Saturday , August 13 2022
Breaking News
Home / ବିଶେଷ / ଅନଲାଇନ ଠକେଇ ଅଭିଯୋଗ ରେ ଯୁବତୀକୁ ଗିରଫ କଲା ହିମାଚଳ ପ୍ରଦେଶ ପୋଲିସ:କୋର୍ଟ ଚାଲାଣ

ଅନଲାଇନ ଠକେଇ ଅଭିଯୋଗ ରେ ଯୁବତୀକୁ ଗିରଫ କଲା ହିମାଚଳ ପ୍ରଦେଶ ପୋଲିସ:କୋର୍ଟ ଚାଲାଣ

ସାଲେପୁର,୨୩/୧୧/୨୦୨୧(ଓଡିଶା ସମାଚାର/ ଅଭୟ ଜେନା ) – ଅନଲାଇନ ଠକେଇ ଅଭିଯୋଗରେ କଟକ ଜିଲ୍ଲା ସାଲେପୁର ଥାନା ର କେନ୍ଦୁପାଟଣା ଅଞ୍ଚଳରୁ ଜଣେ ଯୁବତୀଙ୍କୁ ହିମାଚଳପ୍ରଦେଶ ପୋଲିସ ସୋମବାର ଉଠାଇ ଆଣିବା ପରେ ସାଲେପୁର ଥାନା ରେ ହଜାର କରାଇଥିଲା । ମିଳିଥିବା ସୂଚନା ଅନୁଯାୟୀ ଯୁବତୀ ଜଣକ କେଭିସି ନାମକ ସଂସ୍ଥାରୁ ଅନଲାଇନ ମାଧ୍ୟମରେ ୫ଲକ୍ଷଟଙ୍କା ଲଟେରୀ ଜିତିଥିବା ଏକ ମେସେଜ ଆସିଥିଲା ଏବଂ ସେଥିପାଇଁ ସଂସ୍ଥାର ଏକାଉଣ୍ଟରେ ୧୯ହଜାର୫୦୦ ଡିପୋଜିଟ କରିଥିଲେ। ତେବେ ଠକେଇ ବାବଦରେ ସେ କିଛି ଜାଣିନାହାନ୍ତି ବୋଲି କହିଛନ୍ତି। ଅନ୍ୟପଟେ ସମ୍ପୃକ୍ତ ଯୁବତୀଙ୍କୁ ବ୍ୟବହାର କରି ହିମା ଚଳପ୍ରଦେଶର ଜଣେ ସାଇବର ଠକ ଦେଶର ବିଭିନ୍ନ ସ୍ଥାନରୁ ଲକ୍ଷାଧିକ ଟଙ୍କା ଠକି ଥିବା ଜଣାପଡିଛି। ଅନ୍ୟପକ୍ଷ ରେ ହିମାଚଳପ୍ରଦେଶର ଜଣେ ସୈନିକ ଏଭଳି ଠକାମୀର ଶିକାର ହେବା ପରେ ତାଙ୍କ ଏତେଲା ଆଧାରରେ ସୋମବାର ହିମଚଳପ୍ରଦେଶର ୫ଜଣିଆ ପୋଲିସ ଟିମ ଏଠାରେ ପହଂଚି ଯୁବତୀଙ୍କୁ ସାଲେପୁର ଥାନା ରେ ପଚରାଉଚୁରା ଚଳାଇ ଥିଲେ । ତେବେ ଏନେଇ ହିମାଚଳ ପୋଲିସ କିନ୍ତୁ କିଛି କହିବା ପାଇଁ ମନା କରିଥିଲେ । ମଙ୍ଗଳ ବାର ସମ୍ପୃକ୍ତ ଯୁବତୀ କୁ କୋର୍ଟ ଚାଲାଣ କରାଯାଇଥିବା ସାଲେପୁର ପୋଲିସ ସୂତ୍ର ରୁ ପ୍ରକାଶ । ଓଡ଼ିଶା ସମାଚାର

About admin

Check Also

ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପିତ କଲେ ମୁଖ୍ୟମନ୍ତ୍ରୀ

ମୟୁରଭଞ୍ଜ / ଭୁବନେଶ୍ୱର,୧୨/୦୮/୨୦୨୨(ଓଡ଼ିଶା ସମାଚାର)- ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଦିନିକିଆ ମୟୁରଭଞ୍ଜ ଜିଲ୍ଲା ଗସ୍ତ କରି ସେଠାରେ …

Leave a Reply

Your email address will not be published.