Saturday , May 21 2022
Home / କୃଷି / ସେବାସମବାୟ ସମିତିରେ ତାଲା ପକାଇ ଧାରଣା ଦେଲେ ଚାଷୀ

ସେବାସମବାୟ ସମିତିରେ ତାଲା ପକାଇ ଧାରଣା ଦେଲେ ଚାଷୀ

ନିରାକାରପୁର ୦୩/୦୩/୨୦୨୧(ଓଡ଼ିଶା ସମାଚାର)- ଆଜି ଶହଶହ ସଂଖ୍ୟାରେ ଚାଷୀଙ୍କ ମଣ୍ଡିରୁ ଧାନ ଉଠୁ ନଥିବାରୁ ଗୋଳବାଇ ସେବା ସମବାୟ ସମିତିର ମୁଖ୍ୟ ଫାଟକରେ ତାଲା ପକାଇଛନ୍ତି । ୪ଶହ ଜଣ ଚାଷୀ ଟୋକନ୍ ପାଇଛନ୍ତି । ୧୧,୨୦୦କୁଇଂଟାଲ ଧାନ ପାଇଁ ସରକାରଙ୍କ ପକ୍ଷରୁ ସମବାୟ ସମିତିକୁ ଟାର୍ଗେଟ୍ ଦିଆଯାଇଛି । ଅଦ୍ୟାବଧି ୨୭୩ଜଣ ଚାଷୀଙ୍କ ଠାରୁ ମାତ୍ର ୭୫୭୩ କୁଇଂଟାଲ ଧାନ ସଂଗ୍ରହ ହୋଇଛି ।  ଚାଷୀ ମାନେ ସମିତି କାର୍ଯ୍ୟାଳୟରେ ତାଲା ପକାଇଥିବା ଖବର ପାଇ ଘଟଣାସ୍ଥଳରେ  ଗୋଳବାଇ ସରପଂଚ ବିପିନ୍ ସେଠୀ, କୃଷି କମିଟି ସଭାପତି ରମାକାନ୍ତ ଜେନା, ପଂଚାୟତ ବିଜେଡି ସଭାପତି କଣ୍ଡୁରୀ ସାମନ୍ତରାୟ ପ୍ରମୁଖ ପହଁଚି ଚାଷୀମାନଙ୍କୁ ବୁଝାଶୁଝା କରିଥିଲେ ।  ଏକ ଦଶ ଜଣିଆ କମିଟି ଗଠନ କରାଯାଇ ଜିଲାପାଳଙ୍କ ପାଖକୁ ଯାଇ ଆଲୋଚନା କରି ଆସି ଚାଷୀଙ୍କୁ ଜଣାଇବା ପରେ କୃଷକ ମାନେ ଧାରଣା ରୁ ଉଠିଲା ପରେ ତାଲା ଖୋଲିଥିଲା । ଏ ନେଇ କୃଷି ସେବାସମବାୟ ସମିତିର ସଂପାଦକ ପରମେଶ୍ୱର ନାୟକଙ୍କୁ ପଚାରିବାରେ ସରକାରଙ୍କ ପକ୍ଷରୁ ଟାର୍ଗେଟ୍ ନାହିଁ ଆମେ କଣ କରିପାରିବୁ ବୋଲି କହିଥିଲେ । ସୂଚନା ଯୋଗ୍ୟ ଉକ୍ତ ସେବା ସମବାୟ ସମିତି ଟି ଗୋଡିପଡା, ଜଙ୍କିଆ, ଓ ଗୋଳବାଇ ପଂଚାୟତକୁ ନେଇ ଗଠିତ । ଓଡ଼ିଶା ସମାଚାର

About admin

Check Also

କନ୍ଧମାଳ ଭିନ୍ନକ୍ଷମ ଥଇଥାନ କେନ୍ଦ୍ରରେ ଚିକିତ୍ସା ଶିବିର

କନ୍ଧମାଳ,୧୩/୦୫/୨୨(ଓଡିଶା ସମାଚାର/ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲାର ବିଭିନ୍ନ ଅଞ୍ଚଳରୁ ପ୍ରାୟ ୬୦/୭୦ ଜଣ ଅକ୍ଷମ ( ଭିନ୍ନକ୍ଷମ ) …

Leave a Reply

Your email address will not be published. Required fields are marked *