Tuesday , December 6 2022
Home / ଶିକ୍ଷା / ସ୍କୁଲ ମିଶ୍ରଣ ପ୍ରତ୍ୟାହର ଦାବିରେ ବିକ୍ଷୋଭ

ସ୍କୁଲ ମିଶ୍ରଣ ପ୍ରତ୍ୟାହର ଦାବିରେ ବିକ୍ଷୋଭ

ବଲାଙ୍ଗୀର ୦୫/୦୮/୨୦୨୧(ଓଡ଼ିଶା ସମାଚାର)- ବଲାଙ୍ଗୀର ବିଦ୍ୟାଳୟ ସୁରକ୍ଷା କମିଟି ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରାଯାଇଛି । ସ୍କୁଲ ମିଶ୍ରଣ ନୀତି ସମ୍ପୂର୍ଣ୍ଣ ପ୍ରତ୍ୟାହାର ସହ ସରକାରୀ ପ୍ରାଥମିକ ସ୍କୁଲମାନଙ୍କରେ ନାମଲେଖା ଆରମ୍ଭ କରିବା ଦାବି ନେଇ ଏହି ବିକ୍ଷୋଭ ହୋଇଥିଲା । ୨୦୧୮ ମସିହାରେ ରାଜ୍ୟ ସରକାର ୧୪୩୭୯ଟି ବିଦ୍ୟାଳୟ ବନ୍ଦ କରିବା ପାଇଁ ନିଷ୍ପତି ନେଇଥିଲେ । ଏହି ନିଷ୍ପତି କୁ ୨୦୨୦-୨୧ ଶିକ୍ଷା ବର୍ଷରେ କାର୍ଯ୍ୟକାରୀ କରିବା ଆରମ୍ଭ କରିଥିଲେ । ଫଳରେ ଓଡ଼ିଶାର ପଛୁଆ ଆଦିବାସୀ ମଧ୍ୟସ୍ଥିତ ଏବଂ ଦାଦନ ପ୍ରବଣ ବଲାଙ୍ଗୀର ଜିଲାର ୩୭୫ଟି ସ୍କୁଲ ବନ୍ଦ ହେବାର ନିଷ୍ପତି ହୋଇଥିଲା । ଏହା ଦ୍ୱାରା ଛାତ୍ରୀଛାତ୍ରମାନଙ୍କ ଶିକ୍ଷା ପ୍ରଭାବିତ ହେବ । ତେଣୁ ତୁରନ୍ତ ସ୍କୁଲ ମିଶ୍ରଣ ନୀତିକୁ ପ୍ରତ୍ୟାହାର କରିବା ପାଇଁ କମିଟି ଦାବି କରିଛି । ରାଜେନ୍ଦ୍ର ରଣାଙ୍କ ନେତୃତ୍ୱରେ ସ୍କୁଲ ସୁରକ୍ଷା କମିଟିର ଅନନ୍ୟା ଦାନୀ, ବିକାଶ ଜେନା, ମିଥୁନ ମାଝି, ତୁମୁଶ ବେହେରା, ଗୌରୀ ରାଉତ, ଜୋସେପ ବାଗ ପ୍ରମୁଖ ଉପସ୍ଥିତ ଥିଲେ ।ଓଡ଼ିଶା ସମାଚାର

Leave a Reply

Your email address will not be published.