Tuesday , August 16 2022
Breaking News
Home / ବିଶେଷ /   ଶ୍ରାଦ୍ଧବାର୍ଷିକୀରେ ସମ୍ବର୍ଦ୍ଧନା

  ଶ୍ରାଦ୍ଧବାର୍ଷିକୀରେ ସମ୍ବର୍ଦ୍ଧନା

  କେନ୍ଦ୍ରାପଡ଼ା, ୦୨/୧୦/୨୦୨୧(ଓଡ଼ିଶା ସମାଚାର)- କେନ୍ଦ୍ରାପଡା ବ୍ଲକ ଅନ୍ତର୍ଗତ ଆୟବା ପଂଚାୟତ କାର୍ଯ୍ୟାଳୟ ପରିସରରେ ବିଶିଷ୍ଟ ସମାଜସେବୀ ସ୍ୱର୍ଗତ ଦର୍ଶନ ବିଶ୍ୱାଳଙ୍କ ଶ୍ରାଦ୍ଧବାର୍ଷିକୀ ଉପଲକ୍ଷେ ଅଂଚଳର କ୍ଲବମାନଙ୍କୁ ସାମାଜିକ କାର୍ଯ୍ୟ ପାଇଁ ସମ୍ବର୍ଦ୍ଧିତ କରାଯାଇଛି । ଆୟବା ପଂଚାୟତର ମା ବୁଢି ଜାଗୁଳାଇ କ୍ଲବ, ନରଣପୁରର ଶିବଶକ୍ତି କ୍ଲବ, ମଧୁରକୂଳର ବାବାମଣି କ୍ଲବ, ଗଣ୍ଡାକିଆର ମା ଭଗବତୀ କ୍ଲବ, ବାଲିଗୋଠର ଟାଇଗର କ୍ଲବ ପ୍ରଭୃତିକୁ ଗୋବରୀ ନଦୀ ତୁଠରେ ବାଉଁଶ ବାଡ ଦେବା, ମହାମାରୀ କରୋନା ସମୟରେ ଗାଁ ବିଶ୍ୱଦ୍ଧନ, ଗାଁ ପୋଖରୀ ଓ ନଳକୂପ ସଫେଇ, ନିଶା ନିବାରଣ,ପଣା ବଂଟନ, ଲିମ୍ବ ଚାରା ରୋପଣ ପ୍ରଭୃତି ସେବା ନିମନ୍ତେ ଅନୁଷ୍ଠାନର କର୍ମକର୍ତାମାନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି ଉପଲକ୍ଷେ ଅନୁଷ୍ଠିତ କାର୍ଯ୍ୟକ୍ରମରେ ସ୍ୱର୍ଗତ ବିଶ୍ୱାଳଙ୍କ ପୁତ୍ର ତଥା କେନ୍ଦ୍ର ସରକାରଙ୍କ ବରିଷ୍ଠ ଅଧିକାରୀ ଦ୍ୱାରିକାନାଥ ବିଶ୍ୱାଳ ସଭାପତିତ୍ୱ କରିଥିଲେ । ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଶିକ୍ଷକ ରବୀନ୍ଦ୍ର ପ୍ରସାଦ ଜେନା, ସମ୍ମାନିତ ଅତିଥି ଭାବେ ଯୁବ ସାମ୍ବାଦିକ ବୀରେନ୍ଦ୍ର ଦାସ ଯୋଗଦେଇ ଅନୁଷ୍ଠାନ ଗୁଡିକର ପ୍ରତିନିଧିମାନଙ୍କୁ ସମ୍ବର୍ଦ୍ଧିତ କରିଥିଲେ । ଅନ୍ୟମାନଙ୍କ ମଧ୍ୟରେ ସମାଜସେବୀ ଗୌତମ ପ୍ରଧାନ, ଶିକ୍ଷାବିତ ସରୋଜକାନ୍ତ ବିଶ୍ୱାଳ, ବରିଷ୍ଠ ବିଜେଡି ନେତା ବିଜୟ କୁମାର ସ୍ୱାଇଁ, ଯୁବ ସମାଜସେବୀ ଅଯୋଦ୍ଧାନାଥ ବିଶ୍ୱାଳ ପ୍ରମୁଖ କାର୍ଯ୍ୟକ୍ରମ ପରିଚାଳନା କରିଥିଲେ । ଓଡ଼ିଶା ସମାଚାର

About admin

Check Also

ପୁଲିସ ପାଟ୍ରୋଲିଂ ବେଳେ ଗଞ୍ଜେଇ ସହ କାର ଜବତ: ଚାଲାଣ କାରୀ ଚମ୍ପଟ ମାରିଲେ

ବାଲିଗୁଡା,୧୬/୦୮/୨୨(ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ରାଇକିଆ ଥାନା ପକ୍ଷରୁ ୨୭ କିଲୋ ୩୦୦ …

Leave a Reply

Your email address will not be published.