Tuesday , December 7 2021
Breaking News
Home / ବିଶେଷ / ଭିନ୍ନକ୍ଷମ ଶିଶୁ ସର୍ଭେ ନିମନ୍ତେ ଏକ ଦିବସୀୟ ତାଲିମ ଶିବିର 

ଭିନ୍ନକ୍ଷମ ଶିଶୁ ସର୍ଭେ ନିମନ୍ତେ ଏକ ଦିବସୀୟ ତାଲିମ ଶିବିର 

କେନ୍ଦ୍ରାପଡ଼ା,୦୬/୦୮/୨୦୨୧(ଓଡ଼ିଶା ସମାଚାର)- ରାଜ୍ୟ ସରକାରଙ୍କ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ବିଭାଗ ନିର୍ଦେଶରେ ସାରା ରାଜ୍ୟରେ ଭିନ୍ନକ୍ଷମ ଶିଶୁମାନଙ୍କ ଘରକୁ ଘର ବୁଲି ସର୍ବେକ୍ଷଣ କାର୍ୟ୍ୟକ୍ରମ ଅଙ୍ଗନୱାଡି କର୍ମୀଙ୍କ ଦ୍ୱାରା ଆରମ୍ଭ ହେବାକୁ ଯାଉଛି । ଏହି କ୍ରମରେ ଜିଲ୍ଲାପାଳଙ୍କ ଅନୁମୋଦନ କ୍ରମେ ଜିଲ୍ଲା ସାମାଜିକ ସୁରକ୍ଷା ବିଭାଗ ପକ୍ଷରୁ ଜିଲ୍ଲାପାଳଙ୍କ କାର୍ୟ୍ୟାଳୟର ସଦଭାବନା ସଭାଗୃହରେ ଏକ ଦିବସୀୟ ବ୍ଲକସ୍ତରୀୟ ପ୍ରଶିକ୍ଷକମାନଙ୍କ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି । ଏହାକୁ ଅତିରିକ୍ତ ଜିଲାପାଳ ବସନ୍ତ କୁମାର ରାଉତ ପ୍ରଦୀପ ପ୍ରଜ୍ୱଳନ କରି ଉଦଘାଟନ କରିଥିଲେ । ଅନ୍ୟମାନଙ୍କ ମଧ୍ୟରେ ଜିଲାମୁଖ୍ୟ ଚିକିତ୍ସା ଅଧିକାରୀ ଡା. ଅନିତା ପଟ୍ଟନାୟକ, ଜିଲା ସମାଜ ମଙ୍ଗଳ ଅଧିକାରିଣୀ ଚିନ୍ମୟୀ ରଥ, ସହକାରୀ ଜିଲା ଶିକ୍ଷା ଅଧିକାରିଣୀ ଶୁଭଲକ୍ଷ୍ମୀ ନାୟକ ପ୍ରମୁଖ ଯୋଗଦେଇଥିଲେ । ମୁଖ୍ୟ ଅତିଥି ଶୂନରୁ ଛଅବର୍ଷ ବୟସ୍କ ପିଲାଙ୍କ ଚିହ୍ନଟରେ ସାମିଲ ହେଉଥିବା ତୃଣମୂଳସ୍ତରର ଅଙ୍ଗନୱାଡି କର୍ମୀମାନଙ୍କୁ ଆଜିର ତାଲିମ ପରେ ବ୍ଲକସ୍ତରରେ ସଠିକ୍ଭାବେ ୨୧ ପ୍ରକାର ଭିନ୍ନକ୍ଷମତା ଉପରେ ପ୍ରଶିକ୍ଷଣ ଦେବାକୁ ପରାମର୍ଶ ଦେଇଥିଲେ । ଯାହାଦ୍ୱାରା କି ଆରମ୍ଭରୁ ଚିହ୍ନଟ ହୋଇଥିବା ଶିଶୁଙ୍କୁ ଉପଯୁକ୍ତ ଚିକିତ୍ସା କରାଯାଇ ସୁସ୍ଥ କିମ୍ବା ଆବଶ୍ୟକ ଉପଯୁକ୍ତ ସହାୟତା ଯୋଗାଇ ଦିଆଯାଇ ପାରିବ । ଏଥି ସହ ସରକାର ରଖିଥିବା ଭିନ୍ନକ୍ଷମ ଶତାଂଶ କମାଇବାର ଲକ୍ଷ୍ୟ  ଯଥାର୍ଥରେ ପୂରଣ ହୋଇପାରିବ । ଅନ୍ୟତମ ଅତିଥି ମୁଖ୍ୟ ଚିକିତ୍ସା ଅଧିକାରିଣୀ ତାଙ୍କ ବକ୍ତବ୍ୟରେ ଜିଲାରେ କାମ କରୁଥିବା ଡିଆଇସି/ଆରବିଏସକେମାନଙ୍କୁ ଏ ସମ୍ପର୍କରେ ବୁଝାଇ ତୁରନ୍ତ କିଭଳି ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସେମାନଙ୍କୁ ମାଗଣାରେ ଚିକିତ୍ସା ସହାୟତା ଯୋଗାଇ ଦିଆଯାଇପାରିବ ଓ ସ୍ଥଳ ବିଶେଷରେ ସୁସ୍ଥ କରାଯାଇ ପାରିବ ସେ ସମ୍ପର୍କରେ ସୂଚନା ପ୍ରଦାନ କରିଥିଲେ । ଜିଲା ସମାଜ କଲ୍ୟାଣ ଅଧିକାରିଣୀ ଏହି ସର୍ବେକ୍ଷଣକୁ ଶୃଙ୍ଖଳିତ କରିବା ପାଇଁ ସମସ୍ତ ସିଡିପିଓ ଓ ସୁପରଭାଇଜରମାନଙ୍କର ନିଷ୍ଠାପର ଉଦ୍ୟମ ରହିବା ଆବଶ୍ୟକ ବୋଲି ମତବ୍ୟକ୍ତ କରିଥିଲେ । ଯାହାଦ୍ୱାରା କି ଆମେ ଅନ୍ୟ ଜିଲା ତୁଳନାରେ ଅଧିକ ସଫଳତା ପାଇପାରିବା ବୋଲି କହିଥିଲେ ।  ଜିଲା ସାମାଜିକ ସୁରକ୍ଷା ଅଧିକାରୀ ସରକାରଙ୍କ ଲକ୍ଷ୍ୟ ଓ ଏହି କାର୍ୟ୍ୟକ୍ରମର ଉଦେଶ୍ୟ କିଭଳିଭାବରେ ବ୍ଲକସ୍ତରରେ ସହଜରେ କରାଯାଇପାରିବ ଓ ଜିଲାର ୨୨୯୦ଜଣ ଅଙ୍ଗନୱାଡି କର୍ମୀ ଘରକୁ ଘର ବୁଲି ସର୍ଭେକାମ କରିବା ପରେ ସେପ୍ଟେମ୍ବର ପ୍ରଥମ ସପ୍ତାହରେ ପରିଦର୍ଶିକାମାନେ ଏହାକୁ ଯାଂଚକରି ସିଡିପିଓଙ୍କ ଜରିଆରେ ସଂପୃକ୍ତ  ବ୍ଲକ ସାମାଜିକ ସୁରକ୍ଷା ଅଧିକାରୀଙ୍କ ନିକଟରେ ସର୍ଭେ ରିପୋର୍ଟ ଦାଖଲ କରିବାକୁ ଯୋଜନା ଥିବା ପ୍ରକାଶ କରିଥିଲେ । ସେପ୍ଟେମ୍ବର ଶେଷ ସପ୍ତାହ ସୁଦ୍ଧା ଏହାର ଟାଡାବେସ ପ୍ରସ୍ତୁତ କରାଯାଇ ଅକ୍ଟୋବର ମାସ ପ୍ରଥମ ସପ୍ତାହରେ ଜିଲାକୁ ଓ ପ୍ରତିକାର ନିମନ୍ତେ ସଂପୃକ୍ତ ବ୍ଲକର ସିଏଚସିକୁ ତାଲିକା ପ୍ରଦାନ କରିବା ପାଇଁ ସ୍ଥିର କରାଯାଇଥିବା ସମ୍ପର୍କରେ ସୂଚନା ଦେଇଥିଲେ । ଏହି କାର୍ୟ୍ୟକ୍ରମରେ ୯ଟି ବ୍ଲକର ସିଡିପିଓ, ବିଏସଏସଓ, ବିଆରଟି ଓ ସ୍ୱତନ୍ତ୍ର ବିଦ୍ୟାଳୟର ପ୍ରଶିକ୍ଷକମାନେ ତାଲିମ୍ ନେଇଥିଲେ । ଭଦ୍ରକର ସ୍ୱେଚ୍ଛାସେବୀ ଅନୁଷ୍ଠାନ ସିଆରଏସଆରର ତିନିଜଣ ପ୍ରଶିକ୍ଷକ ବିଷ୍ଣୁପ୍ରିୟା ମହାନ୍ତି, ଅଭିମନୁ୍ୟ ମଲ୍ଲିକ ଓ କମଳାକାନ୍ତ ବାରିକ କିଭଳିଭାବେ ୨୧ ପ୍ରକାର ଭିନ୍ନକ୍ଷମଙ୍କୁ ଜାଣିବେ ଓ ବୁଝିବେ ସେ ସମ୍ପର୍କରେ ପ୍ରାଞ୍ଜଳଭାବେ ବୁଝାଇବା ସହ ପ୍ରଶିକ୍ଷକମାନଙ୍କ ପ୍ରଶ୍ନର ଉତର ଦେଇଥିଲେ । ଶେଷରେ ଉପଖଣ୍ଡ ସାମାଜିକ ସୁରକ୍ଷା ଅଧିକାରିଣୀ ରୂପାଲି ପ୍ରିୟଦର୍ଶିନୀ ଧନ୍ୟବାଦ ଅର୍ପଣ କରିଥିଲେ । ଓଡ଼ିଶା ସମାଚାର

About admin

Check Also

ଜଗତସିଂହପୁର  ଜିଲ୍ଲା ପ୍ରଶାସନ ପକ୍ଷରୁ ବାବା ସାହେବ ଆମ୍ବେଦକରଙ୍କ ଶ୍ରାଦ୍ଧବାର୍ଷିକୀ ପାଳିତ

 ଜଗତସିଂହପୁର ୦୬/୧୨/୨୦୨୧(ଓଡ଼ିଶା ସମାଚାର)- ଜଗତସିଂହପୁର ଜିଲ୍ଲା ପ୍ରଶାସନ ପକ୍ଷରୁ ସମ୍ବିଧାନ ପ୍ରଣେତା,ଆଇନଜ୍ଞ,ସମାଜ ସଂସ୍କାରକ,ବିଶିଷ୍ଟ ରାଜନିତୀଜ୍ଞ,ଭାରତ ରତ୍ନ ଡକ୍ଟର ବାବା ସାହେବ …

Leave a Reply

Your email address will not be published. Required fields are marked *