ପାରାଦୀପ ମହାବିଦ୍ୟାଳୟ ପକ୍ଷରୁ “ମୋ କଲେଜ” କମିଟି ଗଠନ ପାଇଁ ପଦକ୍ଷେପ

ପାରାଦୀପ,୧୧/୦୨/୨୦୨୧(ଓଡ଼ିଶା ସମାଚାର)- ଓଡିଶା ସରକାରଙ୍କ ନିର୍ଦେଶନାମା ଅନୂଯାଇ ପାରାଦୀପ ମହାବିଦ୍ୟାଳୟ ପକ୍ଷରୁ ଏକ “ମୋ କଲେଜ” କମିଟି ଗଠନ ପାଇଁ ବିହିତ ପଦକ୍ଷେପ ନିଆଯାଉଛି । ଏଥିପାଇଁ ପୂରାତନ ଛାତ୍ରଛାତ୍ରୀ ମାନଙ୍କୁ ନେଇ ଆସନ୍ତା ତା୨୨/୦୨/୨୦୨୧ରିଖ ଅପରାହ୍ନ ୩.୩୦ରେ ମହାବିଦ୍ୟାଳୟର ସଭାଗୃହରେ ଏକ ବୈଠକ ଅନୁଷ୍ଠିତ ହେବ । ପାରାଦୀପ ମହାବିଦ୍ୟାଳୟର ୱେବ୍ ସାଇଟ୍ ରେ ଏଥିପାଇଁ ମଧ୍ୟ ସୂଚନା ପ୍ରଦାନ କରାଯାଇଛି । ଏହି କମିଟି ପାଇଁ ପୂରାତନ ଛାତ୍ରଛାତ୍ରୀ ମାନଙ୍କ ମଧ୍ୟରୁ ୬ଜଣଙ୍କୁ ମନୋନୀତ କରି କମିଟିର ସଦସ୍ୟ ଭାବେ ରଖାଯିବ । ଏହି କମିଟି ମହାବିଦ୍ୟାଳୟ ଉନ୍ନତି ମୂଳକ କାର୍ୟ୍ୟରେ ସହାୟକ ହେବ । ଏଥିପାଇଁ ମହାବିଦ୍ୟାଳୟର ଅଧ୍ୟକ୍ଷା ଡଃ ସୁପ୍ରେମା କାନୁନଗୋ ସମସ୍ତ ପୂରାତନ ଛାତ୍ରଛାତ୍ରୀ ମାନଙ୍କୁ ଏହି ବୈଠକରେ ଯୋଗ ଦେବା ପାଇଁ ଅନୁରୋଧ କରିଛନ୍ତି । ଓଡ଼ିଶା ସମାଚାର