ଆହ୍ୱାନ କମ୍ବାଇନ୍ସ ପକ୍ଷରୁ ରକ୍ତଦାନ ଶିବିର

ପାରାଦ୍ୱୀପ ୦୩/୦୧/୨୦୨୧ (ଓଡ଼ିଶା ସମାଚାର)- ପାରାଦ୍ୱୀପର ଅଗ୍ରଣୀ ସ୍ୱେଚ୍ଛାସେବୀ  ଅନୁଷ୍ଠାନ  ଆହ୍ୱାନ କମ୍ବାଇନ୍ସ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ଜାନୁଆରୀ ୧ତାରିଖ ଦିନ ଏକ ରକ୍ତଦାନ ଶିବିରର ଆୟୋଜନ କରିଥିଲେ । ଏହି ଶିବିରଟି ବିର୍ସାମୁଣ୍ଡା ମେମୋରିଆଲ ନବପ୍ରଭାତ ଶିଶୁ ବିଦ୍ୟାମନ୍ଦିର ଠାରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ପାରାଦ୍ୱୀପ ବନ୍ଦରର ମୁଖ୍ୟ ଅର୍ଥ ପରାମର୍ଶଦାତା ଧିରେନ୍ଦ୍ର ନାଥ ସୋଧି ମୁଖ୍ୟ ଅତିଥି ଭାବେ ଯୋଗଦେଇଥିବା ବେଳେ ପାରାଦ୍ୱୀପ ପୂର୍ବତନ ପୌରାଧ୍ୟକ୍ଷ ବସନ୍ତ ବିଶ୍ୱାଳ, ବନ୍ଦର ମୁଖ୍ୟଯନ୍ତ୍ରୀ ବ୍ରଜ ବିହାରି ମିଶ୍ର, ଆସିଷ୍ଟା ଟ୍ରାଫିକ୍ ମ୍ୟାନେଜର କେ.ରବି କୁମାର, କୁଜଙ୍ଗ ଫରେଷ୍ଟ ରେଞ୍ଜ ଅଧିକାରୀ ପ୍ରମୁଖ ସମ୍ମାନୀତି ଅତିଥିଭାବେ ଯୋଗଦେଇଥିଲେ । ଆହ୍ୱାନ କମ୍ବାଇନ୍ସର ସଭାପତି ସାଗର କୁମାର ବିଶ୍ୱାଳ, ସମ୍ପାଦକ ପ୍ରଭାତ ଚନ୍ଦ୍ର ସ୍ୱାଇଁ ଏବଂ ଅନ୍ୟାନ୍ୟ ସଦସ୍ୟ ମାନଙ୍କ ଦ୍ୱାରା ଏହି ରକ୍ତଦାନ ଶିବିରଟି ଆୟୋଜିତ ହୋଇଥିଲା । ଏହି ଶିବିରରୁ ୧୦୩ ୟୁନିଟ୍ ରକ୍ତ ସଂଗ୍ରହ କରାଯାଇଥିଲା । କଟକ ସେଂଟ୍ରାଲ୍ ରେଡକ୍ରସ୍ ବ୍ଳଡବ୍ୟାଙ୍କ ଦ୍ୱାରା ରକ୍ତ ସଂଗ୍ରହ କରାଯାଇଥିଲା । ଏଠାରେ ପ୍ରକାଶ ଥାଉ କି, କରୋନା ମହାମାରୀ ସମୟରେ ସମାଜର ମଙ୍ଗଳ ଏବଂ ରକ୍ତର ଆବଶ୍ୟକତା କୁ ଉପଲବ୍ଧି କରି କମ୍ବାଇନ୍ସ ତରଫରୁ ୮ତମ ରକ୍ତଦାନ ଶିବିରଟି ଅନୁଷ୍ଠିତ ହୋଇଥିଲା ।  ଓଡ଼ିଶା ସମାଚାର