Sunday , May 22 2022
Breaking News
Home / ତାଜା ଖବର / ବାଇକ ଦୁର୍ଘଟଣାରେ ଶିକ୍ଷକ ଙ୍କ ମୃତ୍ୟୁ

ବାଇକ ଦୁର୍ଘଟଣାରେ ଶିକ୍ଷକ ଙ୍କ ମୃତ୍ୟୁ

କନ୍ଧମାଳ,୨୨/୦୨/୨୧.(ଓଡିଶା ସମାଚାର / ସଞ୍ଜୟ କୁମାର ପାଣିଗ୍ରାହୀ): କନ୍ଧମାଳ ଜିଲ୍ଲା ଖଜୁରୀପଡ଼ା ଥାନା ଅନ୍ତର୍ଗତ ଦୁତିପଡ଼ା ପଞ୍ଚାୟତର ରାଇଖୋଲ ଠାରେ ବାଇକ୍ ଦୁର୍ଘଟଣାରେ ଜନୈକ ଶିକ୍ଷକ ବାଦଲ ପ୍ରଧାନଙ୍କ ମୃତ୍ୟୁ ହୋଇଛି । ସୂଚନା ପ୍ରକାରେ ବାଦଲ କୌଣସି କାର୍ୟ୍ୟରେ ଖଜୁରୀପଡ଼ା ଯାଇ ରାତି ୯ଟାରେ ନିଜଘର କଲାଡିକୁ ବାଇକରେ ଫେରୁଥିବା ବେଳେ ରାଇଖୋଲ ବୁଲାଣୀ ନିକଟରେ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଥିଲା । ବାଦଲ ଘଟଣାସ୍ଥଳରେ ମୁହଁମାଡି ପଡିଥିଲେ । କିଛି ସ୍ଥାନୀୟ ଲୋକ ପହଂଚି ଉଦ୍ଧାର କରିବା ସହ ଆମ୍ବୁଲାନ୍ସ ଯୋଗେ ସଦର ମହକୁମା ମୁଖ୍ୟ ଚିକିତ୍ସାଳୟକୁ ନେଇଥିଲେ । ପରେ ତାଙ୍କ ପରିବାର ଲୋକଙ୍କୁ ଖବର ଦେଇଥିଲେ । ହେଲେ ଅବସ୍ଥା ଗୁରୁତର ହେବାରୁ ରାତିରେ ବ୍ରହ୍ମପୁର ବଡ଼ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା । ସେଠାରେ ଚିକିତ୍ସାଧିନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା । ବାଦଲ ଜାଣୀମେଣି ଉଚ୍ଚ ପ୍ରାଥମିକ ବିଦ୍ୟାଳୟରେ ଶିକ୍ଷକ ଭାବେ କାର୍ୟ୍ୟରତ ଥିଲେ । ତାଙ୍କର ବିୟୋଗରେ ଶିକ୍ଷକ ମହଲରେ ଶୋକର ଛାୟା ଖେଳିଯାଇଛି ।ଓଡ଼ିଶା ସମାଚାର

About admin

Check Also

ପ୍ରିୟଦର୍ଶିନୀ ମାର୍କେଟ ନିକଟରେ ଛାତ୍ର କଂଗ୍ରେସ ନେତାଙ୍କ ଉପରକୁ ଗୁଳିମାଡ଼, ଅଳ୍ପକେ ବର୍ତିଯାଇଛନ୍ତି

ଭୁବନେଶ୍ୱର , ୧୭/୦୫/୨୦୨୨( ଓଡ଼ିଶା ସମାଚାର )- ସିଆରପି ପ୍ରିୟଦର୍ଶିନୀ ମାର୍କେଟ ନିକଟରେ ଥିବା ଏକ ପାନ ଦୋକାନ ସମ୍ମୁଖରେ …

Leave a Reply

Your email address will not be published. Required fields are marked *