Tuesday , August 9 2022
Breaking News
Home / ବିଶେଷ / ନିର୍ମାଣାଧିନ ନୂତନ ଡାକ୍ତରଖାନା କୋଠାରୁ ଖସିପଡି ପ୍ରବାସୀ ଶ୍ରମୀକଙ୍କ ମୃତୁ୍ୟ – ଜିଲ୍ଲା ଶ୍ରମ ଅଧିକାରୀ ନିରବ

ନିର୍ମାଣାଧିନ ନୂତନ ଡାକ୍ତରଖାନା କୋଠାରୁ ଖସିପଡି ପ୍ରବାସୀ ଶ୍ରମୀକଙ୍କ ମୃତୁ୍ୟ – ଜିଲ୍ଲା ଶ୍ରମ ଅଧିକାରୀ ନିରବ

କେନ୍ଦ୍ରାପଡ଼ା, ୧୬/୧୦/୨୦୨୧(ଓଡ଼ିଶା ସମାଚାର)-କେନ୍ଦ୍ରାପଡା ସଦର ଥାନା ଅନ୍ତର୍ଗତ ଇଚ୍ଛାପୁର ଠାରେ ନିର୍ମାଣାଧିନ ‘ମାତୃ ଓ ଶିଶୁ ଡାକ୍ତରଖାନା’ର ବହୁତଳ ବିଶିଷ୍ଟ କୋଠାରୁ ଖସିପଡି ମୟୁରଭଞ୍ଜ ଜିଲ୍ଲାର ଉଜ୍ଜଳା ଥାନା ଅଂଚଳର ଜଣେ ପ୍ରବାସୀ ନିର୍ମାଣ ଶ୍ରମିକ(ରାଜମିସ୍ତ୍ରୀ) ଜିତୁରାଇ ବେଶ୍ରା(୪୧)ଙ୍କର ଗତ ୨୦୨୦ମସିହା ଜୁଲାଇ ମାସ ୧୮ ତାରିଖରେ ମୃତୁ୍ୟ ହୋଇ ଯାଇଛି ।  ମାତ୍ର ମୃତୁ୍ୟର ୩ ଦିନ ପୂର୍ବରୁ ଉଜ୍ଜଳାର ମଣିଷ ବେପାରୀ, ‘ରଘୁ’ ନାମକ ଜନୈକ ଦଲାଲ୍ ୩୫ ଜଣ ନିର୍ମାଣ ଶ୍ରମିକଙ୍କୁ ଆଣି ନିର୍ମାଣାଧିନ ଡାକ୍ତରଖାନାର ମୁଖ୍ୟ ଠିକାଦାରଙ୍କ ପାଖରେ ହାଜର କରାଇଥିଲା । କିନ୍ତୁ ମୃତୁ୍ୟ ଯେ ତାଙ୍କୁ ଅପେକ୍ଷା କରିଛି ସେକଥା ତାଙ୍କୁ ଜଣାନଥିଲା । ଏଠାରେ ସୂଚନା ଯୋଗ୍ୟ ଯେ ବହୁବର୍ଷ ହେବ ସେହି ସ୍ୱାସ୍ଥ୍ୟ ବିଭାଗର କୋଠାକୁ ବମ୍ବେର ନରିମାନ ପଏରେ ଅବସ୍ଥିତ ଏକ ଠିକାଦାର ସଂସ୍ଥା(ଇଞ୍ଜିନିୟରିଂ ଇଣ୍ଡିଆ) ନିର୍ମାଣ କାର୍ଯ୍ୟର ଠିକା ନେଇ କାମ କରୁଛି । ଶ୍ରମ ଆଇନ ଅନୁସାରେ ଜିଲ୍ଲା ଶ୍ରମ ଅଧିକାରୀ ସଂପୃକ୍ତ ଠିକାସଂସ୍ଥାକୁ ଶ୍ରମିକ ଲାଇସେନ୍ସ ପ୍ରଦାନ କରିଥିବେ । ପ୍ରାୟ ୩୦୦ରୁ ଉଦ୍ଧ୍ୱର୍ ଠିକା ଶ୍ରମିକ ସେହି ନିର୍ମାଣ କାର୍ଯ୍ୟରେ ନିଯୁକ୍ତ ଅଛନ୍ତି । ଶ୍ରମ ଆଇନ ଅନୁଯାଇ ଠିକାଦାର ପାଖରେ ମଷ୍ଟର ରୋଲ, ୱେଜ ରେଜିଷ୍ଟର, ଓଭରଟାଇମ୍ ରେଜିଷ୍ଟର ପ୍ରଭୃତି ରେକର୍ଡପତ୍ର ରହିଥିବା ସହିତ ଜିଲ୍ଲା ଶ୍ରମ ଅଧିକାରୀଙ୍କୁ ମଧ୍ୟ ସେସବୁ ରେକର୍ଡ ଦିଆଯାଇଥିବ । ନିରାପତା ସମ୍ବଦ୍ଧୀୟ ପଦକ୍ଷେପ ଗ୍ରହଣ କରିବାକୁ ଜିଲ୍ଲା ଶ୍ରମ ଅଧିକାରୀ ଠିକାଦାରଙ୍କୁ ବାଧ୍ୟ କରିଥିବେ  । ଏଥିପାଇଁ ମଧ୍ୟ ଶ୍ରମ ନିରୀକ୍ଷକ ନିୟମିତ ନିର୍ମାଣ ସ୍ଥଳ ପରିଦର୍ଶନ କରୁଥିବେ । କିନ୍ତୁ ମୃତ ଶ୍ରମିକଙ୍କର ମୁଣ୍ଡରେ ହେଲମେଟ କିମ୍ବା ଅନ୍ଟାରେ ବେଲ୍ଟ ନଥିଲା । ତାହା ଥିଲେ ହତଭାଗ୍ୟ ଶ୍ରମିକଟି ବଂଚିଯାଇଥାନ୍ତା । ମୃତ ଶ୍ରମିକର ଶବ ଉଦ୍ଧାର ଏବଂ ପୋଷ୍ଟମର୍ଟମ ମଧ୍ୟ କେନ୍ଦ୍ରାପଡା ସଦରଥାନା ପକ୍ଷରୁ କରାଯାଇଥିବ । କେନ୍ଦ୍ରାପଡା ଶ୍ରମ କାର୍ଯ୍ୟାଳୟରେ ନିଜେ ପ୍ରଭାଗୀୟ ଅଧିକାରୀ, ଜିଲ୍ଲା ଶ୍ରମ ବିଭାଗ ଦାୟୀତ୍ୱରେ ଥିବାରୁ ତାଙ୍କର ଦାୟୀତ୍ୱକୁ ଏଡାଇ ଦିଆଯାଇ ପାରିବନାହିଁ । ସମ୍ପୁର୍ଣ୍ଣ ବେଆଇନ ଓ ନିରାପତା ବିହୀନ ପଦକ୍ଷେପ ପାଇଁ ସଂପୃକ୍ତ ଠିକାସଂସ୍ଥା ଇଞ୍ଜିନିୟରିଂ ଇଣ୍ଡିଆର ମୁଖ୍ୟ ଅଧିକାରୀଙ୍କୁ ନୋଟିସ କରାଯାଇ ଶ୍ରମ ଆଇନ୍ ଅନୁସାରେ ଜୋରିମାନା ଓ ଏକବର୍ଷ ଜେଲ୍ ଦଣ୍ଡ ଦେବା ସହିତ ଉକ୍ତ ସଂସ୍ଥାକୁ କଳା ତାଲିକା ଭୁକ୍ତ କରାଯିବା ଆବଶ୍ୟକ । ଜୁଲାଇ ମାସରୁ ଅକ୍ଟୋବର ମାସ ଅଧା ହେଲେ ସୁଦ୍ଧା ମୃତ ଶ୍ରମିକର ପରିବାରକୁ ସହାୟତା ରାଶି ମିଳିପାରିନାହିଁ । ଏପରିକି କେନ୍ଦ୍ରାପଡା ଶ୍ରମ କାର୍ଯ୍ୟାଳୟରୁ ମୃତ ଶ୍ରମିକର ଘର, ମୟୁରଭଞ୍ଜକୁ କୌଣସି ଖବର ପଠାଯାଉନାହିଁ । କେନ୍ଦ୍ରାପଡା ପୂର୍ତ ଡିଭିଜନ ୧ ନମ୍ବର ଡିଭିଜନର ନିର୍ବାହୀ ଯନ୍ତ୍ରୀ  ମୃତ ଶ୍ରମିକଙ୍କ ପରିବାରକୁ ପ୍ରିନ୍ସିପାଲ ଏମ୍ପ୍ଲୋୟର ହିସାବରେ ତୁରନ୍ତ ୨୫ ଲକ୍ଷ ଟଙ୍କା ଦେବା ପାଇଁ କେନ୍ଦ୍ରାପଡା ଜିଲ୍ଲା ସି.ଆଇ.ଟି.ୟ.ୁ ପକ୍ଷରୁ ଜଗତଜୀବନ ଦାଶ ଦାବି କରିଛନ୍ତିି । କେନ୍ଦ୍ରାପଡା ଜିଲ୍ଲାପାଳ କଣ ପାଇଁ ଚୁପ ଅଛନ୍ତି ତାହା ମଧ୍ୟ ଚିନ୍ତାର ବିଷୟ । ଅତିତରେ କେନ୍ଦ୍ରାପଡାରେ ସର୍କିଟ ହାଉସ ନିର୍ମାଣ ସମୟରେ କାର୍ଯ୍ୟସ୍ଥଳରେ ଜଣେ ଶ୍ରମିକ ମୃତୁ୍ୟ ବରଣ କରିଥିଲେ ମଧ୍ୟ ପୁର୍ତ ଡିଭିଜନ ତାଙ୍କୁ ଯେନତେନ ଭାବରେ ରଫାଦଫା କରିଦେଇଥିଲା । ତୁରନ୍ତ କାର୍ଯ୍ୟାନୁଷ୍ଠାନ ସ୍ୱରୁପ ଅସଲ ଠିକାଦାରଙ୍କୁ ନିରାପା ପାଇଁ ଉପଯୁକ୍ତ ପଦକ୍ଷେପ ନେଇନଥିବା ଓ ଶ୍ରମିକର ମୃତୁ୍ୟ ପାଇଁ ତାଙ୍କୁ ଗିରଫ କରାଯିବା ସହ ସଂସ୍ଥାକୁ କଳା ତାଲିକା ଭୁକ୍ତ କରାଯାଉ ଏବଂ ମୃତ ଶ୍ରମିକଙ୍କ ବେସାହାରା ପରିବାରକୁ ସର୍ବନିମ୍ନ ୨୫ ଲକ୍ଷ ଟଙ୍କା କ୍ଷତି ପୁରଣ ପ୍ରଦାନ କରାଯିବାକୁଁ ସି.ଆଇ.ଟି.ୟୁ. ପକ୍ଷରୁ ଶ୍ରୀ ଦାଶ ଦାବି କରିଛନ୍ତି ।  ଓଡ଼ିଶା ସମାଚାର

About admin

Check Also

ଜୁନାଗଡ଼ ହାତୀନଦୀରେ ବନ୍ୟା,ଚାଷ ଜମି ଜଳମଗ୍ନ

ଜୁନାଗଡ଼, ୦୯/୦୮/୨୦୨୨(ଓଡ଼ିଶା ସମାଚାର /ରାକେଶ ବେମାଲ )- କଳାହାଣ୍ଡି ଜିଲାରେ ଗତ ୨ ଦିନ ଧରି ଲଗାଣ ବର୍ଷା ଜାରିରହିଛି। ଏପରିସ୍ଥଳେ …

Leave a Reply

Your email address will not be published.