Monday , November 29 2021
Breaking News
Home / ବିଶେଷ / ବଣୁଆ ହାତୀକୁ ନେଇ ଗୁଆଳିପୁର ପଂଚାୟତବାସୀ  ଆତଙ୍କିତ 

ବଣୁଆ ହାତୀକୁ ନେଇ ଗୁଆଳିପୁର ପଂଚାୟତବାସୀ  ଆତଙ୍କିତ 

ତାରପୁର ୨୮/୧୦/୨୦୨୧(ଓଡ଼ିଶା ସମାଚାର)- ରଘୁନାଥପୁର ବ୍ଲକ୍ ଗୁଆଳିପୁର ପଂଚାୟତ ବର୍ତି ଧାନ ବିଲ ଗହୀରରେ ଏକ ବଣୁଆ ହାତୀ ପସିଆସିଥିବାରୁ ଏହାର ଆଖ ପାଖ ଅଂଚଳରେ ଆତଙ୍କର ବାତାବରଣ ଖେଳିଯାଇଥିବାବେଳେ ଏଠାକାର ସାଧାରଣ ଜନତା ଭୟାତୁର ଅବସ୍ଥାରେ ଅଛନ୍ତି । ସୂଚନାଯୋଗ୍ୟ କି ଆଜି ସକାଳୁ ଏକ ବଣୁଆ ହାତୀ ନିଶ୍ଚିନ୍ତକୋଇଲି ପଟରୁ ଲୁଣା , ଚିତ୍ରୋପôଳା ଓ ମହାନଦୀ ପାର ହୋଇ କଟକ ପାରାଦ୍ୱୀପ ରାସ୍ତା କଡ଼ରେ ଥିବା କୁର୍ତାଙ୍ଗ କଲେଜ ପଟରେ ପସିଥିଲା । ଏହି ହାତିଟିକୁ ଦେଖିବା ପରେ ଚାରିଆଡ଼େ ଆତଙ୍କର ବାତାବରଣ ଖେଳିଯାଇଥିଲା । ଖବର ପାଇ କଟକ ବନଖଣ୍ଡ ଡ଼ିଏଫଓ ସଂଜୟ କୁମାର ସ୍ୱାଇଁ ଙ୍କ ସମେତ ଶତାଧିକ ବନ କର୍ମଚାରୀ ପହଂଚି ହାତିଟିକୁ ଜଗି ରହିଥିବାବେଳେ ହାତିର ଚତୁପାଶ୍ୱର୍ ରାସ୍ତାରେ ହାତି ଦେଖିବା ପାଇଁ ହଜାର ହଜାର ଲୋକ ରୁଣ୍ଡ ହୋଇଛନ୍ତି । ତେବେ ହାତି ଟି ସନ୍ଧ୍ୟା ହେବା ପର୍ଯ୍ୟନ୍ତ ଗହୀର ମଝିରେ ଧାନ ବିଲରେ ବୁଲୁଥିବାରୁ ଅଂଚଳର ଲୋକମାନେ ଆତଙ୍କିତ ଅବସ୍ଥାରେ ରହିଛନ୍ତି । ଏ ବିଷୟରେ ଜଗତସିଂହପୁର ବନାଂଚଳ ଫରେଷ୍ଟ ରେଂଜର ବଳରାମ ସାହୁ କହିଛନ୍ତି କି ଶହେ ରୁ ଅଧିକ ବିଭାଗୀୟ କର୍ମଚାରୀ ହାତିର ଗତିବିଧିକୁ ଜବି ରହିଛୁ । ହାତିଟି ଚଣ୍ଡିଖୋଲ ମହାବିନାୟକ ନିକଟରୁ ଛତିଆ ବାଟ ଦେଇ ନିଶ୍ଚିନ୍ତକୋଇଲି ପଟରୁ ଏଠାକୁ ଚାଲିଆସିଛି । ତେବେ ଅବସ୍ଥା ଦେଖି କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଓଡ଼ିଶା ସମାଚାର

About admin

Check Also

ଜୀବିକା ସୁରକ୍ଷା ମଞ୍ଚ ପକ୍ଷରୁ ପ୍ରାଥମିକ ଶିକ୍ଷା ସଚେତନତା ପାଇଁ ଗୁଞ୍ଜରଣ ଯାତ୍ରା

ବାଲିଗୁଡା,୨୮/୧୧ /୨୧(ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ସ୍ତରୀୟ ମହିଳା ଜୀବିକା ସୁରକ୍ଷା ମଞ୍ଚ ଓ ଜୀବିକା ସୁରକ୍ଷା …

Leave a Reply

Your email address will not be published. Required fields are marked *