Friday , October 22 2021
Home / ବିଶେଷ / ରାଜୀବ ଗାନ୍ଧୀ ସେବାକେନ୍ଦ୍ର ଉପରେ ମିଶନଶକ୍ତି ଗୃହ ନିର୍ମାଣକୁ ପଂଚାୟତ ମହିଳା ମହାସଂଘର ବିରୋଧ

ରାଜୀବ ଗାନ୍ଧୀ ସେବାକେନ୍ଦ୍ର ଉପରେ ମିଶନଶକ୍ତି ଗୃହ ନିର୍ମାଣକୁ ପଂଚାୟତ ମହିଳା ମହାସଂଘର ବିରୋଧ

କେନ୍ଦ୍ରାପଡ଼ା, ୧୨/୧୦/୨୦୨୧(ଓଡ଼ିଶା ସମାଚାର)- ଗ୍ରାମପଂଚାୟତ ରାଜୀବ ଗାନ୍ଧୀ ସେବା କେନ୍ଦ୍ର ଗୃହ ଉପରେ ମିଶନଶକ୍ତି ଗୃହ ନିର୍ମାଣକୁ ପଂଚାୟତ ସ୍ତରୀୟ ମହିଳା ମହାସଙ୍ଘର କର୍ମକର୍ତାଙ୍କ ସମେତ ସଭ୍ୟାମାନେ ବିରୋଧ କରି ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି । କେନ୍ଦ୍ରାପଡା ଜିଲ୍ଲାର ଗରଦପୁର ବ୍ଲକ ଅନ୍ତର୍ଗତ ମଧୁଶାସନ ଗ୍ରାମପଂଚାୟତ ସ୍ତରୀୟ ମହିଳା ମହାସଂଘ ପକ୍ଷରୁ ଜିଲ୍ଲାପାଳଙ୍କ ନିକଟରେ ଅଭିଯୋଗ କରାଯାଇଛି ଯେ ସେହି ପଂଚାୟତର ମକନ୍ଦର ଗ୍ରାମରେ ଥିବା ରାଜୀବ ଗାନ୍ଧୀ ସେବାକେନ୍ଦ୍ର ଗୃହ ଉପରେ ପଂଚାୟତ ସ୍ତରୀୟ ମହିଳା ମହାସଂଘ ପାଇଁ ଏକ ମିଶନଶକ୍ତି ଗୃହ ନିର୍ମାଣ କରାଯିବାକୁ ଯୋଜନା କରାଯାଉଛି । ଏସମ୍ପର୍କରେ ପଂଚାୟତ ସ୍ତରୀୟ ମହିଳା ମହାସଂଘର କର୍ମକର୍ତାମାନଙ୍କୁ ଅବଗତ କରାନଯାଇ ସେମାନଙ୍କ ଅଗଚୋରରେ ଏଭଳି କରାଯାଉଥିବା ଅଭିଯୋଗ ହୋଇଛି । କିନ୍ତୁ ସେହି ଗୃହର ମୂଳଦୁଆ ମଜଭୁତ ନଥିବାରୁ ସେହି ଗୃହ ଉପରେ ମିଶନଶକ୍ତି ଗୃହ ନିର୍ମାଣ କରାଗଲେ ସେହି ଗୃହର ସ୍ଥାୟୀତ୍ୱ ଉପରେ ଭବିଷ୍ୟତରେ ବିପଦ ସୃଷ୍ଟି ହେବାର ସମ୍ଭାବନା ଦେଖାଦେଇଛି । ଏତଦ୍ ବ୍ୟତିତ ସେହି ଗୃହ ନିର୍ମାଣରେ ଖର୍ଚ୍ଚ ହେବାକୁ ଥିବା ସରକାରୀ ଅର୍ଥ ଅପବ୍ୟୟ ହେବାର ଆଶଙ୍କା ମଧ୍ୟ ରହିଛି । ସେହି ସ୍ଥାନରେ ଗୃହ ନିର୍ମାଣ କରାଗଲେ ସେହି ମିଶନଶକ୍ତି ଗୃହକୁ ବୈଠକରେ ଯୋଗଦେବାକୁ ଯିବା ସମୟରେ ମହିଳାମାନଙ୍କ ପାଇଁ ବିପଦର ଆଶଙ୍କା ରହିଥିବା ଅଭିଯୋଗ ହୋଇଛି । ତେଣୁ ଏକ ବୈଷୟିକ ଅଭିଜ୍ଞତା ସମ୍ପନ୍ନ ଟିମ ଦ୍ୱାରା ସେହି ଗୃହର ମୂଳଦୁଆ ସମ୍ପର୍କରେ ଯାଂଚ କରାଯିବା ସହିତ ପଂଚାୟତର ଏକ ମଧ୍ୟସ୍ଥଳରେ ସମସ୍ତ ମହିଳା ସ୍ୱୟଂ ସହାୟିକା ଗୋଷ୍ଠିର ମହିଳାମାନଙ୍କ ପାଇଁ ଯାତାୟତ ଓ ବୈଠକ ପାଇଁ ସୁବିଧା ହେଉଥିବା ସ୍ଥାନ ନିରୂପଣ କରାଯାଇ ସେଠାରେ ମିଶନଶକ୍ତି ଗୃହ ନିର୍ମାଣ କରାଯିବାକୁ ପଂଚାୟତ ସ୍ତରୀୟ ମହିଳା ମହାସଂଘର କର୍ମକର୍ତା ଓ ସଭ୍ୟାମାନେ ଜିଲ୍ଲାପାଳଙ୍କୁ ନିବେଦନ କରିଛନ୍ତି । ଏସମ୍ପର୍କରେ ମଧୁଶାସନ ଗ୍ରାମପଂଚାୟତ ସ୍ତରୀୟ ମହିଳା ମହାସଙ୍ଘର କର୍ମକର୍ତାମାନଙ୍କୁ ନେଇ ଏକ ବୈଠକ ଅନୁଷ୍ଠିତ ହେବା ସହ ଉପରୋକ୍ତ ପ୍ରସ୍ତାବ ସର୍ବସମ୍ମତି କ୍ରମେ ଗୃହିତ ହୋଇଥିବା ମହାସଙ୍ଗ ପକ୍ଷରୁ ସୂଚନା ଦିଆଯାଇଛି । ମଧୁଶାସନ ପଂଚାୟତ ସ୍ତରୀୟ ମହାସଂଘର ସଭାନେତ୍ରୀ ରଞ୍ଜିତା ଦାସ, ସମ୍ପାଦିକା ସୁନିତା ଦାସ, ସଭ୍ୟା ଜୟନ୍ତୀ ମହାରଣା, ରୋଜାଲିନ ତ୍ରିପାଠୀ, ମୁସଲେମୁନ ବିବି, ବିଜୟାଲକ୍ଷ୍ମୀ ସେଠୀ, ମଞ୍ଜୁଲତା ବାରିକ, ସନ୍ଧ୍ୟାରାଣୀ ସୁତାର,ସାବେରା ଖାତୁନ, ସଫିକା ଅହେମ୍ମଦ, ଆସମା ଖାତୁନ, ୟାଶ୍ମିନ ଆରା, ହୁସନାରା ବେଗମ, ନର୍ମଦା ନାୟକ, ସଶ୍ମିତା ନାୟକ, ମୀନାରାଣି ମଳିକ, ମୌସୁମୀ ମଲିକ ପ୍ରମୁଖ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି । ଓଡ଼ିଶା ସମାଚାର

About admin

Check Also

ସନ୍ଦେହ ଘେରରେ ଯୁବ ବ୍ୟବସାୟୀ ଲିଟୁ (କବାଡିଆ)ନିଖୋଜ ମାମଲା

ପାରାଦୀପ,୨୨/୧୦/୨୦୨୧(ଓଡ଼ିଶା ସମାଚାର)- ପାରାଦୀପ ଅଂଚଳର ଜଣାଶୁଣା କବାଡିଆ ବ୍ୟବସାୟୀ ବିଶ୍ୱ ଭୂଷଣ ରାଉତରାୟ (ଲିଟୁ) ନିଖୋଜ ମାମଲାର ପର୍ଦ୍ଧାଫାଶ୍ ଏଯାଏ …

Leave a Reply

Your email address will not be published. Required fields are marked *