିରଫ ହୋଇଥିବା ଯୁବକ ଜଣକ ହେଉଛନ୍ତି ଚନ୍ଦ୍ରମଣି ବଳ। ତାଙ୍କ ଘର ମଙ୍ଗଳପୁର ଥାନା ଛନ୍ଚିଂଣା ଅଂଚଳରେ । ପୁଲିସ ଚଢ଼ାଉ କରି ୧୩ ଲକ୍ଷ ୧୭ ହଜାର ୫୦୦ ଟଙ୍କା ନକଲି ନୋଟ ଜବତ କରିଛି । ପୁଲିସ ପ୍ରିଣ୍ଟ ମେସିନ ସହ ୨୨ ପ୍ରକାର ଟଙ୍କା ତିଆରି ସାମଗ୍ରୀ ଜବତ କରିଛି । ତେବେ ଏହି ନକଲି ନୋଟ ପ୍ରସ୍ତୁତିରେ ଆଉ କେଉଁମାନେ ସମ୍ପୃକ୍ତ ଅଛନ୍ତି ପୁଲିସ ତାହାର ଅନୁସନ୍ଧାନ କରୁଛି । ଓଡ଼ିଶା ସମାଚାର