ଦୁର୍ଗାପୂଜା  (କବି )—-ସରୋଜ ସାହୁ

ଦୁର୍ଗାପୂଜା  (କବି )—-ସରୋଜ ସାହୁ

ଯୁଗେ ଯୁଗେ ଦୁଷ୍ଟ କରିବାକୁ ନାଶ

                 ମାଆ ଆସିଥାନ୍ତି ଧାଇଁ

ଅବତାର ନେଇ ଜନମ ଲଭଇ

                 ଭକତ ସୁରକ୍ଷା ପାଇଁ l

ଦଶଭୁଜା ବେଶେ ମହିଁସା ବିନାଶେ

                 ଆସିଥିଲେ ମର୍ତ୍ୟ ପୁରେ

ଜଗତ ଜନନୀ ଦୁର୍ଗତି ନାଶିନୀ

                  ପୂଜା ଆସେ ଦଶହରାରେ l

ବାର ମାସେ ତେର ପରବ ଆମର

                  ଆସିଥାଏ ଏ ସଂସାରେ

ହସି ଉଠେ ପୁର ପଲ୍ଲୀ ଓ ସହର

                  ମନରେ ଆନନ୍ଦ ଭରେ l

କି ସୁନ୍ଦର ଶୋଭା ସତେ ମନଲୋଭା

                 ଦର୍ଶନେ ଲାଗେ ଆନନ୍ଦ

ମାଆ ଆଗମନେ ଏ ସାରା ଭୁବନେ

                  ଖେଳେ ଖୁସିର ସମ୍ବାଦ l

ଆଶ୍ଵିନୀର ମାସେ ଏ ପରଵ ଆସେ

                   ଆନନ୍ଦେ ନାଚଇ ଚାଷୀ

ମଙ୍ଗଳ ନିମିତ୍ତ ଦୁଷ୍ଟଜନ ହିତ

                     ଧରିଥାନ୍ତି ହସ୍ତେ ଅସୀ l

ସିଂହ ବାହିନୀ ମାଆ ଜଗତ କଲ୍ୟାଣୀ

                     ମହିମା ତାଙ୍କ ଅପାର

ପଣା ହାଣ୍ଡି ସବୁ ପୂଜା କରାଯାଏ

                      ଦୁଃଖ ମା କରିବେ ଦୂର l

ଶାରଦୀୟ ଦୁର୍ଗା ପୂଜା ଆସିଅଛି

                       ଚଉଦିଗେ ପୂଜାପାଠ

ଅସ୍ତ୍ର ପୂଜା ହୁଏ ଏହି ପର୍ବ ବେଳେ

                      କଂପୁଅଛି ଦୁର୍ଗା ପୀଠ l

ସୁନ୍ଦର ତୋରଣ ମନ ନିଏ କିଣି

                      ଆଲୋକ ଭଳି କି ଭଳି

ପ୍ରଭୁ ରାମଚନ୍ଦ୍ର ଦୁର୍ଗାପୂଜା କରି

                     ଦଶାନନ ଦେଲେ ମାରି l

କିଛି ସ୍ଥାନେ ହୁଏ ରାବଣ ପୋଡିର

                     ସୁନ୍ଦର ସେ ଆୟୋଜନ

ପୁରାଣର ସେହି କଥାବସ୍ତୁ ଟିକୁ

                      ସ୍ମରନ୍ତି ଭକତ ଜନ   l

ବିଘ୍ନବିନାଶିନୀ ଅଭୟ ଦାଇନୀ

                      ସଭିଙ୍କ ମଙ୍ଗଳ ପାଇଁ

ବରଷକେ ଥରେ ଏ ମର୍ତ୍ୟ ଭୁବନେ

                       ଉଭା ହୋଇଛନ୍ତି ତହିଁ  l

ଘେନ ମା ପ୍ରଣତି କରୁଛି ଵିନତୀ

                     ସମର୍ପିତ ତୋ ପୟରେ

ଶୁଭାଆଶିଷ ମିଳୁ ଶାନ୍ତି ବଞ୍ଚି ରହୁ

                     ତୁମ ଏହି  ସଂସାରରେ l

ଶକ୍ତିମୟୀ ମାଆ ଅଟ ଦୟାମୟୀ

                     କରୁଣା ତୁମ ଅପାର

କୃପା ବାରି ମାଆ ଢାଳି ଦିଅ ବାରେ

                     ଦୁଃଖ ଶୋକ ହେଉ ଦୂର l

-0-

ପାଟକୁରା ଥାନା ଅଧିକାରୀ

                                                                     ଫୋନ ନମ୍ବର -9439161426