Tuesday , August 16 2022
Breaking News
Home / ବିଶେଷ / ରାଜଧାନୀ ଭୁବନେଶ୍ୱରରେ ପୁଣି କରୋନା ସଂକ୍ରମଣ ବିପଦ

ରାଜଧାନୀ ଭୁବନେଶ୍ୱରରେ ପୁଣି କରୋନା ସଂକ୍ରମଣ ବିପଦ

ଭୁବନେଶ୍ୱର,୦୬/୧୦/୨୦୨୧(ଓଡ଼ିଶା ସମାଚାର)- ରାଜଧାନୀ ଭୁବନେଶ୍ୱରରେ ପୁଣି କରୋନା ସଂକ୍ରମଣ ବିପଦ ଦେଖାଦେଇଛି ।   କିଛିଦିନର ବ୍ୟବଧାନ ପରେ ରାଜଧାନୀକୁ ପୁଣି ଫେରିଛି କଣ୍ଟେନମେଣ୍ଟ ଜୋନ୍ । ରାଜଧାନୀରେ କରୋନା ସଂକ୍ରମିତଙ୍କ ସଂଖ୍ୟା ବଢ଼ିବାରୁ ବିଏମସି କଣ୍ଟେନମେଣ୍ଟ ଜୋନ୍ ଘୋଷଣା  କରିଛି ।

ଫରେଷ୍ଟ ପାର୍କ ଅଞ୍ଚଳର ୫୨ ନମ୍ବର ୱାର୍ଡ ରାଜେନ୍ଦ୍ର ବିହାର ରେ  ଥିବା ଆପାର୍ଟମେଣ୍ଟକୁ ବିଏମସି କଣ୍ଟେନମେଣ୍ଟ ଘୋଷଣା କରିଛି ।  ସଂପୃକ୍ତ ଆପାର୍ଟମେଣ୍ଟ ର ୧୦ ଟି ଫ୍ଲାଟ୍ ରେ ଏକାଧିକ ବ୍ୟକ୍ତି କରୋନା ସଂକ୍ରମିତ ହୋଇଥିବାରୁ ଆପାର୍ଟମେଣ୍ଟ କୁ ସିଲ କରି ବିଏମସି କଣ୍ଟେନମେଣ୍ଟ ଜୋନ୍ ଘୋଷଣା  କରିଛି ।  ଏହି ଆପାର୍ଟମେଣ୍ଟ  ର କେହି ବାହାରକୁ ଆସିପାରିବେନି ବା ସେଠାକୁ କେହି ଯାଇପାରିବେ ନାହିଁ  । ସେହି ଆପାର୍ଟମେଣ୍ଟ ର ଲୋକମାନଙ୍କ ନିତ୍ୟବ୍ୟବହାର୍ଯ୍ୟ ଅତ୍ୟାବଶ୍ୟକ ଜିନିଷ ଯୋଗାଇ ଦିଆଯିବ । ଆପାର୍ଟମେଣ୍ଟ ର ଲୋକମାନଙ୍କର କଂଟାକ୍ଟ ଟ୍ରେସିଙ୍ଗ କରାଯିବ ।  ଆଗକୁ ପାର୍ବଣ ଥିବାରୁ ନିୟମ କଡ଼ାକଡି ପାଳନ କରିବାକୁ ବିଏମସି ପକ୍ଷରୁ ପଦକ୍ଷେପ ଗ୍ରହଣ କରାଯାଇଛି।  ଓଡ଼ିଶା ସମାଚାର

About admin

Check Also

ସରପଂଚ ଚିତ୍ରସେନ ଦାସଙ୍କ ହତ୍ୟା ଅଭିଯୋଗରେ ୮ଜଣଙ୍କୁ ଆଜୀବନ କାରାଦଣ୍ଡାଦେଶ

କେନ୍ଦ୍ରାପଡ଼ା, ୧୬/୦୮/୨୦୨୨(ଓଡ଼ିଶା ସମାଚାର)- କେନ୍ଦ୍ରାପଡା ଜିଲ୍ଲାର ଆଳି ଥାନା ଅନ୍ତର୍ଗତ ସିଙ୍ଗିରି ଗ୍ରାମପଂଚାୟତର ତତ୍କାଳୀନ ସରପଂଚ ଚିତ୍ରସେନ ଦାସଙ୍କୁ ହତ୍ୟା …

Leave a Reply

Your email address will not be published.