Tuesday , October 19 2021
Breaking News
Home / ବିଶେଷ /      ଭୁବନରେ  ନିରାଡମ୍ବର ଭାବେ ମା ଦୁର୍ଗା ଙ୍କ ମହାଷ୍ଟମୀ ପାଳିତ

     ଭୁବନରେ  ନିରାଡମ୍ବର ଭାବେ ମା ଦୁର୍ଗା ଙ୍କ ମହାଷ୍ଟମୀ ପାଳିତ

ଭୁବନ,୧୪/୧୦/୨୦୨୧(ଓଡ଼ିଶା ସମାଚାର)- ମହାମାରୀ କରୋନା କଟକଣା ମଧ୍ୟରେ ଚଳିତବର୍ଷ ଭୁବନରେ ଆରମ୍ଭ ହୋଇଛି ଦଶହରା ପର୍ବ । ଗତ ସୋମବାର  ବିଭିନ୍ନ ମଣ୍ଡପରେ ମୃଣ୍ମୟ ଦେବୀଙ୍କ ଷଷ୍ଠୀପୂଜା (ଚକ୍ଷୁଦାନ)କରାଯାଇଛି । ବିନା ଡାକବାଜି ଯନ୍ତ୍ରରେ ମଣ୍ଡପରେ ପୂଜକଙ୍କ ମନ୍ତ୍ର ଉଚ୍ଚାରଣ ମଧ୍ୟରେ ୫/୭ ଜଣ କର୍ମକର୍ତା ଙ୍କ ଉପସ୍ଥିତିରେ ମା ଙ୍କ ପୂଜା ଅନୁଷ୍ଠିତ ହେଉଛି । ପ୍ରତ୍ୟେକ ମେଢ ପାଖରେ ପୋଲିସ ମୁତୟନ ରହିଛନ୍ତି । ଶ୍ରଦ୍ଧାଳୁ ଭକ୍ତମାନେ ପୂଜା କରିବା ପାଇଁ ଆଜି ଗହଳି କରିଥିଲେ । ସର୍ବପୁରାତନ ପୂଜା ପ୍ରତିଷ୍ଠାନ ବନଦୁର୍ଗା ସମେତ ଗୁଜୁରୀହାଟ ଦେଶଦୁର୍ଗା, କ୍ଲାସିକ କ୍ଲବ, ହାଟୁଆବଣିକ ସଂଘ, ପୋଥାଳ ସାହି ଦୁର୍ଗା ,ବାଜିଛକ, ଦୁର୍ଗାବଜାର ,ନୂଆଭୁବନ ଦୁର୍ଗା ମେଢ,ବିଜ୍ଞାପିତ ଅଂଚଳ ପରିଷଦ ଓ ସେନ ସାହି ହରପାର୍ବତୀ ମେଢ ରେ ଆଜି ନିରାଡମ୍ବର ଭାବେ ପବିତ୍ର ମହାଷ୍ଟମୀ ପୂଜା  ପାଳିତ ହୋଇଯାଇଛି । ଆସନ୍ତାକାଲି ମହାନବମୀ ପାଳନ କରାଯିବ । କୋଭିଡ କଟକଣା ଯୋଗୁ ଚଳିତବର୍ଷ ଭସାଣିଯାତ୍ରା ଓ ଐତିହାସିକ,ପାରମ୍ପରିକ ବଳଦ ଯାତ୍ରା ହେବ ନାହିଁ ଶାନ୍ତିକମିଟି ବୈଠକରେ ନିଷ୍ପତି ହୋଇଛି ।

ବନଦୁର୍ଗା – ସ୍ୱାଧିନତାର ଦୁଇବର୍ଷ ପୂର୍ବରୁ ଅର୍ଥାତ୍ ୧୯୪୫ ମସିହାରେ ସର୍ବପ୍ରଥମେ ଦୁର୍ଗାଛକରେ ସାହିବାସିନ୍ଦା ଙ୍କ ସହଯୋଗରେ ଦୁର୍ଗାପୂଜା ଆରମ୍ଭ ହୋଇଥିଲା । ୧୨ ବର୍ଷ ପର୍ଯ୍ୟନ୍ତ ପୂଜା ହେବା ପରେ ସ୍ୱର୍ଗତ ବନବିହାରୀ ସାହୁ ଙ୍କ ଉଦ୍ୟମରେ ଏହା ସାର୍ବଜନିନ ପୂଜାଭାବେ ଖ୍ୟାତି ଅର୍ଜନ କରିଥିଲା । ଚଳିତବର୍ଷ ୭୭ ତମ ବାର୍ଷିକ ଦୁର୍ଗାପୂଜା ପାଳିତ ହେଉଛି ।

ଗୁଜୁରୀହାଟ ଦେଶ ଦୁର୍ଗା – ୧୯୬୮ ମସିହାରେ ଗୁଜୁରୀହାଟ ବ୍ୟବସାୟୀ ଙ୍କ ଦ୍ୱାରା ଆରମ୍ଭ ହୋଇଥିବା ଦୁର୍ଗାପୂଜା ଚଳିତବର୍ଷ ୫୪  ତମ ବାର୍ଷିକ ଦୁର୍ଗାପୂଜା ପାଳନ ହେଉଛି । ବର୍ତମାନ ଏହା ଦେଶଦୁର୍ଗାର ମାନ୍ୟତା ପାଇଛି ।

ସେନସାହି ହରପାର୍ବତୀ – ୧୯୯୭ ମସିହାରେ ସେନସାହି ବାସିନ୍ଦା ଙ୍କ ଉଦ୍ୟମରେ ଅନୁଷ୍ଠିତ ହୋଇଥିବା ହରପାର୍ବତୀ ପୂଜା ଚଳିତବର୍ଷ ୨୫ ବର୍ଷରେ ପଦାର୍ପଣ କରିଛି ।

ଗଡଗଁପୁର-୨୦୦୧ ମସିହାରେ ଗଡଗଁପୁର ଗ୍ରାମରେ ଗ୍ରାମବାସୀଙ୍କ ସହଯୋଗରେ  ଆରମ୍ଭ ହୋଇଥିବା ଦୁର୍ଗାପୂଜା ଚଳିତ ବର୍ଷ ୨୧ ବର୍ଷରେ ପଦାର୍ପଣ କରିଛି ।

କ୍ଲାସିକ କ୍ଲବ- ୨୦୦୨ ମସିହାରେ ଡାକବଙ୍ଗଳା ସମ୍ମୁଖରେ କ୍ଲାସିକ କ୍ଲବ ସଦସ୍ୟଙ୍କ ଉଦ୍ୟମ ଓଲତାବିଲ ଅଂଚଳବାସୀ ଙ୍କ ସହଯୋଗରେ  ଆରମ୍ଭ ହୋଇଥିବା ଦୁର୍ଗାପୂଜା ଚଳିତ ବର୍ଷ ୨୦ ବର୍ଷରେ ପଦାର୍ପଣ କରିଛି ।

ପୋଥାଳ ସାହି- ୨୦୧୧ ମସିହାରେ ପୋଥାଳ ସାହି ବାସିନ୍ଦା ଙ୍କ ଦ୍ୱାରା ଆରମ୍ଭ ହୋଇଥିବା ଦୁର୍ଗାପୂଜା ଚଳିତ ବର୍ଷ ୧୧  ବର୍ଷରେ ପହଁଚିଛି ।

ହାଟୁଆ ବଣିକ ସଂଘ- ୨୦୧୨ ମସିହାରେ ହାଟ ବ୍ୟବସାୟୀ ଙ୍କ ଦ୍ୱାରା ସିନେମା ହଲ ସମ୍ମୁଖରେ ଆରମ୍ଭ ହୋଇଥିବା ଦୁର୍ଗାପୂଜା ଚଳିତବର୍ଷ ୧୦ ମ ବର୍ଷରେ ପହଁଚିଛି ।

ବିଜ୍ଞାପିତ ଅଂଚଳ ପରିଷଦ-୧୯୯୮ ମସିହାରେ  ଭୁବନ ବିଜ୍ଞାପିତ ଅଂଚଳ ପରିଷଦ ହରପାର୍ବତୀ ପୂଜା କମିଟି ତରଫରୁ ଆରମ୍ଭ ହୋଇଥିବା ପୂଜା ଚଳିତବର୍ଷ ୨୫ ବର୍ଷରେ ପଦାର୍ପଣ କରିଛି ।

ନୂଆଭୁବନ- ୨୦୦୧ ମସିହାରେ ନୂଆଭୁବନରେ ଆରମ୍ଭ ହୋଇଥିବା ଦୁର୍ଗାପୂଜା ଚଳିତବର୍ଷ ୨୧ ବର୍ଷରେ ପହଁଚିଛି ।

ବାଜିଛକ- ୨୦୦୧ ମସିହାରେ ବାଜିଛକ ଠାରେ ଆରମ୍ଭ ହୋଇଥିବା ଦୁର୍ଗାପୂଜା ଚଳିତବର୍ଷ ୨୧ ବର୍ଷରେ ପଦାର୍ପଣ କରିଛି ।  ଓଡ଼ିଶା ସମାଚାର

About admin

Check Also

ଗତ ୨୪ ଘଣ୍ଟା ମଧ୍ୟରେ ଓଡ଼ିଶା ରେ ଆଉ ୫୫୬ ଜଣ ନୂତନ କରୋନା ସଂକ୍ରମିତ ଚିହ୍ନଟ – ୮୭ ଜଣ ଶିଶୁ ଆକ୍ରାନ୍ତ – ୪ଜଣ ଙ୍କ ମୃତ୍ୟୁ

ଭୁବନେଶ୍ୱର,୧୯/୧୦/୨୦୨୧(ଓଡ଼ିଶା ସମାଚାର)- ଗତ ୨୪ ଘଣ୍ଟା ମଧ୍ୟରେ ଓଡ଼ିଶା ରେ ଆଉ ୫୫୬ ଜଣ ନୂତନ କରୋନା ସଂକ୍ରମିତ ଚିହ୍ନଟ …

Leave a Reply

Your email address will not be published. Required fields are marked *