Saturday , June 25 2022
Home / କୃଷି / ପ୍ରତି ଗ୍ରାମରେ କୃଷକ ଆନ୍ଦୋଳନ କରିବାକୁ ଅଖିଳ ଭାରତ କୃଷକ ସଭା ର ନିଷ୍ପତି 

ପ୍ରତି ଗ୍ରାମରେ କୃଷକ ଆନ୍ଦୋଳନ କରିବାକୁ ଅଖିଳ ଭାରତ କୃଷକ ସଭା ର ନିଷ୍ପତି 

କେନ୍ଦ୍ରାପଡ଼ା, ୨୨/୦୮/୨୦୨୧(ଓଡ଼ିଶା ସମାଚାର)-ଅଖିଳ ଭାରତ କୃଷକ ସଭାର ଏକ ଜିଲ୍ଲା ସ୍ତରୀୟ ବୈଠକ ରବିବାର କେନ୍ଦ୍ରାପଡା ଜିଲ୍ଲା ବିକାଶ ସାମ୍ମୁଖ୍ୟ କାର୍ଯ୍ୟାଳୟ ପରିସରରେ କୃଷକ ନେତା ସାଥି ସୁରେନ୍ଦ୍ର ବାରିକଙ୍କ ସଭାପତିତ୍ୱରେ ଅନୁଷ୍ଠିତ ହୋଇଯାଇଛି । ଦୀର୍ଘ ୮ମାସରୁ ଉଦ୍ଧ୍ୱର୍ ସମୟ ମଧ୍ୟରେ ୬ଶହରୁ ଅଧିକ ଶହୀଦ କୃଷକଙ୍କ ପାଇଁ ଏକ ମିନିଟ ନୀରବ ପ୍ରାର୍ଥନା କରାଯାଇ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା । ଜିଲ୍ଲା ଆବାହକ ସାଥି ପଦ୍ମନାଭ ଦାସ ବିଗତ ଦିନର ଓ ଆଗାମୀ କାର୍ଯ୍ୟକ୍ରମ ସମ୍ପର୍କରେ ରିପୋର୍ଟ ଉପସ୍ଥାପନ କରିଥିଲେ । ରାଜ୍ୟ ସଭାପତି ସାଥି ଶଶିଭୂଷଣ ସ୍ୱାଇଁ ଦୀର୍ଘଦିନ ଧରି ଚାଲିଥିବା କୃଷକ ଆନ୍ଦୋଳନ ସମ୍ପର୍କରେ ବିସ୍ତୃତ ବିବରଣୀ ସହିତ ଆସନ୍ତା ସେପ୍ଟେମ୍ବରମାସ ୧ତାରିଖ ବୁଧବାର ଦେଶବ୍ୟାପି ଦାବି ଦିବସକୁ ଜିଲ୍ଲା ସ୍ତରୀୟ ବିକ୍ଷୋଭ ଦିବସ ଭାବେ ପାଳନ କରିବା ସହ ପ୍ରତି ଗ୍ରାମରେ କୃଷକମାନଙ୍କୁ ସଂଗଠିତ କରିବାକୁ ଆହ୍ୱାନ ଦେଇଥିଲେ । ତୁରନ୍ତ ଖରସ୍ରୋତା ନଦୀରେ କାମ ବନ୍ଦ କରି ଲୋକଙ୍କ ସହ ଆଲୋଚନା କରିବା, ପୋଲିସରାଜ ବନ୍ଦ କରିବା, ମିଥ୍ୟା ମାମଲା ପ୍ରତ୍ୟାହାର ସହିତ କେନ୍ଦ୍ରାପଡାରେ ସରକାରୀ ଉଦ୍ୟମରେ ଶୀତଳଭଣ୍ଡାର ପ୍ରତିଷ୍ଠା କରିବା, କେନାଲ ମାଧ୍ୟମରେ ପାଣି ଯୋଗାଣ, ଦରଦାମ ଓ ଗ୍ୟାସ ଦର କମାଇବା, କେନ୍ଦ୍ରାପଡା ଦେଇ ପାସେଞ୍ଜର ଟ୍ରେନ ତୁରନ୍ତ ଚାଲିବା, ସମସ୍ତ ଚାଷୀଙ୍କୁ ଟୋକନ ପ୍ରଦାନ ଆଦି ଉପରେ ଭାରତୀୟ କମୁ୍ୟନିଷ୍ଟ ପାର୍ଟିର ଜିଲ୍ଲା ସମ୍ପାଦକ ସାଥି ରମଣୀରଞ୍ଜନ ରାଉତରାୟ, ସହସମ୍ପାଦକ ଆଦିକନ୍ଦ ରାଉଳ, ବାବାଜୀ ଧଳ, ଆଳି ବ୍ଲକ ଆବାହକ ସୋହାନା ବେଗମ, କେନ୍ଦ୍ରାପଡା ବ୍ଲକର ନିରଞ୍ଜନ ଦାସ, ବିପଦଭଞ୍ଜନ ବାରିକ, ମାର୍ଶାଘାଇ ବ୍ଲକ ଆବାହକ ବିକାଶ ଚନ୍ଦ୍ର ବେଉରା, ଡେରାବିଶ ବ୍ଲକ ଆବାହକ ପ୍ରସନ୍ନ କୁମାର ଦାସ,ସଂଯୁକ୍ତା ରାଉତ, ଅରକ୍ଷିତ ପାତ୍ର, କୁବେର ସାହୁ ପ୍ରମୁଖ ଆଲୋଚନା କରିଥିଲେ । ଆଗାମୀ ୧ତାରିଖରେ ବହୁ ସଂଖ୍ୟାରେ ଚାଷୀ ଏକ ହୋଇ ବିକ୍ଷୋଭକୁ ସଫଳ କରିବାକୁ ନିବେଦନ କରାଯାଇଥିଲା । ଓଡ଼ିଶା ସମାଚାର

About admin

Check Also

ବୀମାଭୁକ୍ତ ହେଲା ୧୭ଟି ଫସଲ

ଭୁବନେଶ୍ୱର, ୨୧/୦୬/୨୦୨୨( ଓଡ଼ିଶା ସମାଚାର )- ଚଳିତ ବର୍ଷ ଖରିଫ ଋତୁରେ ୮ଟି ଫସଲ ଏବଂ ରବି ଋତୁରେ ୯ଟି …

Leave a Reply

Your email address will not be published. Required fields are marked *