ଅଜଣା ବ୍ୟକ୍ତିଙ୍କ  ମୃତ ଦେହ ଉଦ୍ଧାର

କେନ୍ଦ୍ରାପଡା, ୨୬/୦୨/୨୦୨୧ (ଓଡ଼ିଶା ସମାଚାର)- ଏକ ଅଜଣା ବ୍ୟକ୍ତିଙ୍କ  ମୃତଦେହ କେନ୍ଦ୍ରାପଡା ମେଡିକାଲ ରୋଡରେ ପଡିଥିବା ସମୟରେ ୧୦୮ ଆମ୍ବୁଲାନ୍ସ ଜିଲ୍ଲାମୁଖ୍ୟ ଚିକିତ୍ସାଳୟକୁ ଆଣିଥିଲା । ପରେ “ଓଡିଶା ମୋ ପରିବାର”ର ସଂଯୋଜକ କାଳୀ ପ୍ରସାଦ ମିଶ୍ର, ସହ ସଂଯୋଜକ  ହିରଣ୍ୟ କୁମାର ପଣ୍ଡା ଏ ସମ୍ପର୍କରେ ଖବର ପାଇ ଜିଲ୍ଲା ମୁଖ୍ୟ ଚିକିତ୍ସାଳୟ ରେ ପହଂଚି କେନ୍ଦ୍ରାପଡା ଟାଉନଥାନା ଅଧିକାରୀ ଜ୍ୟୋତିରଞ୍ଜନ ସାମନ୍ତରାୟଙ୍କ ସହ ଯୋଗାଯୋଗ କରିଥିଲେ । ଖବର ପାଇ ଟାଉନ ଥାନାର ଏ.ଏସ.ଆଇ. ଶରତ  କୁମାର ବାରିକ ସେଠାରେ ପହଁଚିବା ପରେ ତାଙ୍କ ଉପସ୍ଥିତିରେ ଶବ ବ୍ୟବଚ୍ଛେଦ କରାଯାଇ ଶବ ଚିହ୍ନଟ ପାଇଁ ସଂପୃକ୍ତ ମୃତକଙ୍କ ଶବକୁ  ସଂରକ୍ଷଣ ଗୃହରେ ୭୨ଘଂଟା ପର୍ଯ୍ୟନ୍ତ ରଖାଯାଇଛି  । ଏହି କାର୍ଯ୍ୟକ୍ରମ ସମୟରେ ଡାକ୍ତରଖାନା ପରିଚାଳକ ଶୁଭାଶିଷ ସାଥୁଆ, ସ୍ୱେଚ୍ଛାସେବୀ ବିଜୟ କୁମାର ମଣ୍ଡଳ, ସାହେବ ସାହିଲ ରାଉତ, ଗିରଶ ମହାପାତ୍ର, ରାଜ କିଶୋର ଭୋଇ ପ୍ରମୁଖ ଉପସ୍ଥିତଥିଲେ । ଓଡ଼ିଶା ସମାଚାର