Wednesday , December 8 2021
Home / ବିଶେଷ / ସରକାରୀ ଜମିକୁ ନିଜର କହି ମହିଳାଙ୍କୁ ଧମକ ଦେଇ ବାପ ପୁଅ ଗିରଫ

ସରକାରୀ ଜମିକୁ ନିଜର କହି ମହିଳାଙ୍କୁ ଧମକ ଦେଇ ବାପ ପୁଅ ଗିରଫ

 ବାଲିଗୁଡା,୨୯/୦୬/୨୦୨୧(ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ): ଓଡ଼ିଶାର କାଶ୍ମୀର କୁହାଯାଉଥିବା ଦାରିଙ୍ଗବାଡ଼ି ଅଞ୍ଚଳରେ ଆରମ୍ଭ ହେଲାଣି ଜମି ମାଫିଆଙ୍କ ରାଜ । ସରକାରୀ ଜମିକୁ ନିଜ ଅତ୍ୟାରକୁ ନେବା ପାଇଁ କେତେବେଳେ କାହାକୁ ଆକ୍ରମଣ କରୁଛନ୍ତି ତ ଆଉ କେତେବେଳେ କାହାରି ଘର ଭାଙ୍ଗି ଜିନିଷ ଚୋରି କରିନେଉଛନ୍ତି । ଦାରିଙ୍ଗବାଡ଼ି ଭଳି ଅନେକ ସ୍ଥାନରେ ସରକାରୀ ଜମିକୁ ହଡ଼ପ କରିବା ସହ ବିକ୍ରିବଟା କରାଯାଉଥିବା ଅଭିଯୋଗ ହୋଇଆସୁଛି । ଏପରିକି ସରକାରୀ ଜମିକୁ ନେଇ ବିଭିନ୍ନ ସମୟରେ ଗଣ୍ଡଗୋଳ ହୋଇ ଲୋକେ ଥାନାରେ ଦ୍ୱାରସ୍ତ ହେଉଥିବା ମଧ୍ୟ ଦେଖିବାକୁ ମିଳିଛି । ଏପରି କିଛି ଘଟଣା ଘଟିଛି ଦାରିଙ୍ଗବାଡ଼ି ଥାନା ଅନ୍ତର୍ଗତ ଲୋହରା ସାହି ନିକଟରେ ଥିବା ସରକାରୀ ଜମିରେ । ସରକାରୀ ଜମିକୁ ନେଇ ଦୁଇ ପକ୍ଷ ଗଣ୍ଡଗୋଳ ହୋଇଥିବା ସହ ଘର ଭାଙ୍ଗି ଲୁଟ୍‌ କରାଯାଇଥିବା ଅଭିଯୋଗ ହୋଇଥିଲା । ଏହାକୁ ଆଧାର କରି ଦାରିଙ୍ଗବାଡ଼ି ସ୍ଥିତ ତୁର୍କୀବାଡ଼ି ଗ୍ରାମର ଦୁଇ ଜଣ ଜମି ମାଫିଆଙ୍କୁ ଦାରିଙ୍ଗବାଡ଼ି ପୋଲିସ ଗିରଫ କରି  କୋର୍ଟଚାଲାଣ କରିଥିବା ଥାନା ଅଧିକାରୀ କୌଶିକ ମାଝୀ ସୂଚନା ଦେଇଛନ୍ତି । ଦୁଇ ଜଣ ଜମି ମାଫିଆ ହେଲେ ତୁର୍କୀବାଡ଼ି ଗ୍ରାମର ପୀତବାସ ମାଳବିଷୋୟୀ ଏବଂ ତାଙ୍କ ପୁଅ ଆଲୋକ ମାଳବିଷୋୟୀ । ଅଭିଯୋଗ ଅନୁଯାଇ ଗତ ଏପ୍ରିଲ ମାସ ୨୪ ତାରିଖ ଦିନ ଲୋହରା ସାହି ନିକଟରେ ରହିଥିବା ସରକାରୀ ଜମି( ଖାତା ନଂ- ୩୬୯,ପ୍ଲଟ ନଂ-୮୫୬) ଉପରେ ଗୌଡ଼ସାହି ଗ୍ରାମର କିଳା ନାୟକ ନାମକ ଜଣେ ମହିଳା ଏକ ଘର କରିଥିବା ବେଳେ ପିତବାସ ମାଳବିଷୋୟୀ ଓ ପୁଅ ଆଲୋକ ମାଲବିଷୋୟୀ ଦୁହେଁ ମିଶି ଏହି ଜାଗା ଆମର କହି ଉକ୍ତ ମହିଳାଙ୍କ ଘର ଭାଙ୍ଗିଦେବା ସହ ସମସ୍ତ ଘରକରଣ ସାମାନ ଚୋରି କରି ନେଇଥିଲେ । ଏପରିକି ଉକ୍ତ ମହିଳାଙ୍କୁ ବାପ,ପୁଅ ମିଶି ଜୀବନରୁ ମାରିଦେବାକୁ ଧମକ ଦେବା ସହ ଅଶାଳୀନ ଭାଷାରେ ଗାଳିଗୁଳଜ ମଧ୍ୟ କରିଥିଲେ । ଏହାପରେ ମହିଳା ଜଣକ ଦାରିଙ୍ଗବାଡ଼ି ଥାନାରେ ଲିଖିତ ଅଭିଯୋଗ କରିଥିଲେ । ଏନେଇ ପୋଲିସ ମାମଲା ନଂ ୭୩/୨୧ ରୁଜୁ କରିଥିବା ବେଳେ ଏସଆଇ ସୌମ୍ୟକାନ୍ତ ପଣ୍ଡା ଘଟଣାର ତଦନ୍ତ ଆରମ୍ଭ କରିଥିଲେ । ଆହୁରି ଅନେକ ଏଭଳି ସରକାରୀ ଜମି ହଡପ କାରୀଙ୍କୁ ଆଗକୁ ଧରାଯିବ ବୋଲି ଦାରିଙ୍ଗବାଡି ତହସିଲଦାର ସୂଚନା ଦେଇଛନ୍ତି । ଓଡିଶା ସମାଚାର

About admin

Check Also

ସଙ୍କଟରେ କଳାହାଣ୍ଡି ର ଧଳାସୁନା  

ଜୁନାଗଡ଼, ୦୭/୧୨/୨୦୨୧(ଓଡ଼ିଶା ସମାଚାର / ରାକେଶ ବେମାଲ)- ବାତ୍ୟା ଜୱାଦ କେବଳ ଉପକୂଳ ଓଡ଼ିଶା ନୁହେଁ କଳାହାଣ୍ଡି ଜିଲ୍ଲାରେ ମଧ୍ୟ …

Leave a Reply

Your email address will not be published. Required fields are marked *