Sunday , December 5 2021
Home / ବିଶେଷ / କାଠଯୋଡ଼ି ନଦୀ ପୋଲର ମରାମତି ପାଇଁ ଏହି ପୋଲ ଉପରେ ତିନି ମାସ ପର୍ଯ୍ୟନ୍ତ ସମସ୍ତ ପ୍ରକାର ଯାନ ବାହାନ ଚଳାଚଳ ବନ୍ଦ ରହିବ

କାଠଯୋଡ଼ି ନଦୀ ପୋଲର ମରାମତି ପାଇଁ ଏହି ପୋଲ ଉପରେ ତିନି ମାସ ପର୍ଯ୍ୟନ୍ତ ସମସ୍ତ ପ୍ରକାର ଯାନ ବାହାନ ଚଳାଚଳ ବନ୍ଦ ରହିବ

ଭୁବନେଶ୍ୱର,୦୪/୦୮/୨୦୨୧(ଓଡ଼ିଶା ସମାଚାର)- କାଠଯୋଡ଼ି ନଦୀ ପୋଲର ମରାମତି ପାଇଁ ଏହି ପୋଲ ଉପରେ ଆଜି ଠାରୁ ଆସନ୍ତା ତିନି ମାସ ପର୍ଯ୍ୟନ୍ତ ସମସ୍ତ ପ୍ରକାର ଯାନ ବାହାନ ଯାତାୟତ ବନ୍ଦ ରହିବ । ଭୁବନେଶ୍ୱର ପଟୁ କଟକ ଆଡ଼କୁ ଯାଉଥିବା ସମସ୍ତ ପ୍ରକାର ଯାନ ବାହାନ କାଠଯୋଡ଼ି ମଝିପୋଲ ଦେଇ ଯାଇ ପାରିବେ ଏବଂ ଯେଉଁ ୨ କିମ୍ବା ୪ ଚକିଆ ଗାଡ଼ି ଗୁଡ଼ିକ ଜଗତପୁର କିମ୍ବା ଚଣ୍ଡିଖୋଲ ଆଡ଼କୁ ଯିବାକୁ ଚାହିଁବେ , ସେହି ଗାଡ଼ି ଗୁଡ଼ିକ ସହର ମଧ୍ୟ ଦେଇ ଯାଇଥିବା ରାସ୍ତାରେ ନଯାଇ ମଣି ମନ୍ଦିର ଓଭରବ୍ରିଜ୍ ଠାରୁ ବାମ ମୋଡ଼ ଦେଇ ମଧୁପାଟଣା ଫ୍ଲାୟଓଭର ବ୍ରିଜ୍ ଉପର ଦେଇ ଯାଇ ପାରିବେ ବୋଲି ପୁଲିସ କମିଶନର ସୌମେନ୍ଦ୍ର ପି୍ରୟଦର୍ଶୀ ଜଣାଇଛନ୍ତି । ଓଡ଼ିଶା ଅର୍ବାନ ପୋଲିସ ଆକ୍ଟ ୨୦୦୩ଧାରା ୨୮ ଓ ପୋଲିସ କମିଶନରେଟ୍ ଭୁବନେଶ୍ୱର- କଟକ ଟ୍ରାଫିକ ଓ ପବ୍ଲିକ୍ ଅର୍ଡ଼ର ୨୦୦୮ ଧାରା ୩୬ ଅନୁସାରେ ସର୍ବ ସାଧାରଣଙ୍କ ଯାତାୟତ ନିମନ୍ତେ ଏହି କଟକଣା ଲାଗୁ କରାଯାଉଛି ଯେ ଯାତୀୟ ରାଜପଥ ପ୍ରାଧିକରଣ , ଭୁବନେଶ୍ୱର , ବାମ ପାଶ୍ୱର୍ ରେ ଥିବା କାଠଯୋଡ଼ି ପୋଲର ମରାମତି ନିମନ୍ତେ ଆଜି ଠାରୁ ଆସନ୍ତା ୩ ମାସ ପର୍ଯ୍ୟନ୍ତ ଏହି ପୋଲ ଉପରେ ସମସ୍ତ ପ୍ରକାର ଯାନ ବାହାନ ଯାତାୟତ ବନ୍ଦ ରହିବ । ଓଡ଼ିଶା ସମାଚାର

About admin

Check Also

କେନ୍ଦ୍ରାପଡ଼ାରେ ଜୱାଦ ବାତ୍ୟା ପାଇଁ ୪୮୨ ଜଣ ବାତ୍ୟା ଆଶ୍ରୟସ୍ଥଳୀକୁ ସ୍ଥାନାନ୍ତର

କେନ୍ଦ୍ରାପଡ଼ା,୦୪/୧୨/୨୦୨୧(ଓଡ଼ିଶା ସମାଚାର)- ପଶ୍ଚିମ କେନ୍ଦ୍ରୀୟ ବେଙ୍ଗାପସାଗରରେ ସ୍ପଷ୍ଟ ଗଭୀର ଅବପାତ ଘନୀଭୂତ ହୋଇ ‘ଜୱାଦ’ ବାତ୍ୟାର ପ୍ରଭାବ ଯୋଗୁଁ କେନ୍ଦ୍ରାପଡ଼ା …

Leave a Reply

Your email address will not be published. Required fields are marked *