Wednesday , December 1 2021
Breaking News
Home / ବିଶେଷ / ମା’ ଅନ୍ନପୂର୍ଣ୍ଣାଙ୍କ ପ୍ରାଚୀନ ପ୍ରତିମୂର୍ତି ୟୁପି ସରକାରଙ୍କୁ ହସ୍ତାନ୍ତର ସମାରୋହରେ କେନ୍ଦ୍ରମନ୍ତ୍ରୀ ସାମିଲ

ମା’ ଅନ୍ନପୂର୍ଣ୍ଣାଙ୍କ ପ୍ରାଚୀନ ପ୍ରତିମୂର୍ତି ୟୁପି ସରକାରଙ୍କୁ ହସ୍ତାନ୍ତର ସମାରୋହରେ କେନ୍ଦ୍ରମନ୍ତ୍ରୀ ସାମିଲ

କାନାଡରୁ ଫେରାଇ ଅଣାଯାଇଥିବା ମାଆ ଅନ୍ନପୂର୍ଣ୍ଣାଙ୍କ ୧୦୦ ବର୍ଷ ପୁରୁଣା ମୂର୍ତି ଉତରପ୍ରଦେଶର କାଶୀ ମନ୍ଦିରରେ ପୁନଃପ୍ରତିଷ୍ଠା ହେବ
ନୂଆଦିଲ୍ଲୀ/ଭୁବନେଶ୍ୱର, ୧୧/୧୧/୨୦୨୧(ଓଡ଼ିଶା ସମାଚାର)- କାନାଡ଼ାରୁ ଭାରତ ଫେରାଇ ଅଣାଯାଇଥିବା ମାଆ ଅନ୍ନପୂର୍ଣ୍ଣାଙ୍କ ୧୦୦ ବର୍ଷର ପ୍ରାଚୀନ ଦୁର୍ଲଭ ମୂର୍ତିକୁ ଉତରପ୍ରଦେଶ ସରକାରଙ୍କୁ ହସ୍ତାନ୍ତର କରିବା ପାଇଁ ନୂଆଦିଲ୍ଲୀ ଠାରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ସାମିଲ ହୋଇଛନ୍ତି । ଭାରତର ପ୍ରାଚୀନ କଳାକୃତିକୁ ସୁରକ୍ଷିତ ଭାବରେ ସ୍ୱଦେଶ ଫେରାଇ ଆଣିବା ପାଇଁ ମୋଦି ସରକାର ପ୍ରତିଶ୍ରୁତିବଦ୍ଧ ବୋଲି ସେ କହିଛନ୍ତି ।
କେନ୍ଦ୍ରମନ୍ତ୍ରୀ ଶ୍ରୀ ପ୍ରଧାନ ଏଥିପାଇଁ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ ଜଣାଇବା ସହ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱ ଏବଂ ନିରନ୍ତର ଉଦ୍ୟମ କାରଣରୁ ଆଜି ଭାରତର ଅନେକ ଐତିହାସିକ କଳାକୃତିକୁ ଫେରାଇ ଅଣାଯାଉଛି । କାନାଡ଼ାରୁ ମାଆ ଅନ୍ନପୂର୍ଣ୍ଣାଙ୍କ ମୂର୍ତି ସୁରକ୍ଷିତ ଭାବରେ ଅଣାଯିବା ଏବଂ କାଶୀ ବିଶ୍ୱନାଥ ମନ୍ଦିର ପରିସରରେ ପୁନଃସ୍ଥାପନା ପାଇଁ ଭାରତ ସରକାରଙ୍କ ପକ୍ଷରୁ ପଥ ପରିଷ୍କାର କରାଯାଇଛି ।
୧୦୦ ବର୍ଷ ପୁରୁଣା ମାଆ ଅନ୍ନପୂର୍ଣ୍ଣାଙ୍କ ଏହି ମୂର୍ତିକୁ ବାରଣାସୀର ଏକ ମନ୍ଦିରରୁ ଚୋରି କରାଯାଇଥିଲା, ଯାହା କାନାଡାରେ ଅବସ୍ଥାପିତ ଥିଲା । ଭାରତ ସରକାରଙ୍କ ଉଦ୍ୟମରେ କାନାଡା ସରକାରଙ୍କ ସହଯୋଗରେ ଏହାକୁ ସ୍ୱଦେଶକୁ ଫେରାଇ ଅଣାଯାଇଛି । ଏହି ମୂର୍ତିକୁ ୟୁପି ସରକାରଙ୍କୁ ହସ୍ତାନ୍ତର କରିବା ପାଇଁ ଏକ ୪ ଦିନିଆ ଯାତ୍ରାର ଆୟୋଜନ ସହ ରଥରେ ମାଆଙ୍କ ପ୍ରତିମୂର୍ତି ସ୍ଥାପନ କରାଯାଇଛି । ୧୪ ନଭେମ୍ବରରେ ଏହି ଯାତ୍ରା ଶେଷ ହେବା ଅବସରରେ କାଶୀ ବିଶ୍ୱନାଥ ମନ୍ଦିର ପରିସରରେ ଏହି ମୂର୍ତିର ପୁନଃ ସ୍ଥାପନ କରାଯିବ । ବିଶ୍ୱଶକ୍ତି ଅନ୍ନପୂର୍ଣ୍ଣେଶ୍ୱରୀ ଦେବୀଙ୍କ ମହେଶ୍ୱର ମହାଦେବଙ୍କ ନଗରୀ କାଶିରେ ଆଗମନକୁ ନେଇ ସମଗ୍ର ଦେଶବାସୀଙ୍କୁ ଖୁସି ଦେଇଛି । ଭାରତୀୟ ସଭ୍ୟତା, କଳା ଏବଂ ସାଂସ୍କୃତିକ ଐତିହ୍ୟର ମୂଲ୍ୟବୋଧକୁ ବଜାୟ ରଖିବା ଏବଂ ଏହିଭଳି ପ୍ରାଚୀନ ମୂର୍ତି ତଥା କଳାକୃତିକୁ ସୁରକ୍ଷିତ ଭାବରେ ଭାରତକୁ ଆଣିବା ପାଇଁ ମୋଦି ସରକାର ପ୍ରତିଶ୍ରୁତିବଦ୍ଧ ବୋଲି କେନ୍ଦ୍ରମନ୍ତ୍ରୀ ଟ୍ୱିଟ୍ କରି କହିଛନ୍ତି । ଓଡ଼ିଶା ସମାଚାର

About admin

Check Also

ସଚ୍ଚିଦାନନ୍ଦ ମହାନ୍ତି ଓ ପ୍ରଫେସର ନାରାୟଣ ଜେନାଙ୍କ ବିୟୋଗରେ ସାହିତ୍ୟ ସଂସଦର ଶୋକସଭା

କେନ୍ଦ୍ରାପଡ଼ା, ୩୦/୧୧/୨୦୨୧(ଓଡ଼ିଶା ସମାଚାର)- କେନ୍ଦ୍ରାପଡା ଜିଲ୍ଲା ସାହିତ୍ୟ ସଂସଦ ଆନୁକୂଲ୍ୟରେ ବରିଷ୍ଠ ଆଇନଜୀବୀ ସଚ୍ଚିଦାନନ୍ଦ ମହାନ୍ତି ଓ ପ୍ରଫେସର ନାରାୟଣ …

Leave a Reply

Your email address will not be published. Required fields are marked *