Sunday , December 5 2021
Home / ବିଶେଷ / ପଞ୍ଚାୟତ ନିର୍ବାଚନ ପାଇଁ ଵାଟ ସଫା: ହେଲେ ତୃଟିପୂର୍ଣ୍ଣ ସଂରକ୍ଷଣ ବ୍ୟବସ୍ଥା ଯୋଗୁ ନିରାଶ ହେଵେ ଓଵିସି ଵର୍ଗ!

ପଞ୍ଚାୟତ ନିର୍ବାଚନ ପାଇଁ ଵାଟ ସଫା: ହେଲେ ତୃଟିପୂର୍ଣ୍ଣ ସଂରକ୍ଷଣ ବ୍ୟବସ୍ଥା ଯୋଗୁ ନିରାଶ ହେଵେ ଓଵିସି ଵର୍ଗ!

କଟକ ସଦର, ୦୯/୦୯/୨୦୨୧(ଓଡ଼ିଶା ସମାଚାର/ଵିଷ୍ଣୁ ବେହେରା): ବିଧାନସଭାରେ ଓଡ଼ିଶା ଗ୍ରାମପଞ୍ଚାୟତ ଵିଧିର ୧୯୬୪,ଓଡିଶା ପଞ୍ଚାୟତ ସମିତି ଵିଧିର୧୯୫୯,ଓଡିଶା ଜିଲ୍ଲା ପରିଷଦ ଵିଧିର୧୯୯୧(ସଂଶୋଧନ) ବିଧାୟକ ବୁଧବାର ଗୃହିତ ହୋଇଯାଇଥିଵାରୁ ପୈ।ର ଓ ପଞ୍ଚାୟତ ନିର୍ବାଚନ ପାଇଁ ଥିବା ପ୍ରତିବନ୍ଧକ ହଟିଛି। ହେଲେ ସରକାରଙ୍କ ପଛୁଆ ବର୍ଗ ( ଓଵିସି) ପାଇଁ ୨୭% ସଂରକ୍ଷଣ ଘୋଷଣା କେଵଳ ଧୂଆଁ ଵାଣ ସଦୃଶ ହେଵାକୁ ଯାଉଥିବା ଅଭିଯୋଗ ହେଉଛି। ପ୍ରକାଶ ଯେ ଗତ ପଞ୍ଚାୟତ ନିର୍ବାଚନରେ ଅନୁସୂଚିତ ଜାତି ପାଇଁ ୧୭.୧, ଅନୁସୂଚିତ ଜନଜାତି ପାଇଁ ୨୨.୮ ଓ ଓଵିସି ପାଇଁ ୩୭% ଆସନ ସଂରକ୍ଷିତ ରହିଥିଲା। କିନ୍ତୁ ପରବର୍ତ୍ତୀ ସମୟରେ ହାଇକୋର୍ଟ ଏ ସଂକ୍ରାନ୍ତ ଏକ ମାମଲାର ବିଚାର କରି ସଂରକ୍ଷଣ ସୀମାକୁ ୫୦% ଭିତରେ ସୀମିତ ରଖିବାକୁ ନିର୍ଦ୍ଦେଶ ଦେଇଥିଲେ। ହାଇକୋର୍ଟ ଙ୍କ ରାୟକୁ ସୁପ୍ରିମକୋର୍ଟ ମଧ୍ୟ କାଏମ ରଖିଥିଲେ। ଏଥିପାଇଁ କୋର୍ଟ ଙ୍କ ନିର୍ଦେଶକୁ କାର୍ଯ୍ୟକାରୀ କରିବା ପାଇଁ ଆଇନରେ ସଂଶୋଧନ ର ଆବଶ୍ୟକତା ଥିଲା।ହେଲେ ତାହା କରାନଯିବାରୁ ଵିଲ୍ ପାରିତ ହୋଇଗଲା। ସଂଶୋଧିତ ଵିଲ୍ ଅନୁସାରେ ଅନୁସୁଚିତ ଜାତି ଓ ଜନଜାତି ପାଇଁ ସଂରକ୍ଷଣ କମାଯିଵ ନାହିଁ।ଉଭୟ ଵର୍ଗଙ୍କ ପାଇଁ ସଂରକ୍ଷଣ ପୂର୍ବପରି ୩୯.୯% ରହିଲେ ପୈ।ର ନିର୍ବାଚନ ପରି ପଞ୍ଚାୟତ ନିର୍ବାଚନରେ ପଛୁଆ ବର୍ଗ ( ଓଵିସି) ଙ୍କ ପାଇଁ ସଂରକ୍ଷଣ ୧୦ ପ୍ରତିଶତକୁ ଖସିଵା ଏକ ପ୍ରକାର ସ୍ପଷ୍ଟ ହୋଇଛି। ଏଥିପାଇଁ ଓଵିସି ଵର୍ଗଙ୍କ ମଧ୍ୟରେ ନୈରାଶ୍ୟ ଦେଖାଦେଇଛି। ଓଡ଼ିଶା ସମାଚାର

About admin

Check Also

କେନ୍ଦ୍ରାପଡ଼ାରେ ଜୱାଦ ବାତ୍ୟା ପାଇଁ ୪୮୨ ଜଣ ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର

କେନ୍ଦ୍ରାପଡ଼ା,୦୪/୧୨/୨୦୨୧(ଓଡ଼ିଶା ସମାଚାର)- ପଶ୍ଚିମ କେନ୍ଦ୍ରୀୟ ବେଙ୍ଗାପସାଗରରେ ସ୍ପଷ୍ଟ ଗଭୀର ଅବପାତ ଘନୀଭୂତ ହୋଇ ‘ଜୱାଦ’ ବାତ୍ୟାର ପ୍ରଭାବ ଯୋଗୁଁ କେନ୍ଦ୍ରାପଡ଼ା …

Leave a Reply

Your email address will not be published. Required fields are marked *