Wednesday , December 1 2021
Breaking News
Home / ବିଶେଷ / ହଜ: ଗାଡ଼ିଚୋରକୁ ଗ୍ରାମବାସୀ ଧରି ପୋଲିସ ଜିମା ଦେଲେ

ହଜ: ଗାଡ଼ିଚୋରକୁ ଗ୍ରାମବାସୀ ଧରି ପୋଲିସ ଜିମା ଦେଲେ

ନିରାକାରପୁର,୨୬/୦୮/୨୦୨୧(ଓଡ଼ିଶା ସମାଚାର)-ଖୋର୍ଦ୍ଧା ଜିଲ୍ଲା ଜଙ୍କିଆ ଥାନା ହଜ ବଜାରରୁ ଗତକାଲି ବଜାର କମିଟି ସଦସ୍ୟମାନେ  ଜଣେ ଗାଡ଼ି ଚୋରକୁ ଧରି ପୋଲିସ ଜିମା ଦେଇଛନ୍ତି ।  ତାଠାରୁ ଗୋଟିଏ ପଲସର ଗାଡ଼ି ଓ ଏକ ଭୁଜାଲି, ଲୁହାରଡ଼ ଜବତ କରାଯାଇଛି । ସୂଚନାଯୋଗ୍ୟ କି ବାରମ୍ବାର ଚୋରୀ ଡ଼କାୟତି ହେଉଥିବାରୁ ହଜ ବଜାର କମିଟି ପାଳି କରି ରାତିରେ ବଜାରରେ ଜଗୁଥିବାବେଳେ ଗତକାଲି ରାତିରେ ୩ଜଣ ଯୁବକ ଏକ ପଲସର ଆଉ ଏକ ଗାଡ଼ିରେ ଏଠାକୁ ଆସିଥିଲେ । ଜଗିଥିବା କମିଟି ଲୋକଙ୍କର ସନ୍ଦେହ ହେବାରୁ ସେମାନଙ୍କୁ ଅଟକାଇ ପଚରାଉଚରା କରିବାବେଳେ ସେଥିରୁ ୨ଜଣ ଗାଡ଼ି ନେଇ ଫେରାର ହୋଇଯାଇଥିଲେ । ଜଣେ ଚୋର ଜାମୁସାହିର ସୁନିଲ ଜେନା (୨୮)କୁ କମିଟି ଲୋକ ଧରିଥିବାବେଳେ ତା ଠାରୁ ଏକ ପଲସର ନଂ ଓଡ଼ି୩୩ଏମ ୫୫୩୬ ଓ  ଏକ ଲୁହା ରଡ଼ ,ଭୁଜାଲି ଜବତ କରାଯାଇଥିଲା । ପରେ ସିକୋ ଫାଣ୍ଡି ପୋଲିସଙ୍କୁ ଚୋରକୁ ହସ୍ତାନ୍ତର କରାଯାଇଥିଲା । ପୋଲିସ ଜାଣିବାକୁ ପାଇଥିଲା କି ଏହି ଗାଡ଼ିଟି ଏକ ଚୋରା ଗାଡ଼ି । ଚାନ୍ଦପୁର ଥାନାରେ ଏ ନେଇ ଗତକାଲି  ଏକ ରିପୋର୍ଟ ହୋଇଛି । ଗାଡ଼ିଟି ଝାଡ଼ପଡ଼ା ଗ୍ରାମରୁ ଚୋରୀ ହୋଇଛି । ସୁନିଲକୁ ଚାନ୍ଦପୁର ଥାନାକୁ ହସ୍ତାନ୍ତର କରାଯାଇଥିବା କଥା ଜଣାପଡ଼ିଛି ।  ଓଡ଼ିଶା ସମାଚାର

About admin

Check Also

ସଚ୍ଚିଦାନନ୍ଦ ମହାନ୍ତି ଓ ପ୍ରଫେସର ନାରାୟଣ ଜେନାଙ୍କ ବିୟୋଗରେ ସାହିତ୍ୟ ସଂସଦର ଶୋକସଭା

କେନ୍ଦ୍ରାପଡ଼ା, ୩୦/୧୧/୨୦୨୧(ଓଡ଼ିଶା ସମାଚାର)- କେନ୍ଦ୍ରାପଡା ଜିଲ୍ଲା ସାହିତ୍ୟ ସଂସଦ ଆନୁକୂଲ୍ୟରେ ବରିଷ୍ଠ ଆଇନଜୀବୀ ସଚ୍ଚିଦାନନ୍ଦ ମହାନ୍ତି ଓ ପ୍ରଫେସର ନାରାୟଣ …

Leave a Reply

Your email address will not be published. Required fields are marked *