Sunday , October 24 2021
Breaking News
Home / ବିଶେଷ / ବିଶ୍ୱ ଶାନ୍ତି ସର୍ବଧର୍ମ ପ୍ରାର୍ଥନା ଦିବସ ପାଳିତ

ବିଶ୍ୱ ଶାନ୍ତି ସର୍ବଧର୍ମ ପ୍ରାର୍ଥନା ଦିବସ ପାଳିତ

କେନ୍ଦ୍ରାପଡା, ୦୨/୦୧/୨୦୨୧ (ଓଡ଼ିଶା ସମାଚାର)- ନୂଆବର୍ଷର ପ୍ରାତଃ ୮ଘଟିକାରେ ତୁଳସୀକ୍ଷେତ୍ରାଧିପତି ବଡଠାକୁର ଶ୍ରୀ ସିଦ୍ଧ ବଳଦେବଜୀଉଙ୍କ ରଥଦାଣ୍ଡରେ କେନ୍ଦ୍ରାପଡାର ଗରାପୁର ସ୍ଥିତ ଶିବାନନ୍ଦ ଆଶ୍ରମର ଶ୍ରୀମା ଦିବ୍ୟସ୍ୱରୁପାନନ୍ଦ ସରସ୍ୱତୀଙ୍କ ପୌରହିତ୍ୟରେ ବିଶ୍ୱଶାନ୍ତି ସର୍ବଧର୍ମ ପ୍ରାର୍ଥନା ଦିବସ ଆନନ୍ଦ ଉଲ୍ଲାସର ସହ ଏକ ଧାର୍ମିର୍କ ବାତାବରଣରେ ପାଳନ ହୋଇଯାଇଛି । ଏହି ଉତ୍ସବରେ ମୁଖ୍ୟ ଅତିଥି ରୂପେ ଯୋଗଦେଇ କେନ୍ଦ୍ରାପଡାର ବିଧାୟକ ଶଶୀଭୂଷଣ ବେହେରା, ଶ୍ରୀମା ଦିବ୍ୟସ୍ୱରୁପାନନ୍ଦ ସରସ୍ୱତୀ, ସ୍ୱାମୀଜୀ ରାମ ଶରଣାନନ୍ଦଜୀ ଓ କପାଳେଶ୍ୱର ପଂଚାୟତର ସରପଂଚ ଗାୟତ୍ରୀ ମହାନ୍ତି ପ୍ରଦୀପ ପ୍ରଜ୍ଜ୍ୱଳନ ପୂର୍ବକ ପ୍ରାର୍ଥନା ଉତ୍ସବର ଶୁଭାରମ୍ଭ କରିଥିଲେ । ଏହି ପ୍ରାର୍ଥନା ସଭାରେ କେନ୍ଦ୍ରାପଡା ଜିଲ୍ଲାର କୋଣ ଅନୁକୋଣରୁ ଅନେକ ପ୍ରାର୍ଥନାପ୍ରେମୀ ଭକ୍ତ ଓ ଜନସାଧାରଣ ଯୋଗ ଦେଇଥିଲେ । ସଭାରେ ଅତିଥି ରୂପେ କେନ୍ଦ୍ରାପଡାର ପୂର୍ବତନ ବିଧାୟିକା ଡଃ. ସିପ୍ରା ମଲ୍ଲିକ, ଜିଲ୍ଲାପରିଷଦ ସଭାପତି ମାନସ କୁମାର ପରିଡା, କେନ୍ଦ୍ରାପଡା ବ୍ଲକ ଅଧ୍ୟକ୍ଷ ଶିବ ପ୍ରସାଦ ଭଳ, ଉପାଧ୍ୟକ୍ଷା ସ୍ନେହଲତା ପ୍ରଧାନ, ଡେରାବିଶ ବ୍ଲକ ଅଧ୍ୟକ୍ଷ ସରୋଜକାନ୍ତ ସାହୁ, ବିଜେପିର ଜିଲ୍ଲା ସଭାପତି କିଶୋର କୁମାର ପଣ୍ଡା, କେନ୍ଦ୍ରାପଡା ସାହିତ୍ୟ ସଂସଦର ସଭାପତି ବାସୁଦେବ ଦାସ, ସମ୍ପାଦକ ଶୁଭାଂଶୁ ଦାସ, ଦେବାଶିଷ ମହାନ୍ତି, ରାଜେଶ ପଣ୍ଡା, ଶିକ୍ଷାବିତ ଭଜକୃଷ୍ଣ ରାଉତ, ଆଇନଜୀବୀ ସଞ୍ଜୟ କୁମାର ଜେନା, ଶିକ୍ଷାବିତ ମନୋରଞ୍ଜନ ତ୍ରିପାଠୀ, ବ୍ୟଙ୍ଗକବି ଶ୍ରୀଧର ମହାନ୍ତି, ଧିରେନ୍ଦ୍ର କୁମାର ଦାସ ପ୍ରମୁଖ ଯୋଗଦେଇ ମନୁଷ୍ୟ ଜୀବନରେ ପ୍ରାର୍ଥନାର ଗୁରୁତ୍ୱ ସମ୍ପର୍କରେ ଆଲୋଚନା କରିଥିଲେ । ମୁଖ୍ୟ ଅତିଥି ବିଧାୟକ ଶ୍ରୀ ବେହେରା ସମାଜରେ ଶାନ୍ତି, ସଦ୍ଭାବନା ଭାତୃତ୍ୱ ଭାବ ପ୍ରତିଷ୍ଠା ପାଇଁ ପ୍ରାର୍ଥନା ଏକ ଶ୍ରେଷ୍ଠ ମନ୍ତ୍ର ବୋଲି ଦୃଢୋକ୍ତି ପ୍ରକାଶ କରିବା ସହ ଏହି ଜାନୁଆରୀମାସ ପ୍ରଥମ ଦିବସକୁ ବିଶ୍ୱଶାନ୍ତି ସର୍ବଧର୍ମ ପ୍ରାର୍ଥନା ଦିବସ ରୂପେ ଘୋଷଣା କରିବା ପାଇଁ ସରକାରୀସ୍ତରରେ ପ୍ରଚେଷ୍ଟା କରିବେ ବୋଲି ପ୍ରତିଶୃତି ଦେଇଥିଲେ । ଶ୍ରୀମା ସ୍ୱାମୀ ଦିବ୍ୟସ୍ୱରୂପାନନ୍ଦ ସରସ୍ୱତୀ ମନୁଷ୍ୟ ଜୀବନର ପୂର୍ଣ୍ଣତା ପାଇଁ ପ୍ରାର୍ଥନା ଅପରିହାର୍ଯ୍ୟ ବୋଲି ଉପଦେଶ ଦେଇଥିଲେ ଏବଂ ଉପସ୍ଥିତ ଅତିଥି ଓ ଭକ୍ତମାନଙ୍କୁ ଏହି ଦିବସକୁ ବିଶ୍ୱଶାନ୍ତି ସର୍ବଧର୍ମ ପ୍ରାର୍ଥନା ଦିବସ ଘୋଷଣା କରିବାକୁ ନିଜ ନିଜ ସ୍ତରରେ ଉଦ୍ୟମ କରିବାକୁନିବେଦନ କରିଥିଲେ । ଏହି ପ୍ରାର୍ଥନା ସଭାକୁ ଜିଲ୍ଲା ବିକାଶ ସାମୁଖ୍ୟର ସଭାପତି ତଥା ପ୍ରାର୍ଥନା ମଂଚର ଆବାହକ ଅଜୟ ସାମଲ ସଂଯୋଜନା କରିଥିଲେ । କେନ୍ଦ୍ରାପଡା ଜିଲ୍ଲାର ଅଗ୍ରଣୀ ସ୍ୱେଚ୍ଛାସେବୀ ସଂଗଠନ ବଳଦେବ ସେନାର କର୍ମକର୍ତା, ଶିବାନନ୍ଦ ଆଶ୍ରମର ଅନ୍ତେବାସୀ, ନୃସିଂହ ବାବା, ଅଭିମନୁ୍ୟ ଗୋଚ୍ଛାୟତ, ପ୍ରଶାନ୍ତ ସେଠୀ, ଶିକ୍ଷାବିତ୍ ମନୋରଞ୍ଜନ ତ୍ରିପାଠୀ, ଅମୀୟ ନାୟକ, ଶିବାନୀ, ବର୍ଷା, ଡୋଲା, ସନ୍ତୋଷ ପଣ୍ଡା, ସମାଜ ସେବୀ ଧିରେନ୍ଦ୍ର ଦାସ, ଅଲେଖ ନାୟକ, ଗବେଷକ ମୃତୁ୍ୟଞ୍ଜୟ ମହାନ୍ତି ପ୍ରମୁଖ ପରିଚାଳନା କରିଥିଲେ । ଯୋଗ ଗୁରୁ ସଞ୍ଜୟ କୁମାର ମଥାନ ଧନ୍ୟବାଦ ଅର୍ପଣ କରିଥିଲେ । ଓଡ଼ିଶା ସମାଚାର

About admin

Check Also

ଗୁରୁତ୍ୱ ନଥିବା ପ୍ରସଙ୍ଗରେ ଦୋକାନ ବଜାର ବନ୍ଦ ହେବ ନାହିଁ – କଳାହାଣ୍ଡି ବଣିକ ସଂଘ

Leave a Reply

Your email address will not be published. Required fields are marked *