Wednesday , October 20 2021
Breaking News
Home / ବିଶେଷ / ଆରବିୟା ତାଲିମୁଲ ଇସଲାମ ମଦ୍ରାସା ପାଇଁ ମଞ୍ଜୁର ଅର୍ଥକୁ ତୋଷରପାତ ଅଭିଯୋଗ

ଆରବିୟା ତାଲିମୁଲ ଇସଲାମ ମଦ୍ରାସା ପାଇଁ ମଞ୍ଜୁର ଅର୍ଥକୁ ତୋଷରପାତ ଅଭିଯୋଗ

କେନ୍ଦ୍ରାପଡା, ୦୫/୦୧/୨୦୨୧ (ଓଡ଼ିଶା ସମାଚାର)- କେନ୍ଦ୍ରାପଡା ସହରର ବଡହାଟ ଫକିରାବାଦ ବସ୍ତୀର ବାସୀନ୍ଦାମାନେ ଜିଲ୍ଲା ଶିକ୍ଷା ଅଧିକାରୀ ଓ ଜିଲ୍ଲାପାଳଙ୍କ ନିକଟରେ ଅଭିଯୋଗ କରିଛନ୍ତି ଯେ ତାଙ୍କର ମଦ୍ରାସା ଆରବିୟା ତାଲିମୁଲ ଇସଲାମ ବଡହାଟ ମୈାଜାର ଖାତା ନମ୍ବର ୪୪୫,ପ୍ଲଟ ନମ୍ବର ୩୮୧/୧୪୨୫ ଏରିଆ ଏ୦.୪୮୦ ଉପରେ ସରକାରଙ୍କ ଠାରୁ ଅନୁମତି ପାଇ ଏକ ସରକାରୀ ମଦ୍ରସା ହୋଇଥିବା ବେଳେ ଏବେ ତାହା ବେଆଇନ ଭାବରେ ଫକିରାବାଦବସ୍ତୀର ମୀନାର ମସଜିଦ ତଳେ ଚାଲୁଅଛି । ସେହି ସରକାରୀ ମଦ୍ରାସାର ଉନ୍ନତିକରଣ ନିମନ୍ତେ ଆସୁଥିବା ସରକାରୀ ଅନୁଦାନକୁ ସେହି ମଦ୍ରାସାର ପ୍ରଧାନ ଶିକ୍ଷକ ଓ କେତେକ ଅସାମାଜିକ ଲୋକ ହଡପ କରିଥିବା ଅଭିଯୋଗ ହୋଇଛି । ଏଥିସହିତ ସେହି ମଦ୍ରାସା ଗୃହ ନିର୍ମାଣ ନିମନ୍ତେ ମଞ୍ଜୁର ହୋଇଥିବା ସରକାରୀ ଅନୁଦାନରେ ଜଇପୁରା ଗୋବରୀ ନଦୀ ପଠାରେ ଥିବା ବେସରକାରୀ ଆଙ୍ଗଲୋ ଆପେକ୍ସ ପବ୍ଲିକ ସ୍କୁଲ ପରିସରରେ ଗୃହ ନିର୍ମାଣ କରାଯାଉଥିବା ଅଭିଯୋଗ ହୋଇଛି । ତେଣୁ ମଦ୍ରାସାର ଛୋଟ ଛୋଟ ଛାତ୍ରଛାତ୍ରୀଙ୍କ ଭବିଷ୍ୟତକୁ ଦୃଷ୍ଟିରେ ରଖି ଏଭଳି ବେଆଇନ ନିର୍ମାଣ କାର୍ୟ୍ୟ ଓ ସରକାରୀ ଅନୁଦାନ ଅର୍ଥ ହଡପ ବିରୁଦ୍ଧରେ ଦୃଢ ଆଇନଗତ କାର୍ୟ୍ୟାନୁଷ୍ଠାନ ଗ୍ରହଣ କରାଯିବାକୁ ଅନୁଆର ହୁସେନ, ମୀର ସଲିମ, ମୀର ଆଝାର, ସେକ କବିରୁଦ୍ଧିନ, ମହମ୍ମଦ ରିୟାଜ, ଫୈଜୁଲ କରିମ, ମହମ୍ମଦ ସରିଫ, ମହମ୍ମଦ ସମିମଙ୍କ ସମେତ ୫୦ରୁ ଉଦ୍ଧ୍ୱର୍ ବସ୍ତୀବାସୀନ୍ଦା ଜିଲ୍ଲାପାଳ ଓ ଜିଲ୍ଲା ଶିକ୍ଷା ଅଧିକାରୀଙ୍କ ନିକଟରେ ଅଭିଯୋଗ କରିଛନ୍ତି । ଓଡ଼ିଶା ସମାଚାର

About admin

Check Also

ଗତ ୨୪ ଘଣ୍ଟା ମଧ୍ୟରେ ଓଡ଼ିଶା ରେ ୫୫୯ କରୋନା ସଂକ୍ରମିତ ଚିହ୍ନଟ – ୭୧ ଜଣ ଶିଶୁ ସଂକ୍ରମିତ – ୨ ଜଣ ଙ୍କ ମୃତ୍ୟୁ

ଭୁବନେଶ୍ୱର,୨୦/୧୦/୨୦୨୧(ଓଡ଼ିଶା ସମାଚାର/ସୁଚେତା ଦେବତା)- ଗତ ୨୪ ଘଣ୍ଟା ମଧ୍ୟରେ ଓଡ଼ିଶା ରେ ୫୫୯ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । …

Leave a Reply

Your email address will not be published. Required fields are marked *