Tuesday , December 7 2021
Breaking News
Home / ଶିକ୍ଷା / ଶ୍ରୀ ଶ୍ରୀ ବିଶ୍ୱ ବିଦ୍ୟାଳୟ ସହକାରୀ ପ୍ରଫେସରଙ୍କୁ ଅଷ୍ଟ୍ରେଲିଆ ବିଶ୍ୱ ବିଦ୍ୟାଳୟର ପ୍ରଶଂସା

ଶ୍ରୀ ଶ୍ରୀ ବିଶ୍ୱ ବିଦ୍ୟାଳୟ ସହକାରୀ ପ୍ରଫେସରଙ୍କୁ ଅଷ୍ଟ୍ରେଲିଆ ବିଶ୍ୱ ବିଦ୍ୟାଳୟର ପ୍ରଶଂସା

କେନ୍ଦ୍ରାପଡ଼ା,୬/୧୧/୨୦୨୧(ଓଡ଼ିଶା ସମାଚାର)- ଶ୍ରୀ ଶ୍ରୀ ବିଶ୍ୱ ବିଦ୍ୟାଳୟ ର ମ୍ୟାନେଜମେଂଟ ଷ୍ଟଡିଜ (ଏଫ.ଏମ.ଏସ.)ର ସହକାରୀ ଫ୍ରଫେସର ତଥା ଏହାର ଜଳବାୟୁ ପରିବର୍ତନ ଏବଂ ନିରନ୍ତରତା କେନ୍ଦ୍ରର ନିର୍ଦେଶକ କମଳାକାନ୍ତ ଦାଶଙ୍କୁ “ସବୁଜ ଅର୍ଥନୀତିରେ କ୍ୟାରିଅର” ପ୍ରସଙ୍ଗରେ ଏକ ଆନ୍ତର୍ଜାତୀୟ ୱେବିନାରର ଚର୍ଚ୍ଚାରେ ତାଙ୍କ ମୂଲ୍ୟବାନ ଅବଦାନ ପାଇଁ ଅଷ୍ଟ୍ରେଲିଆର ବୈଷୟିକ ବିଶ୍ୱ ବିଦ୍ୟାଳୟ ସିଡନି ପକ୍ଷରୁ ତାଙ୍କୁ ପ୍ରଶଂସା କରାଯିବା ସହିତ ଏକ ପ୍ରଶଂସାପତ୍ର ପ୍ରଦାନ କରାଯାଇଛି । ଅଷ୍ଟ୍ରେଲିଆର ବୈଷୟିକ ବିଶ୍ୱ ବିଦ୍ୟାଳୟ ସିଡନିର କଳା ଏବଂ ସାମାଜିକ ବିଜ୍ଞାନ ବିଭାଗ ଡିନ ପ୍ରଫେସର ଆଲାନ୍ ଡେଭିସନ ସବୁଜ ଚାକିରୀରେ ବୃଦ୍ଧି ପାଉଥିବା ସୁଯୋଗରେ ଉଭୟ ଭାରତୀୟ ଏବଂ ଏସୀୟ ଦୃଷ୍ଟିକୋଣ ପ୍ରଦାନ କରିଥିବାରୁ ପ୍ରଫେସର ଦାଶଙ୍କୁ ଧନ୍ୟବାଦ ଜଣାଇ ଏକ ପ୍ରଶଂସାପତ୍ର ଲେଖିଛନ୍ତି । ପ୍ରଫେସର ଦାଶ ମଧ୍ୟ ଏମବିଏ ଛାତ୍ରମାନଙ୍କ ପାଇଁ କର୍ପୋରେଟ ପରିବେଶ ଦାୟୀତ୍ୱ ଏବଂ ସ୍ଥାୟୀତ୍ୱ ଶିକ୍ଷା କରିବାର ଅଭିଜ୍ଞତା, ଜଳବାୟୁ ପରିବର୍ତନଏବଂ ସ୍ଥାୟୀତ୍ୱରେ ପାରଦର୍ଶୀତା ଥିବା ଛାତ୍ରମାନଙ୍କୁ ନିଯୁକ୍ତି ଦେବା ପାଇଁ କର୍ପୋରେଟମାନେ କିପରି ଆଗ୍ରହୀ ତାହା ଉପରେ ଆଲୋକପାତ କରିଛନ୍ତି । ସେ ଯୁକ୍ତି କରିଛନ୍ତି ଯେ ୨୦୩୦ ସୁଦ୍ଧା କମ୍ପାନୀ ଏବଂ ସରକାର ସବୁଜ ଅର୍ଥନୀତିରେ ପରିବର୍ତନ ହେବା ପରେ ଅତି କମରେ ୨୪ ନିୟୁତ ପ୍ରତ୍ୟେକ୍ଷ ଚାକିରୀ ଏବଂ ଅନେକ ନିୟୁତ ଅଧିକ ପରୋକ୍ଷ ନିଯୁକ୍ତି ସୃଷ୍ଟି ହେବ । ଶ୍ରୀ ଶ୍ରୀ ବିଶ୍ୱ ବିଦ୍ୟାଳୟର କୁଳପତି ପ୍ରଫେସର ଅଜୟ କୁମାର ସିଂ ଏବଂ ଏଫଏମଏସର ଡିନ୍ ପ୍ରଫେସର ଉଷା ଆରୋରା ପ୍ରଫେସର ଦାଶଙ୍କୁ ଅଷ୍ଟ୍ରେଲିଆରୁ ପ୍ରଶଂସା ପାଇଁ ଅଭିନନ୍ଦନ ଜଣାଇଛନ୍ତି । ଓଡ଼ିଶା ସମାଚାର

About admin

Check Also

ବାତ୍ୟା ପାଇଁ ଶନିବାର ୧୯ ଜିଲ୍ଲାରେ ସ୍କୁଲ ଛୁଟି

ଭୁବନେଶ୍ୱର, ୦୩/୧୨/୨୦୨୧(ଓଡ଼ିଶା ସମାଚାର)-ଶନିବାର ଠାରୁ ଅନେକ ଜିଲ୍ଲାରେ ପ୍ରବଳ ବର୍ଷା ହେବାର ସମ୍ଭାବନା ଥିବାରୁ ଗଞ୍ଜାମ, ଗଜପତି, ପୁରୀ, ନୟାଗଡ଼, …

Leave a Reply

Your email address will not be published. Required fields are marked *