Saturday , September 25 2021
Breaking News
Home / ବିଶେଷ / ଅନନ୍ୟ ଶିଶୁ ପ୍ରତିଭା ଚିତ୍ରଶିଳ୍ପୀ ସୋନୁ

ଅନନ୍ୟ ଶିଶୁ ପ୍ରତିଭା ଚିତ୍ରଶିଳ୍ପୀ ସୋନୁ

ସାଲେପୁର:୦୮/୦୫/୨୦୨୧(ଓଡିଶା ସମାଚାର /ଅଭୟ ଜେନା )- ବୟସ ମାତ୍ର ଦଶ ବର୍ଷ, ମାତ୍ର କୌଣସି ନାମକରା ବଡ଼ ଚିତ୍ରଶିଳ୍ପୀଙ୍କ ଠାରୁ କମ ନୁହଁ ତାଙ୍କର କଳା ଚାତୁରୀ । ଖେଳକୁଦ କରିବା ବୟସରେ କିଛି ଭିନ୍ନ କରିବାର ଆଶା । ଆଉ ସେହି ଆଶାକୁ ସୁଯୋଗ ଦେଇଛି ଲକଡାଉନ । ଲକଡାଉନର ଅବସର ସମୟରେ ନିଜ ପ୍ରତିଭାକୁ ବିକଶିତ କରି ତାଙ୍କର କୁନି ହାତ ର ସ୍ପର୍ଶ ରେ କଳା ନୈପୁଣ୍ୟ ପ୍ରଦର୍ଶନ କରିଛନ୍ତି। ଚିତ୍ର । ରାଷ୍ଟ୍ରପତି, ପ୍ରଧାନମନ୍ତ୍ରୀ,ମୁଖ୍ୟମନ୍ତ୍ରୀ ମଦର ଟେରେସା,ଅବଦୁଲ କଲାମ, ଆଇନ ଷ୍ଟାଇନଙ୍କ ସମେତ ରାମୋଜି ଗ୍ରୁପର ଚେୟାରମ୍ୟାନ ତଥା ଇନାଡୁ ଗ୍ରୁପ ଅଧ୍ୟକ୍ଷ ରାମୋଜି ରାଓଙ୍କର ପ୍ରତିଛବି ଅଙ୍କିଛନ୍ତି ।
ନିଜର କଳା କୃତିପାଇଁ ସମସ୍ତଙ୍କ ପ୍ରଶଂସା ର ପାତ୍ର ପାଲଟି ଥିବା ଶିଶୁ ଚିତ୍ରଶିଳ୍ପୀ ହେଉଛନ୍ତି କଟକ ଫକୀରପଡା ଅଞ୍ଚଳର ଯୁବ ସାମ୍ବାଦିକ ବିଭୁ ପ୍ରସାଦ ସ୍ୱାଇଁ ଓ ଇତିଶ୍ରୀ ମହାପାତ୍ରଙ୍କ ପୁଅ ଲଳିତ ନାରାୟଣ ସ୍ୱାଇଁ । ଛୋଟ ବେଳୁ ଚିତ୍ରାଙ୍କନ ପ୍ରତି ରୁଚି ରଖୁଥିବା ସୋନୁ ଗତବର୍ଷ ଲକଡାଉନ ସମୟରେ ବୋର ହେବାପରେ ନିଜର ଚିତ୍ରକଳାରେ ଦେଖାଇଥିଲେ ଅପୂର୍ବ ପାରଦର୍ଶିତା । ଫଟୋ ହେଉ କିମ୍ବା ଜୀବନ୍ତ ମଣିଷଙ୍କୁ ଦେଖିବା ମାତ୍ରେ ତାହାର ଅବିକଳ ଚିତ୍ର ଆଙ୍କି ସମସ୍ତଙ୍କୁ କରି ଦିଅନ୍ତି ଚକିତ। ଆଗାମୀ ଦିନରେ ସୋନୁ ଗୋଟେ ବଡ଼ ଚିତ୍ରକର ହେବାକୁ ଆଶା ରଖିଛନ୍ତି।ସୋନୁ ଆହୁରି ଆଗକୁ ଯାଆନ୍ତୁ ଏବଂ ରାଜ୍ୟ ଓ ଦେଶ ର ନାମ ରଖନ୍ତୁ ବୋଲି ସମସ୍ତେ ଆଶା ବ୍ୟକ୍ତ କରିବା ସହ ସରକାରୀ ସ୍ତରରେ ରେ ଏହି କଳାର ବିକଶିତ କରାଯାଆନ୍ତା ସୋନୁ ଦେଶ ବିଦେଶରେ ନିଜର କଳାନୈପୁଣ୍ୟ ପ୍ରଦର୍ଶନ କରି ପାରନ୍ତେ। ଓଡିଶା ସମାଚାର

About admin

Check Also

ଅଗ୍ନିକାଣ୍ଡରେ ୪ବଖରା ଘର ଜଳିଗଲା, ଗୁରୁତର ଗାଈକୁ ଉଦ୍ଧାର କରିବାକୁ ଯାଇ ରୁନିଲତା ଗୁରୁତର 

ତାରପୁର, ୨୪/୦୯/୨୦୨୧(ଓଡ଼ିଶା ସମାଚାର)-ରଘୁନାଥପୁର ତହସିଲ ଅନ୍ତର୍ଗତ ଚିକିଣିଆ ପଂଚାୟତ କଳାଧାରୀ ଗ୍ରାମର ବଟକୃଷ୍ଣ ଲେଙ୍କାଙ୍କ ଘରେ ଗତକାଲି ବିଳମ୍ବିତ ରାତିରେ …

Leave a Reply

Your email address will not be published. Required fields are marked *