Saturday , June 25 2022
Home / ବିଶେଷ / ବିଶ୍ୱ ସଡକ ସୁରକ୍ଷା ସପ୍ତାହର ଆହ୍ୱାନ,ସହରରେ ଗତି ସୀମା ହେଉ ୩୦ କି.ମି.

ବିଶ୍ୱ ସଡକ ସୁରକ୍ଷା ସପ୍ତାହର ଆହ୍ୱାନ,ସହରରେ ଗତି ସୀମା ହେଉ ୩୦ କି.ମି.

କଟକ, ୨୪/୦୫/୨୦୨୧(ଓଡ଼ିଶା ସମାଚାର)- ଦ୍ରୁତଗତିରେ ଗାଡି ଚାଳନା ଦୁର୍ଘଟଣାର ମୁଖ୍ୟ କାରଣ ସଡକ ଦୁର୍ଘଟଣାକୁ ରୋକିବା ପାଇଁ ଜନସାଧରଣ ମାନଙ୍କ ମଧ୍ୟରେ ସଚେତନତା ସୃଷ୍ଟି କରୁଥିବା ଅଗ୍ରଣୀ ସଛାସେବୀ ଅନୁଷ୍ଠାନ ଫୋରମ ଫର ପ୍ରିଭେନସନ୍ ଅଫ ରୋଡ ଆସିଚିଡେଣ୍ଟସ ତରଫରୁ ଦ୍ରୁତଗାଟି ନିୟନ୍ତ୍ରଣ ବିଷୟରେ ଏକ ବେବିନାର ଆୟୋଜନ କରାଯାଇଥିଲା । ଏହାକୁ ସଂଚାଳନ କରିଥିଲେ ଫୋରମ ର ସମ୍ପାଦିକା ଲିପ୍ସା ମହାପାତ୍ର । ମିଳିତ ଜାତିସଂଘ ର ବିଶ୍ୱ ସଡକ ସୁରକ୍ଷା ସପ୍ତାହ ପାଳନ ଅବସରରେ ଏହି କାର୍ୟକ୍ରମେ ଆୟୋଜନ କରାଯଇଥିଲା ଏହି ବେବିନାର ରେ ରାଜ୍ୟ ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ସଚିବ ମଧୁସୁଦନ ପାଢ଼ୀ, ପୋଲିସ କମିଶନର ସୌମେନ୍ଦ୍ର ପ୍ରିୟଦର୍ଶୀ, ନୂଆଦିଲ୍ଲୀ ସ୍ଥିତ ସେଣ୍ଟ୍ରାଲ ରୋଡ ରିସର୍ଚ୍ଚ ଅନୁଷ୍ଠାନର ମୁଖ୍ୟ ବୈଜ୍ଞାନିକ ଡ଼. ଏ. ମୋହନ ରାଓ, ରାଜସ୍ଥାନ ଭୀଲବାଡା ଜିଲାର ପରିବହନ ଅଧିକାରୀ ଡ଼. ବୀରେନ୍ଦେର ସିଂ ରାଥୋଡ, ଭାରତ ସରକାରଙ୍କ ପରିବହନ ଓ ଜଟିଆ ରାଜପଥ ମନ୍ତ୍ରଣାଳୟ ର ଅତିରିକ୍ତ ନିର୍ଦେଶକ ଇ. ଧର୍ମାନନ୍ଦ ଷଡ଼ଙ୍ଗୀ ଯୋଗଦେଇ ଗଡ଼ିମାନଙ୍କର ବେଗ ନିୟନ୍ତ୍ରଣ କରିବାର ଉପାୟ ଉପରେ ଆଲୋଚନା କରିଥିଲେ । ରାସ୍ତା ଦ୍ରୁତ ଗତି କାରଣରୁ ମୃତ୍ୟୁର ଜନ୍ତାରେ ପରିଣତ ହେଉଛି। ୨୦୧୯ ମସିହାରେ, ଓଡିଶାରେ ସମୁଦାୟ ୧୧,୦୬୪ ସଡ଼କ ଦୁର୍ଘଟଣା ଘଟିଥିଲା, ଯେଉଁଥିରେ ୧୧,୧୭୭ ଲୋକ ଆହତ ହୋଇଥିଲେ ଏବଂ ୫,୩୩୩ ଲୋକ ପ୍ରାଣ ହରାଇଥିଲେ । ଏହି ସଡ଼କ-ଦୁର୍ଘଟଣା ମଧ୍ୟରୁ ଯାନବାହାନର ଦ୍ରୁତ ଗତିରେ ପ୍ରାୟ ୬୯% ଲୋକ ପ୍ରାଣ ହରାଇଛନ୍ତି। ଯଦି ଆମେ ଭୁବନେଶ୍ୱର-କଟକ ଯୁଗ୍ମ ସହରର ଉଦାହରଣ ନେବା, ସର୍ବାଧିକ ସଡ଼କ ଦୁର୍ଘଟଣା ଏବଂ ମୃତ୍ୟୁ ପଛରେ ସବୁଠାରୁ ବଡ କାରଣ ହେଲା, ଦ୍ରୁତ ଗତି । ୨୦୧୯ ମସିହାରେ ଭୁବନେଶ୍ୱର-କଟକ ସହରରେ ୧,୦୫୧ ସଡ଼କ ଦୁର୍ଘଟଣାରେ ପ୍ରାୟ ୩୩୭ ଜଣ ପ୍ରାଣ ହରାଇଛନ୍ତି ଓ ଦ୍ରୁତ ଗତି କାରଣରୁ ଏହି ସହର ଦୁଇଟିରେ ୫୨% ସଡ଼କ ଦୁର୍ଘଟଣା ଘଟିଛି । ଫୋରମ ର ସମ୍ପାଦିକା ଲିପ୍ସା ମହାପାତ୍ର କହିଥିଲେ ଯେ, ସହରରେ ଚଳାଚଳ କରୁଥିବା ଯାନବାହାନ ଗୁଡିକର ଗତି ସୀମା ଘଂଟାପ୍ରତି ୩୦ କିଲୋମେଟର ହେଲେ ଆମେ ଅନକପରିମାଣରେ ଦୁର୍ଘଟଣା କୁ କମାଇପାରିବ । ଏହି କାର୍ୟକ୍ରମ ରେ ପୋଲିସ ଓ ପରିବହନ ଅଧିକାରୀ, ସ୍ୱେଚ୍ଛାସେବୀ ଅନୁଷ୍ଠାନ, ପ୍ରେସ୍ ଆଣ୍ଡ ମେଡିଆ ବନ୍ଧୁ, କଲେଜ ଯୁବକ ଓ ଯୁବତୀ, ସହରମାନଙ୍କର ଅନେକ ବୁଦ୍ଧିଜୀବି ଯୋଗ ଦେଇଥିଲେ । ଧନ୍ୟବାଦ ଦେଇଥିଲେ ଫୋରୁମର ଉପଦେଷ୍ଟା ବିକାଶ ମହାପାତ୍ର । ଓଡ଼ିଶା ସମାଚାର

About admin

Check Also

କିଶନନଗର ଥାନା ପରିସରରେ ଆତ୍ମାହୁତି ଘଟଣାରେ ରାଜ୍ୟ ମାନବିକ ଅଧିକାର କମିଶନଙ୍କ ନୋଟିସ

କଟକ , ୨୪ /୬/୨୦୨୨(ଓଡ଼ିଶା ସମାଚାର ): କଟକ ଜିଲା କିଶନନଗର ଥାନା ପରିସରରେ ଦେହରେ ନିଆଁ ଲଗାଇ ଆତ୍ମାହୁତି …

Leave a Reply

Your email address will not be published. Required fields are marked *