Saturday , November 26 2022
Breaking News
Home / ବିଶେଷ / ମହାକାଳପଡା ବିକାଶ ମଂଚ ପକ୍ଷରୁ ଅଗ୍ନିବିପନ୍ନଙ୍କୁ ସହାୟତା

ମହାକାଳପଡା ବିକାଶ ମଂଚ ପକ୍ଷରୁ ଅଗ୍ନିବିପନ୍ନଙ୍କୁ ସହାୟତା

କେନ୍ଦ୍ରାପଡ଼ା,୦୫/୦୯/୨୦୨୧(ଓଡ଼ିଶା ସମାଚାର)- ମହାକାଳପଡା ବିକାଶ ମଂଚ ପକ୍ଷରୁ ବଉଳକଣୀ ପଂଚାୟତର ଅରୁଣନଗର ଗ୍ରାମର ଅଗ୍ନିବିପନ୍ନ ପରିବାର ରାଜୁ ଜେନାଙ୍କୁ ସହାୟତା ପ୍ରଦାନ କରାଯାଇଛି । ଆକସ୍ମିକ ଅଗ୍ନିକାଣ୍ଡ ଘଟି ରାଜୁଙ୍କ ବାସଗୃହଟି ସମ୍ପୂର୍ଣ୍ଣ ପୋଡି ପାଉଁଁଶ ହୋଇଯାଇଛି । ଏସମ୍ପର୍କରେ ଖବର ପାଇ ବିକାଶ ମଂଚର ପ୍ରତିଷ୍ଠାତା ସଭାପତି ପରିବେଶବୀତ କାଶୀନାଥ ରାଉତରାୟ ଓ ମଂଚର ଉପଦେଷ୍ଟା ଶିକ୍ଷାବିତ ପ୍ରଣବ କୁମାର ଜେନାଙ୍କ ସହ ବିପନ୍ନଙ୍କ ପାଖରେ ପହଂଚି  ରାଜୁଙ୍କୁ ଚୂଡା, ଅଟା, ବିସ୍କୁଟ, ଚିନି ପ୍ରଭୃତି ଶୁଖିଲା ଖାଦ୍ୟ ସମେତ ଆର୍ଥିକ ସହାୟତା ପ୍ରଦାନ କରିଛନ୍ତି ।  ଏଥିସହିତ ବିପନ୍ନ ପରିବାରକୁ ମଂଚ ପକ୍ଷରୁ ସମବେଦନା ଜଣାଇଥିଲେ । ଏହି କାର୍ୟ୍ୟକ୍ରମରେ ମଂଚର ସମ୍ପାଦକ ବିଚିତ୍ର ବାରିକ, ସଦସ୍ୟ ଧନେଶ୍ୱର ସେଠୀ, ପବିତ୍ର ମାଇତି, ସେହି ଗ୍ରାମର ସଞ୍ଜୟ ମାରୁ, ରାମଚନ୍ଦ୍ର ମଣ୍ଡଳ, ଶ୍ରୀବତ୍ସ ମଳିକ, ଶ୍ରୀକାନ୍ତ ସର୍ଦ୍ଧାର, ଜଗବନ୍ଧୁ ଦାସ ପ୍ରମୁଖ ଉପସ୍ଥିତ ଥିଲେ ।ଓଡ଼ିଶା ସମାଚାର

Leave a Reply

Your email address will not be published.