ଓଡ଼ିଶା ସମାଚାର Odisha Breaking News , Odisha Current News , Odisha News
Related Articles
ଦିଲ୍ଲୀରେ ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କୁ ଭେଟିବେ ସାଇରାମ ଗାନ୍ଧୀ
ଭୁବନେଶ୍ୱର,୧୧/୦୯/୨୦୨୧(ଓଡ଼ିଶା ସମାଚାର)- ୧୯୨୧, ମାର୍ଚ୍ଚ ୨୩ ରେଳ ଯୋଗେ କଟକ ଆସିଥିଲେ ଜାତିର ପିତା ମହାତ୍ମା ଗାନ୍ଧୀ । ଗାନ୍ଧୀଙ୍କ ୧୦୦ବର୍ଷ ପୂର୍ତି ଏବଂ ୭୫ତମ ସ୍ୱାଧୀନତା ଦିବସ ଅବସରରେ ଓଡ଼ିଶାର ସିଲଭର ଗାନ୍ଧୀ ଭାବେ ପରିଚିତ ମୋହନ ମହାପାତ୍ର ଚଳିତବର୍ଷ ୭୫ତମ ସ୍ୱାଧୀନତା ଦିବସଠାରୁ ତାଙ୍କ ପଦଯାତ୍ରା ଆରମ୍ଭ କରିଛନ୍ତି । ଏହି ପଦଯାତ୍ରା ବନାରସରୁ ଦିଲ୍ଲୀ ଦୀର୍ଘ ୮୦୦ କିଲୋମିଟର ପଦଯାତ୍ରା କରି ଏକ ବିରଳ ରେକର୍ଡ଼ର ଅଧିକାରୀ ହୋଇପାରିବେ ବୋଲି ସିଲଭର ଗାନ୍ଧୀ ଆଶା ରଖିଛନ୍ତି ।
ଅକ୍ଟୋବର ୨ ତାରିଖ ଦିନ ଦିଲ୍ଲୀରେ ପହଂଚି, ରାଷ୍ଟ୍ରପତି ରାମନାଥ କୋବିନ୍ଦ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏବଂ କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନଙ୍କୁ ଭେଟିବାର ଯୋଜନା ରଖିଛନ୍ତି ସିଲଭର ଗାନ୍ଧୀ । ଗାନ୍ଧୀଙ୍କ ଏହି କାର୍ଯ୍ୟକ୍ରମକୁ ବହୁ କବି, କଳାକାର, ଲେଖକ, ବୁଦ୍ଧିଜୀବୀ, ସାମାଜିକ କର୍ମୀ ଓ ଯୁବବର୍ଗମାନେ ଉଚ୍ଚ ପ୍ରଶଂସା କରିଛନ୍ତି ।
ଏହି ଅବସରରେ ସିଲ୍ଭର ଗାନ୍ଧୀ କହିଛନ୍ତି ଯେ, ପ୍ରତ୍ୟେକ ଜନସାଧାରଣ ଦିନକୁ ଗୋଟିଏ ଘଂଟା ଦେଶ ପାଇଁ ଚିନ୍ତା କରିବା ସହ ଗୋଟିଏ ଘଂଟା ନିଜ ପାଇଁ ସମୟ ଦେଲେ ଏହା ଦେଶ ତଥା ଶରୀର ପାଇଁ ଉପକୃତ ହୋଇପାରିବ । ଏହା ଛଡ଼ା ହିଂସା ଛାଡ଼ି ଗାନ୍ଧୀଙ୍କ ଅହିଂସା ପଥକୁ ଆପଣାଇଲେ ଓଡ଼ିଶା ଭାରତର ଗୁରୁ ହୋଇପାରିବ ଏବଂ ଦେଶ ବିଶ୍ୱର ଗୁରୁ ହୋଇପାରିବ ବୋଲି ତାଙ୍କ ମନ୍ତବ୍ୟରେ ଦର୍ଶାଇଛନ୍ତି । ଓଡ଼ିଶା ସମାଚାର
