Monday , December 6 2021
Breaking News
Home / ବିଶେଷ / ମନରେଗା ଯୋଜନା ଫେଲ : ଲକ୍ଷାଧିକ ଟଙ୍କାର ଆମ୍ବ ଓ ଲିଚୁ ଗଛ ଗଲା କୁଆଡେ ? ତଦନ୍ତ ଦାବି

ମନରେଗା ଯୋଜନା ଫେଲ : ଲକ୍ଷାଧିକ ଟଙ୍କାର ଆମ୍ବ ଓ ଲିଚୁ ଗଛ ଗଲା କୁଆଡେ ? ତଦନ୍ତ ଦାବି

ବାଲିଗୁଡା, ୦୬/୦୬/୨୦୨୧ (ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ):ଜନସାଧାରଣ ଙ୍କ ସାମାଜିକ ଓ ଅର୍ଥନୈତିକ ଉନ୍ନତି କରିବା ପାଇଁ ସରକାର ମନରେଗା ଯୋଜନାରେ ଉନ୍ନତ କିସମ ଫଳ ବଗିଚା କରିବା ପାଇଁ ଲକ୍ଷାଧିକ ଟଙ୍କା ବ୍ୟୟ କରାଯାଉଛି । ହେଲେ ବିଭାଗୀୟ କର୍ମଚାରୀ ମାନଙ୍କ ଅବହେଳା ତଥା ଦୁର୍ନୀତିପୂର୍ଣ୍ଣ ମନୋଭାବ କାରଣରୁ ଫଳ ଚାଷ ଯୋଜନା ଜିଲ୍ଲାରେ ଏତେଟା ସଫଳତା ହାସଲ ହୋଇ ପାରୁନଥିବା ଦେଖାଯାଉଛି । ଏଭଳି ଏକ ଦୃଶ୍ୟ ଦେଖିବାକୁ ମିଳିଛି, କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ଚକାପାଦ ବ୍ଲକର ଅଧିକାଂଶ ପଞ୍ଚାୟତରେ । ଗତ କିଛି ବର୍ଷରେ ମନରେଗା ଯୋଜନାରେ ପ୍ରାୟ ସବୁ ପଞ୍ଚାୟତରେ ବହୁ ଏକର ଜମିରେ ଲକ୍ଷାଧିକ ଟଙ୍କା ବ୍ୟୟରେ ଉନ୍ନତ କିସମର ଆମ୍ବ ଓ ଲିଚୁଗଛ ଲଗାଯାଇଥିଲା । ଚାରିପଟେ ତାର ବାଡ ମଧ୍ୟ ହେଲା । ହେଲେ ରକ୍ଷଣାବେକ୍ଷଣ ଅଭାବରୁ ଅଧାରୁ ଅଧିକ ଗଛ ସବୁ ନଷ୍ଟ ହୋଇଯାଇଥିବା ଦେଖିବାକୁ ମିଳିଛି । ଗଛ ସବୁ ଗଲା କୁଆଡେ ? ବାଡ ବୁଜା ଯାଇଥିବା ବେଳେ ଗଛ ସବୁ ଗଲା କୁଆଡେ ଓ ନଷ୍ଟ ହେଲା କେମିତି ସମସ୍ତଙ୍କ ମନରେ ପ୍ରଶ୍ନ ଉଠିବା ସ୍ୱଭାବିକ । ନଷ୍ଟ ହେଲେ ବିଭାଗ ପୁନର୍ବାର ବୃକ୍ଷରୋପଣ କରିବାର କଥା କିନ୍ତୁ କରାଯାଇ ନାହିଁ କାହିଁକି ? ଚକାପାଦ ବ୍ଲକର ପ୍ରାୟ ଅଧିକାଂଶ ପଞ୍ଚାୟତ ରେ ଦେଖିବାକୁ ମିଳିଛି । ପୁଣି ଦେଖିବାକୁ ମିଳିଛି କେଉଁଠାରେ ତାର ବାଡ ଗୁଡିକ ମଧ୍ୟ ବିକ୍ରି ହୋଇଥିବା ଜଣାପଡିଛି । ଆଉ ମଧ୍ୟ ପାଣି ଦେବା ପାଇଁ ରନିଙ୍ଗ ବିଲ ମଧ୍ୟ ଚାଲିଛି । ଯାହାଫଳରେ ବିଭାଗୀୟ ଅଧିକାରୀ ହେଉଛନ୍ତି ମାଲାମାଲ । ଏହା ମଧ୍ୟ ଦେଖିବାକୁ ମିଳିଛି । ପୁଣି ଦେଖିବାକୁ ମିଳିଛି ଯେଉଁ ଶ୍ରମିକମାନେ କାମ କରିଛନ୍ତି ତାଙ୍କ ବକେୟା ଟଙ୍କା ମଧ୍ୟ ମିଳି ନଥିବା ଅଭିଯୋଗ ହୋଇଛି । ତେବେ ଏହାର ଏକ ନିରପେକ୍ଷ ତଦନ୍ତ କରାଗଲେ ପ୍ରକୃତ ଘଟଣା ଜଣାପଡିବ ବୋଲି ସାଧାରଣରେ ମତ ପ୍ରକାଶପାଉଛି । ଓଡ଼ିଶା ସମାଚାର

About admin

Check Also

ପଂଚାୟତିରାଜ ବ୍ୟବସ୍ଥାରେ ମନମାନୀ : ନିର୍ବାଚିତ ପ୍ରତିନିଧିଙ୍କ କ୍ଷମତା ଓ ଅଧିକାରକୁ ଫୁ

ଅଦୃଶ୍ୟ ଶକ୍ତିଙ୍କ ଗୁପ୍ତ ଚିଠାରେ ହେଉଛି ବିଭିନ୍ନ ପ୍ରକଳ୍ପ ଚୟନ ଓ ଅନୁମୋଦନ କେନ୍ଦ୍ରାପଡ଼ା, ୦୫/୧୨/୨୦୨୧(ଓଡ଼ିଶା ସମାଚାର)-ଗ୍ରାମାଂଚଳ ର ବିକାଶ …

Leave a Reply

Your email address will not be published. Required fields are marked *