ଜଗତସିଂହପୁର ଜିଲ୍ଲାର ପାରାଦ୍ୱୀପରେ ବିକାଶ କାର୍ଯ୍ୟ ତ୍ୱରାନ୍ୱିତ – ବିଭିନ୍ନ ପ୍ରକଳ୍ପର ସମୀକ୍ଷା କଲେ ଜିଲ୍ଲାପାଳ

ପାରାଦୀପ,୦୨/୦୮/୨୦୨୧(ଓଡ଼ିଶା ସମାଚାର)-କରୋନା ମହାମାରୀ ର ଦୀର୍ଘ ପ୍ରଭାବରେ ଜଗତସିଂହପୁର ଜିଲ୍ଲାର ବନ୍ଦର ଓ ଶିଳ୍ପ ସହର ପରାଦ୍ୱୀପରେ ବିଭିନ୍ନ ଉନ୍ନୟନ ମୂଳକ ବିକାଶ କାର୍ଯ୍ୟ ପ୍ରକଳ୍ପରେ ନାକରାତ୍ମକ ପ୍ରଭାବ ପକାଇଥିଲେ । ତେବେ ରାଜ୍ୟ ସରକାରଙ୍କ ପ୍ରୟାସରେ ସଂପ୍ରତି ପାରାଦ୍ୱୀପରେ ବିଭିନ୍ନ ପ୍ରକଳ୍ପକୁ ତ୍ୱରାନ୍ୱିତ କରିବା ପାଇଁ ପଦକ୍ଷେପ ଗ୍ରହଣ କରାଯାଇଛି । ଏହି କ୍ରମରେ ଶନିବାର ଦିନ ଜଗତସିଂହପୁର ଜିଲ୍ଲପାଳ ସଂଗ୍ରାମ କେଶରୀ ମହାପାତ୍ର ପାରାଦ୍ୱୀପର ବିଭିନ୍ନ ପ୍ରକଳ୍ପର ସମୀକ୍ଷା କରିଥିବା ବେଳେ ଗୁଣାତ୍ମକ ଶିକ୍ଷାର ବିକାଶ ଜିଲ୍ଲାର ୨୪ଟି ସ୍କୁଲର ଭିତିଭୂମୀ ଗୁଡିକ ବିକାଶ କାର୍ଯ୍ୟର ସମୀକ୍ଷା କରିଥିଲେ । ଏହି ଅବସରେ ଜିଲ୍ଲାପାଳ ପାରାଦ୍ୱୀପ ମୁନିସିପାଲିଟି ହାଇସ୍କୁଲ ରେ ଦୁଇଟି ସ୍ମାର୍ଟ ଶ୍ରେଣୀ ଗୃହ କାର୍ଯ୍ୟର ଶିଳାନ୍ୟାସ କରିଥିଲେ । ଏତଦବ୍ୟତୀତ ପାରାଦ୍ୱୀପ ସମୁଦ୍ର ବେଳାଭୂମିର ବାଲିରେ ସମୁଦ୍ର ପର୍ଯ୍ୟନ୍ତ କାଠ ପୋଲ ନିର୍ମାଣ ର ନିଷ୍ପତି, ସମୁଦ୍ରକୂଳରେ ଥିବା ବିଜ୍ଞାନ ଉଦ୍ୟାନ ରେ ଅଡିଟୋରିୟମ ଢାଂଚାରେ ଏକ ସ୍ୱତନ୍ତ୍ର ଗୃହ ନିର୍ମାଣ କାର୍ଯ୍ୟର ଶିଳାନ୍ୟାସ, ଭୂତମୁଣ୍ଡାଇ ନିକଟସ୍ଥ ବାହାଦିଆ ଅଂଚଳରେ ସରକାରଙ୍କ ଅନୁମୋଦନ କ୍ରମେ ୩୦ ଏକର ଜମି ଉପରେ ଅତ୍ୟାଧୁନିକ ଟ୍ରକ ଟର୍ମିନାଲ ନିର୍ମାଣ ସମୀକ୍ଷା କରିଥିଲେ । ଦୀର୍ଘଦିନ ହେଲା ପାରାଦ୍ୱୀପ ଅଠରବାଙ୍କୀ ଠାରୁ ପାରାଦ୍ୱୀପ ଗଡ ପର୍ଯ୍ୟନ୍ତ ରାସ୍ତା, ଟର୍ମିନାଲ ଛକ ଠାରୁ ରେଲୱେ ଷ୍ଟେସନ ପର୍ଯ୍ୟନ୍ତ ରାସ୍ତା, ପିପିଏଲ କାରଖାନା ନିକଟରୁ ପିପିଏଲ ଛକ ପର୍ଯ୍ୟନ୍ତ ରାସ୍ତା ଏବଂ  ଆଇଓସିଏଲ ଜିରୋ ପଏନ୍ଟ ଛକ ଠାରୁ ରଙ୍ଗିଆଗଡ ରାସ୍ତା ର ଅବସ୍ତା ଶୋଚନୀୟ ହୋଇପଡିଛି । ଫଳରେ ଦୈନିକ ଛୋଟ ବଡ ଦୁର୍ଘଟଣା ଘଟି ବହୁ ଧନଜୀବନ ନଷ୍ଟ ହେଉଛି । ଏ ସମ୍ପର୍କରେ ବାରମ୍ବାର ଅଭିଯୋଗ କରାଯାଇଥିଲେ ମଧ୍ୟ ଏନଏଚଆଇ କର୍ତୃପକ୍ଷ ଏ ସମ୍ପର୍କରେ ପଦକ୍ଷେପ ନେଉନଥିଲେ । ଶନିବାର ଅପରାହ୍ନରେ ଜଗତସିଂହପୁର ଜିଲ୍ଲାପାଳଙ୍କ ଅଧ୍ୟକ୍ଷତାରେ ମୁନିସିପାଲିଟି ସଭାଗୃହ ରେ ଏକ ସମୀକ୍ଷା ବୈଠକରେ ଆଇଓସିଏଲ, ପିପିଏଲ, ଇଫକୋ, ପାରାଦ୍ୱୀପ ବନ୍ଦର ଓ ଏନଏଚଆଇ ପ୍ରତିନିଧି ମାନଙ୍କ ଉପସ୍ଥିତ ରେ ସମସ୍ତଙ୍କ ସହଯୋଗରେ ସମସ୍ତ ରାସ୍ତାଘାଟର ମରାମତି ଓ ରକ୍ଷଣାବେକ୍ଷଣ  ସମ୍ପର୍କରେ ଆଲୋଚନା କରାଯାଇଥିଲା । ତେବେ ଖୁବ ଶୀଘ୍ର ବନ୍ଦର ସହରର ରାସ୍ତା ସମସ୍ୟାର ସମାଧାନା ହେବା ସେଙ୍ଗ ସେଙ୍ଗ ଅନ୍ୟାନ୍ୟ ଉନ୍ନୟନମୂଳକ କାର୍ଯ୍ୟ ଖୁବ୍ ଶୀଘ୍ର ଶେଷ ହେବ ବୋଲି ଜିଲ୍ଲାପାଳ ଶ୍ରୀ ମହାପାତ୍ର ପ୍ରକାଶ କରିଥିଲେ ।  ଓଡ଼ିଶା ସମାଚାର