Saturday , August 13 2022
Breaking News
Home / ବିଶେଷ / ମାତୃଭାଷା ଓ ଭୂମି ପ୍ରତି କୁଠାରଘାତକୁ ଦୃଢ଼ ନିନ୍ଦା କଲା ‘ଓଡ଼ିଶା ନାଗରିକ ମହାମଂଚ’

ମାତୃଭାଷା ଓ ଭୂମି ପ୍ରତି କୁଠାରଘାତକୁ ଦୃଢ଼ ନିନ୍ଦା କଲା ‘ଓଡ଼ିଶା ନାଗରିକ ମହାମଂଚ’

ଭୁବନେଶ୍ୱର,୩୦/୦୯/୨୦୨୧(ଓଡ଼ିଶା ସମାଚାର)- ଆନ୍ଧ୍ର ଓ ଝାଡ଼ଖଣ୍ଡ ସରକାରଙ୍କ ଦ୍ୱାରା କରାଯାଉଥିବା ଆମ ମାତୃଭାଷା, ମାତୃଭୂମି ଉପରେ କୁଠାରଘାତକୁ ଓଡ଼ିଶା ନାଗରିକ ମହାମଂଚର ଅଧ୍ୟକ୍ଷ, ବରିଷ୍ଠ ସାମ୍ବାଦିକ ପ୍ରଦୁ୍ୟମ୍ନ ଶତପଥୀ, ମୁଖପାତ୍ର ଅରବିନ୍ଦ ତି୍ରପାଠୀ, ଉପସଭାପତି ପ୍ରଦୀପ ବିଶ୍ୱାଳ, ଅମରେନ୍ଦ୍ର ମହାପାତ୍ର, ବିଜୟ ପରିଡ଼ା, ଯନ୍ତ୍ରୀ ଶିଶିର ନାୟକ, ରମେଶ ଚନ୍ଦ୍ର ପାତାଳ ସିଂ ପ୍ରମୁଖ ଦୃଢ଼ ବିରୋଧ ଓ ଘୋର ନିନ୍ଦା ପ୍ରକାଶ କରିଛନ୍ତି । ଶ୍ରୀଯୁକ୍ତ ଶତପଥୀ ମତବ୍ୟକ୍ତ କରିଛନ୍ତି ଯେ, ଓଡ଼ିଆ ଭାଷାକୁ ଝାଡ଼ଖଣ୍ଡ ଓ ଆନ୍ଧ୍ର ସରକାର ଯେଉଁପରି ଭାବରେ ପ୍ରହାର କରିଛନ୍ତି, କୋଟିଆଠାରେ ଜୋରଜବରଦସ୍ତ ନିଜ ଭାଷାକୁ ଲଦିଦେବା, ଫଳକ ଲଗାଇବା, ତଥା ଆମ ନିରୀହ ଜନତାଙ୍କୁ ବିଭିନ୍ନ ପ୍ରକାର ପ୍ରଲୋଭନ ଦେଖାଇ ପ୍ରଭାବିତ କରିବାକୁ ବରଦାସ୍ତ କରାଯିବ ନାହିଁ । ଏ ଦିଗରେ ରାଜ୍ୟ ସରକାର ତୁରନ୍ତ ପଦକ୍ଷେପ ନେବା ସହିତ ସେ ଦୁଇ ରାଜ୍ୟର ମୁଖ୍ୟମନ୍ତ୍ରୀଙ୍କୁ ଭେଟି ଆଲୋଚନା କରନ୍ତୁ ବୋଲି କହିବା ସହ, ବହୁ ପୂର୍ବରୁ ମାନ୍ୟବର ମୁଖ୍ୟମନ୍ତ୍ରୀଙ୍କୁ ଏ ବାବଦରେ ପତ୍ର ଲେଖାଯାଇଛି ବୋଲି ମତବ୍ୟକ୍ତ କରିଥିଲେ । ଆମ ମହାପୁରୁଷ, ମହାନ ବ୍ୟକ୍ତିମାନେ ସଂଘର୍ଷ କରି ମାତୃଭାଷା ଓ ମାତୃଭୂମି ପାଇଁ ଜୀବନ ଦେଇଥିଲେ । କୌଣସି ପରିପ୍ରେକ୍ଷୀରେ ମା’, ମାଟି, ମାତୃଭାଷା ପ୍ରତି ଅସମ୍ମାନ, ବୈମାତୃକ ମନୋଭାବକୁ ଗ୍ରହଣ ଓ ବରଦାସ୍ତ କରାଯିବ ନାହିଁ । ଓଡ଼ିଶାର ସ୍ୱାର୍ଥରକ୍ଷା ପ୍ରତି ସମସ୍ତେ ଆଗେଇ ଆସିବା ପାଇଁ ଆହ୍ୱାନ ଦେଇଥିଲେ । ଓଡ଼ିଆ ଭାଷାଭାଷୀ ଅଂଚଳର ସୁରକ୍ଷା ଉପରେ ଗମ୍ଭୀର ପ୍ରଶ୍ନବାଚୀ ସୃଷ୍ଟି ହୋଇଛି ବୋଲି କହିଥିଲେ । ମହାମଂଚ ପକ୍ଷରୁ ନାରାୟଣ ଓଝା, ସୀତାଂଶୁ ମହାରଣା, ସାମ୍ବାଦିକ ସୌଭାଗ୍ୟ ରଞ୍ଜନ ମହାନ୍ତି, ବ୍ରଜବନ୍ଧୁ ପରିଡ଼ା, ନାରାୟଣ ଖୁଂଟିିଆ ପ୍ରମୁଖ ଉପସ୍ଥିତ ଥିଲେ ବୋଲି ଅରବିନ୍ଦ ତି୍ରପାଠୀ ଜଣାଇଛନ୍ତି । ଓଡ଼ିଶା ସମାଚାର

About admin

Check Also

ସୁବର୍ଣ୍ଣରେଖା ଓ ଦେଓ ଜଳସେଚନ ପ୍ରକଳ୍ପ ଲୋକାର୍ପିତ କଲେ ମୁଖ୍ୟମନ୍ତ୍ରୀ

ମୟୁରଭଞ୍ଜ / ଭୁବନେଶ୍ୱର,୧୨/୦୮/୨୦୨୨(ଓଡ଼ିଶା ସମାଚାର)- ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ଆଜି ଦିନିକିଆ ମୟୁରଭଞ୍ଜ ଜିଲ୍ଲା ଗସ୍ତ କରି ସେଠାରେ …

Leave a Reply

Your email address will not be published.