Monday , December 6 2021
Breaking News
Home / ରାଜନୀତି / ନବୀନ ସରକାର ଆମର ପୈତୃକ ଜମିବାଡ଼ି ୨୦୧୨ ମସିହାରୁ ବଳପୂର୍ବକ ଛଡ଼ାଇ ନେଇଛନ୍ତି : ସୁରେଶ କୁମାର ରାଉତରାୟ, ବିଧାୟକ

ନବୀନ ସରକାର ଆମର ପୈତୃକ ଜମିବାଡ଼ି ୨୦୧୨ ମସିହାରୁ ବଳପୂର୍ବକ ଛଡ଼ାଇ ନେଇଛନ୍ତି : ସୁରେଶ କୁମାର ରାଉତରାୟ, ବିଧାୟକ

ଭୁବନେଶ୍ୱର ,୧୦/୧୧/୨୦୨୧(ଓଡ଼ିଶା ସମାଚାର)-ଆଜି ପ୍ରଦେଶ କଂଗ୍ରେସ କାର୍ଯ୍ୟାଳୟରେ ଏକ ସାମ୍ବାଦିକ ସମ୍ମିଳନୀରେ ଜଟଣୀ ବିଧାୟକ ଶ୍ରୀ ସୁରେଶ କୁମାର ରାଉତରାୟ କହିଛନ୍ତି ଯେ, ଜଟଣୀ ମୁ୍ୟନିସିପାଲିଟି ଏବଂ ତତ୍ ସଂଲଗ୍ନ ୨୭ଟି ଗ୍ରାମର ଅଧିବାସୀମାନଙ୍କର ପୈ÷ତୃକ ଘରଡ଼ିହ ଓ ଜମିବାଡ଼ିକୁ ନବୀନ ସରକାର ବଳପୂର୍ବକ ଛଡ଼େଇ ନେଇଛନ୍ତି । ଶ୍ରୀ ରାଉତରାୟ ଅଭି÷ଯୋଗ କରିଛନ୍ତି ଯେ, ନବୀନ ସରକାର ତାଙ୍କର ଅଫିସରଙ୍କ ଜରିଆରେ ଜଟଣୀ ଲୋକଙ୍କର ପୈତୃକ ଜମିଜମାକୁ ୨୦୧୨ ମସିହାରୁ ଚକ୍ରାନ୍ତ କରି ଜଗନ୍ନାଥ ଜମିରେ ପରିଣତ କରିଛନ୍ତି । କାଳ କାଳ ଧରି ଏହି ସମ୍ପତି ତାଙ୍କ ପୂର୍ବପୁରୁଷ ଏବଂ ଏବେ ତାଙ୍କ ନାମରେ ଥିଲା । ମାତ୍ର ୨୦୧୨ ମସିହାରେ ସରକାରୀ ଚକ୍ରାନ୍ତର ଶିକାର ହୋଇ ଏହି ଜମିର ସତ୍ୱ ସବୁ ପରିବର୍ତନ କରାଯାଇଛି । ଜଣେ ଆଇ.ଏ.ଏସ୍ ଅଫିସର ଏବଂ ଜଣେ ସେଟଲମେଂଟ ଅଫିସର ସରକାରଙ୍କ ମୁଖିଆଙ୍କ ପ୍ରରୋଚନାରେ ଏପରି କାର୍ଯ୍ୟ କରିଛନ୍ତି । ଏହାଦ୍ୱାରା ପ୍ରାୟ ୭ ଲକ୍ଷ ନିରୀହ ଲୋକ ପ୍ରଭାବିତ ହୋଇଛନ୍ତି । ଜଟଣୀ ମୁ୍ୟନିସିପାଲିଟି ସହ ବେରୁଆଁ, ବାଇରଙ୍ଗ, ନିରଞ୍ଜନପୁର, ବୁଢାପଡ଼ା, ଭଁସର, ହରିରାଜପୁର, କନ୍ତିଆ, ରଥିପୁର, କୁସୁମାଟି, ଛଣଘର, ଗେଲସୁଆଁ ଓ କୁଦିଆରୀ ପ୍ରଭୃତି ଗ୍ରାମର ଲୋକ ୯ ବର୍ଷ ହେବ ନବୀନ ସରକାରଙ୍କୁ ଗୁହାରୀ କରି ଆସୁଛନ୍ତି । ମାତ୍ର ନବୀନ ସରକାର ଭୂଆଁ ବୁଲାଉଛନ୍ତି । ଏହା ଜଗନ୍ନାଥଙ୍କ ଜମିରେ ପରିଣତ ହୋଇଯିବା ଫଳରେ ଏଠାରେ କୌଣସି ସରକାରୀ ଉନ୍ନତିମୂଳକ କାର୍ଯ୍ୟ ହୋଇପାରୁ ନାହିଁ । ଉଭୟ କେନ୍ଦ୍ର ଓ ରାଜ୍ୟ ସରକାରଙ୍କ ଜନମଙ୍ଗଳକାରୀ ଯୋଜନାର ସୁବିଧା ଏଠାକାର ବାସିନ୍ଦା ଉପଲବ୍ଧ ହୋଇପାରୁ ନାହାଁନ୍ତି । ପ୍ରଧାନମନ୍ତ୍ରୀ ଆବାସ, ବିଜୁ ପକ୍କାଘର ଠାରୁ ଆରମ୍ଭ କରି ସମସ୍ତ ପ୍ରକାର ସରକାରୀ ଆବାସ ଯୋଜନା କାର୍ଯ୍ୟକାରୀ ହୋଇପାରୁ ନାହିଁ । ମଶାଣୀ, ମେଳଣ ପଡ଼ିଆ ଓ ଖେଳପଡ଼ିଆର ବିକାଶ ପାଇଁ ସରକାରୀ ଯୋଜନାରେ ଅର୍ଥ ବିନିଯୋଗ ହୋଇପାରୁନି । କମୁ୍ୟନିଟି ସେର ହୋଇପାରୁନି । ଲୋକେ ବିବାହ, ବ୍ରତ, ଶୁଦ୍ଧିକ୍ରିୟା, ପାଠପଢା ଓ ଚିକିତ୍ସା ପାଇଁ ଆବଶ୍ୟକସ୍ଥଳେ ନିଜର ପୈତୃକ ଜମି ବିକ୍ରୟ କରିପାରୁ ନାହାଁନ୍ତି । ୨୦୧୨ ମସିହା ପରେ ନବୀନ ସରକାର ଆମ୍ଭଙ୍କୁ ନିସ୍ୱଃ କରିଦେଇଛନ୍ତି ବୋଲି ଶ୍ରୀ ରାଉତରାୟ ଅଭିଯୋଗ କରିଛନ୍ତି ।
ଶ୍ରୀ ରାଉତରାୟ ନିଜେ ଏବଂ ‘ଜଟଣୀ ସ୍ଥିତିବାନ ଏଖରାଜତ ମାହାଲ ପରିବର୍ତିତ ଜଗନ୍ନାଥ ଜମି କ୍ଷତିଗ୍ରସ୍ତ ମଂଚ’ ପକ୍ଷରୁ ବାରମ୍ବାର ମୁଖ୍ୟମନ୍ତ୍ରୀ, ମୁଖ୍ୟ ଶାସନ ସଚସିବ, ୫-ଟି ସଚିବ, ରାଜସ୍ୱ ମନ୍ତ୍ରୀ, ରାଜସ୍ୱ ସଚିବ, ଡ଼େଭଲପମେଂଟ କମିଶନର, ଆଇନ ମନ୍ତ୍ରୀ, ଆଇନ ସଚିବଙ୍କୁ ଅନେକଥର ସାକ୍ଷାତ କରି ସମାଧାନ ପାଇଁ ନିବେଦନ କରାଯାଇଥିଲା । ଶେଷରେ ନବୀନ ନିବାସ ଆଗରେ ଆତ୍ମଦାହ ପାଇଁ ଚେତାବନୀ ଦେବା ପରେ ନବୀନ ସରକାର ଘଟଣାର ତୁରନ୍ତ ବିଚାର ପାଇଁ ପ୍ରତିଶ୍ରୁତି ଦେଲେ । ଏବେ ରାଜସ୍ୱ ସଚିବଙ୍କ ତତ୍ୱାବଧାନରେ ଏକ ମିଟିଂ ହୋଇଥିଲା । ତୃଟି ସଂଶୋଧନ କରି ଅସଲ ଜମି ମାଲିକଙ୍କୁ ତାଙ୍କର ଜମି ଫେରାଇ ଦେବାକୁ ସବ୍ କମିଟି ମାଧ୍ୟମରେ ଏକ ରେଜୁ୍ୟଲେସନ ହେଲା, ଯେଉଁଥିରେ କି ରାଜସ୍ୱମନ୍ତ୍ରୀ, ରାଜସ୍ୱ ସଚିବ, ଆଇନ ମନ୍ତ୍ରୀ, ଆଇନ ସଚିବ, ଅତିରିକ୍ତ ରାଜସ୍ୱ ସଚିବ ଏବଂ ଆଡ଼ଭୋକେଟ ଜେନେରାଲ ମଧ୍ୟ ସ୍ୱାକ୍ଷର କରିଛନ୍ତି । ଆମ୍ଭେମାନେ ବିଶ୍ୱାସ ରଖିଲୁ ଯେ, ମୁଖ୍ୟ ଶାସନ ସଚିବ ପରବର୍ତୀ ପର୍ଯ୍ୟାୟରେ ମୁଖ୍ୟମନ୍ତ୍ରୀଙ୍କ ଅନୁମୋଦନ କ୍ରମେ ଏହାର ଚୂଡ଼ାନ୍ତ ଘୋଷଣା କରିବେ । ମାତ୍ର ଦୁଃଖର ବିଷୟ ଏହିକି ଯେ, ମୁଖ୍ୟ ଶାସନ ସଚିବ ଚଂଚକତା କରି ସମସ୍ତ କାଗଜପତ୍ର ଉପରେ ପୁନଃ ବିଚାର ପାଇଁ ପ୍ରଭୁ ଜଗନ୍ନାଥ ମନ୍ଦିର ପ୍ରଶାସନଙ୍କ ପାଖକୁ ପଠାଇଛନ୍ତି । ଏହାକୁ ବିଶ୍ୱାସଘାତକତା ଛଡ଼ା କଣ ହୋଇପାରେ?
ସୁତରାଂ ଆଜିର ସାମ୍ବାଦିକ ସମ୍ମିଳନୀରେ ଘୋଷଣା କରାଯାଉଛି ଯଦି ନବୀନ ସରକାର ନିଜର ତୃଟି ସଂଶୋଧନ କରି ପ୍ରଭୁ ଜଗନ୍ନାଥଙ୍କ ନାମରୁ ଅସଲ ଜମି ମାଲିକଙ୍କୁ ତାଙ୍କର ଜମି ୨ମାସ ଭିତରେ ଫେରସ୍ତ ନକରନ୍ତି, ତେବେ କ୍ଷତିଗ୍ରସ୍ତ ଜଟଣୀବାସୀ ହଜାର ହଜାର ସଂଖ୍ୟାରେ ନବୀନ ନିବାସ ଘେରାଉ କରିବେ । ପରିଣତ ପାଇଁ ନବୀନ ସରକାର ଦାୟୀ ରହିବେ । ଏହି ସାମ୍ବାଦିକ ସମ୍ମିଳନୀରେ ଜଟଣୀର ଅଶୋକ ମଙ୍ଗରାଜ, ବିବେକାନନ୍ଦ ବଡ଼ଜେନା, ଜୟକୃଷ୍ଣ ମଲିଆ, ନୌସରୀ ଅଲ୍ଲୀ, ବୃନ୍ଦାବନ ସାହୁ, ବିଷ୍ଣୁପ୍ରସାଦ ସାହୁ, ରାକେଶ କୁମାର ଦାସ, ପ୍ରମୋଦ କୁମାର ପ୍ରଧାନ, ପ୍ରମୋଦ ସାମନ୍ତସିଂହାର, ଭିକ୍ଷାକାରୀ ସାହୁ, ସୁବାସ ଚନ୍ଦ୍ର ସାହୁ, ତ୍ରିଲୋଚନ ପ୍ରଧାନ ଓ ସୁଧାଂଶୁ ମୋହନ ପଟ୍ଟନାୟକ ପ୍ରମୁଖ ଉପସ୍ଥିତ ଥିଲେ । ଓଡ଼ିଶା ସମାଚାର

About admin

Check Also

ବିବାଦରେ ପାରାଦୀପ ବିଜେପି ସଙ୍ଗଠନ- ଜିଲ୍ଲା ଉପସଭାପତିଙ୍କୁ ଆକ୍ରମଣ, ଥାନାରେ ମାମଲା

ପାରଦୀପ , ୨୫/୧୧/୨୦୨୧(ଓଡ଼ିଶା ସମାଚାର)- ପାରାଦୀପର ଅଟଳ ବିହାରୀ ବାଜପେୟୀ ଟ୍ରଷ୍ଟର ଅଧ୍ରକ୍ଷ ତଥା ଜିଲ୍ଲା ବିଜେପିର ଉପସଭାପତି ଅଜିତ …

Leave a Reply

Your email address will not be published. Required fields are marked *