ରାମଚନ୍ଦ୍ର କଳ୍ପନା ଉଚ୍ଚମାଧ୍ୟମିକ ସ୍କୁଲରେ ସଂଙ୍କୁଳସ୍ତରୀୟ ରେଡ଼କ୍ରସ ଶିବିର

ଉଚ୍ଚ ପ୍ରମାଣପତ୍ର ଦଖଲ କରିବା ପ୍ରକୃତ ଶିକ୍ଷା ନୁହେଁ ଉତମ ଚରିତ୍ର ଗଠନ ପ୍ରକୃତ ଶିକ୍ଷାର ମାନ ନିର୍ଦ୍ଧାରଣ କରିଥାଏ
ନିରାକାରପୁର, ୧୮/୦୨/୨୦୨୧ (ଓଡ଼ିଶା ସମାଚାର)- କେବଳ ଜଣେ ପ୍ରମାଣପତ୍ର ଦଖଲ କରି ଶିକ୍ଷା ଲାଭ କରିବା ତାହା ବାସ୍ତବରେ ଉତମ ଶିକ୍ଷାର ମାର୍ଗ ନୁହେଁ । ମଣିଷର ମାନବିକତା, ଚରିତ୍ରବାନ, ସେବା, ରାଷ୍ଟ୍ରଭକ୍ତିରୁ ହିଁ ପ୍ରକୃତ ସେବାର ପ୍ରମାଣ ମିଳିଥାଏ । ସେ ସବୁ ସ୍ଥାନରେ ପୂଜ୍ୟପୂଜାର ଅଧିକାରୀ ହୋଇଥାଏ । ସମାଜରେ ନିଜକୁ ଉଚ୍ଚ ଓ ପ୍ରତିଷ୍ଠିତର ପରିଚୟ ଦେବା ପାଇଁ ବିଶାଳ ହୃଦୟ ସହ ନିଜର ମାନବିକତାକୁ ଉଜାଗର କରିବାକୁ ପଡ଼ିବ ବୋଲି ଆଜି ଖୋର୍ଦ୍ଧା ଜିଲ୍ଲା କମାଗୁରୁସ୍ଥିତ ରାମଚନ୍ଦ୍ର କଳ୍ପନା ଉଚ୍ଚ ମାଧ୍ୟମିକ ସ୍କୁଲରେ ଅନୁଷ୍ଠିତ ସଂଙ୍କୁଳସ୍ତରୀୟ ଯୁବ ରେଡ଼କ୍ରସ ୩ ଦିନିଆ ଶିକ୍ଷା ଓ ପ୍ରଶିକ୍ଷଣ ଶିବିର ଉଦଘାଟନ ଉତ୍ସବରେ ବିଶିଷ୍ଟ ଅତିଥିଗଣ ମତବ୍ୟକ୍ତ କରିଛନ୍ତି । ଅଧ୍ୟକ୍ଷ ସୁଧାଂଶୁ ଶେଖର ମହାନ୍ତିଙ୍କ ସଭାପତିତ୍ୱରେ ଅନୁଷ୍ଠିତ ଉଦଘାଟନୀ ସଭାରେ ଅଧ୍ୟାପିକା ଡ଼.ରେଣୁବାଳା ସାମନ୍ତରାୟ ଅତିଥି ପରିଚୟ ପ୍ରଦାନ କରିଥିଲେ । ଉଦଘାଟକଭାବେ ପୂର୍ବତନ ଜିଲ୍ଲାପରିଷଦ ଅଧ୍ୟକ୍ଷ ତଥା କଲେଜ ପ୍ରତିଷ୍ଠାତା ରାମଚନ୍ଦ୍ର ମହାପାତ୍ର ଆନୁଷ୍ଠାନିକଭାବେ ଶିବିରକୁ ଉଦଘାଟନ କରିଥିବାବେଳେ ମୁଖ୍ୟଅତିଥିଭାବେ ଅବସରପ୍ରାପ୍ତ ଜିଲ୍ଲାପାଳ ଦେବରାଜ ସେନାପତି ଓ ମୁଖ୍ୟବକ୍ତାଭାବେ ଜିଲ୍ଲା ଯୁବ ରେଡ଼କ୍ରସ ସଂଯୋଜକ ସୁବୋଧ କୁମାର ଜଗଦ୍ଧେବ ଯୋଗଦେଇ ଉପସ୍ଥିତ ଶିବିରାର୍ଥୀମାନଙ୍କ ସମେତ ଛାତ୍ରଛାତ୍ରୀମାନଙ୍କୁ ମାର୍ଗଦର୍ଶନ କରିଥିଲେ । ସମ୍ମାନୀତ ଅତିଥିଭାବେ ଶିକ୍ଷାବିତ ନାରାୟଣ ଶତପଥୀ ଓ ଶିକ୍ଷା ସଂଗଠକ ଗୋଦାବରୀଶ ସାହୁ ପ୍ରମୁଖ ଉପସ୍ଥିତ ରହିଥିଲେ । ଅଧ୍ୟାପକ ସତ୍ୟନାରାୟଣ ମହାପାତ୍ର ଧନ୍ୟବାଦ ଅର୍ପଣ କରିଥିଲେ ।ଉଦଘାଟନୀ ଉତ୍ସବରେ ଉଦଘାଟକ ଶ୍ରୀଯୁକ୍ତ ମହାପାତ୍ର ରେଡ଼କ୍ରସ ପତାକା ଉତୋଳନ କରିଥିବାବେଳେ ମୁଖ୍ୟଅତିଥି ଶ୍ରୀଯୁକ୍ତ ସେନାପତି ଶିବିରାର୍ଥୀମାନଙ୍କୁ ଶପଥପାଠ କରାଇଥିଲେ । ଏହି ୩ ଦିନିଆ ଶିବିରରେ ୨୫ ଜଣ ଶିବିରାର୍ଥୀ ପ୍ରଶିକ୍ଷଣ ଗ୍ରହଣ କରୁଛନ୍ତି । ଆଜି ପ୍ରଥମ ଦିବସରେ ଅଗ୍ନି ନିରାପତା ବିଷୟରେ ଟାଙ୍ଗୀ ଦମକଳ ବାହିନୀର ଅଗ୍ନିଶମ ଭାରପ୍ରାପ୍ତ ଅଧିକାରୀ ବିଶ୍ୱରଞ୍ଜନ ଭୋଇ ଓ କର୍ମଚାରୀ କାଳୀଚରଣ ପାତ୍ର ଯୋଗଦେଇ ନିଆଁ ଲିଭାଇବା ଓ ନିଆଁରୁ ରକ୍ଷା ପାଇବାର ବିଭିନ୍ନ କୈାଶଳ ସଂପର୍କରେ ବିସ୍ତୃତ ଶିକ୍ଷା ଦେବା ସହ ଡ଼େମୋ କରି ପ୍ରଦର୍ଶନ କରିଥିଲେ । ଅନ୍ୟମାନଙ୍କ ମଧ୍ୟରେ ଟାଙ୍ଗୀ ଉଚ୍ଚ ମାଧ୍ୟମିକ ସ୍କୁଲ ଅଧ୍ୟାପକ ରଞ୍ଜନ କୁମାର ମହାପାତ୍ର, ଓଳସିଂହ ଉଚ୍ଚ ମାଧ୍ୟମିକ ସ୍କୁଲର ଅଧ୍ୟାପକ ବିଶଜିତ ଦାସ, କବିରାଜ ରାଉତରାୟ , କମାଗୁରୁ ଉଚ୍ଚମାଧ୍ୟମିକ ସ୍କୁଲର ଚିତରଞ୍ଜନ ସାହୁ, ଆଦିକନ୍ଦ ପ୍ରଧାନ, ରତ୍ନାକର ମହାପାତ୍ର, ଅଭିରାମ ପଣ୍ଡା, ସମୀର କୁମାର ରାଉରାୟ, ସ୍ୱଦେସ୍ନା ସାମନ୍ତରାୟ, ସସ୍ମିତା ସାହୁ, ମନମୋହନ ନାୟକ, ଜମ୍ବେଶ୍ୱର ଜୁଝାରସିଂହ, ପ୍ରଭାକର ଜୟସିଂହ, ଅଭିରାମ ମିଶ୍ରଙ୍କ ସମେତ ଅନ୍ୟାନ୍ୟ କର୍ମଚାରୀମାନେ ସହଯୋଗ କରିଥିଲେ । ଓଡ଼ିଶା ସମାଚାର