ହାତୀ ଆକ୍ରମଣରେ  ବୃଦ୍ଧ ମୃତ : ଘାସ ବାଛୁଥିବାବଳେ  ଦଳିଦେଲା ଦନ୍ତା

ନିଶ୍ଚିନ୍ତକୋଇଲି, ୨୭/୧୦/୨୦୨୧(ଓଡିଶା ସମାଚାର /ଅଭୟ ଜେନା)- କଟକ ଜିଲ୍ଲା  ନିଶ୍ଚିନ୍ତ କୋଇଲି  ବ୍ଲକ  କଟିକଟା  ପଞ୍ଚାୟତ  ରାମରାଙ୍ଗ  ଗ୍ରାମରେ  ଘଟିଛି ଏଭଳି  ଅଭାବନୀୟ  ଘଟଣା । ଆଜି ଅପରାହ୍ନ ୩.୩୦ ସମୟରେ   ଭାଗବତ ବେହେରା ନାମକ  ଜଣେ ବୃଦ୍ଧ   ନିଜ  ବଗିଚାରେ  ଘାସ  ବାଛୁଥିବା ସମୟରେ  ଅଚାନକ  ଗୋଟେ  ଦନ୍ତା  ହାତୀ  ଆସି  ତାଙ୍କୁ ଆକ୍ରମଣ କରିଥିଲା । ସେ ଦୌଡିବାକୁ ଉଦ୍ୟମ କରୁଥିବା ବେଳେ ପଡିଯିବାରୁ ହାତୀବୃଦ୍ଧ ଙ୍କୁ ଦଳି ମାରିଦେଇ ଥିଲା । ଏହି ହାତୀ ଗତ ସପ୍ତାହ ରେ ନିଶ୍ଚିନ୍ତକୋଇଲି ଅଞ୍ଚଳ ରେ ତାଣ୍ଡବ ରଚିଥିଲା । ବନ ବିଭାଗ ଘଉଡ଼ାଇ ଥିଲା । ମାତ୍ର ହାତୀ ପୁନର୍ବାର ଫେରି ଆସି ଏଠାରେ ମୃତ୍ୟୁ ର ତାଣ୍ଡବ ରଚିଛି । ହାତୀ ଏବେ ନିକଟସ୍ଥ ଲୁଣା ନଦୀ ମଧ୍ୟରେ ରହିଥିବା ଜଣାପଡିଛି । ବନବିଭାଗ, ପୋଲିସ, ଅଗ୍ନିଶମ ବିଭାଗ ସେଠାରେ ଉପସ୍ଥିତ ଅଛନ୍ତି । ଓଡ଼ିଶା ସମାଚାର