ଏସସି ଓ ଏସଟି ଛାତ୍ରଛାତ୍ରୀମାନଙ୍କ ପୋଷ୍ଟ ମାଟି୍ରକ ସ୍କଲାରସିପ୍ ଉଚ୍ଛେଦ ଆଶଙ୍କା

ଏହି ସ୍କିମ୍ ଚାଲୁ ରଖିବାକୁ ଆମ୍ବେଦକର ଲୋହିଆ ବିଚାର ମଂଚ ଏବଂ ଏନସିଡ଼ିଏଚଆର ସଂଗଠନର ପ୍ରଧାନମନ୍ତ୍ରୀଙ୍କ ନିକଟରେ ଦାବି
ଭୁବନେଶ୍ୱର, ୧୬/୧୨/୨୦୨୦ (ଓଡ଼ିଶା ସମାଚାର)- ଗତ ୨୦୧୭ ମସିହା ପରଠାରୁ ପୋଷ୍ଟ ମାଟି୍ରକ ସ୍କଲାରସିପ୍ ନିମନ୍ତେ କେନ୍ଦ୍ର ସରକାର ୧୦ ପ୍ରତିଶତ ଓ ରାଜ୍ୟ ସରକାର ୯୦ ପ୍ରତିଶତ ବହନ କରୁଛନ୍ତି । ଏହା ଫଳରେ ରାଜ୍ୟ ସରକାଣଙ୍କ ଉପରେ ଅଧିକ ଚାପ ପଡୁଅଛି । ବିହାର, ପଞ୍ଜାବ, ମହାରାଷ୍ଟ୍ର ସମେତ ୧୪ଟି ରାଜ୍ୟକୁ କେନ୍ଦ୍ରୀୟ ଅନୁଦାନ ଏହି ସ୍କିମ୍ ନିମନ୍ତେ ପ୍ରାୟତଃ ବନ୍ଦ ହୋଇଯାଇଛି । ଏଣୁ ଏହି ବର୍ଗର ୬୨ ଲକ୍ଷ ଛାତ୍ରଛାତ୍ରୀଙ୍କ ଉଚ୍ଚଶିକ୍ଷା ବାଧାପ୍ରାପ୍ତ ହେବାର ଆଶଙ୍କା ଦେଖାଦେଇଛି । ଆଜି ରାଜ୍ୟର ଅନ୍ୟତମ ଗଣସଂଗଠନ ଆମ୍ବେଦକର ଲୋହିଆ ବିଚାର ମଂଚ ଓ ନୂଆଦିଲ୍ଲୀର ନ୍ୟାସନାଲ କାମ୍ପେନ ଅନ୍ ହୁ୍ୟମାନ ରାଇଟସ୍ ସଂଗଠନ ତରଫରୁ ପୂର୍ବରୁ ପ୍ରଚଳିତ ୬୦:୪୦ ହାରରେ କେନ୍ଦ୍ରୀୟ ଅନୁଦାନ ପ୍ରଦାନ କରି ଏହି ସ୍କିମ୍ ଚଳାଇ ରଖିବାକୁ ଦାବି କରାଯାଇଛି ।
ଉଲ୍ଲେଖଯୋଗ୍ୟ ଯେ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟରେ ଏକ ବୈଠକରେ ୨୦୧୭-୧୮ ପର୍ଯ୍ୟନ୍ତ ପ୍ରଚଳିତ ୬୦:୪୦ ହାରର ଅନୁଦାନକୁ ରଦ୍ଧ କରାଯାଇ ୧୦:୯୦ ହାରରେ ଅନୁଦାନ ପ୍ରଦାନ କରିବାକୁ ନିଷ୍ପତି କରାଯାଇଥିଲା । ଏହା ଫଳରେ ରାଜ୍ୟଗୁଡ଼ିକ ଉପରେ ଅତ୍ୟଧିକ ଚାପ ପଡ଼ିଛି । ପଞ୍ଜାବ, ହରିୟାଣା, ମହାରାଷ୍ଟ୍ର, ବିହାର ଆଦି ରାଜ୍ୟ ସମେତ ୧୪ଟି ରାଜ୍ୟ ଏଥିନିମନ୍ତେ ସେମାନଙ୍କର ଅକ୍ଷମତା ପ୍ରକାଶ କରିଛନ୍ତି ଏବଂ ସାମାଜିକ ନ୍ୟାୟ ଓ ସଶକ୍ତିକରଣ ମନ୍ତ୍ରଣାଳୟ ନିକଟରେ ଏହାକୁ ପରିବର୍ତନ କରିବା ନିମନ୍ତେ ଦାବି କରି ଆସୁଛନ୍ତି ।
ଦୁଇ ସଂଗଠନ ପକ୍ଷରୁ ପ୍ରକାଶ କରାଯାଇଅଛି ଯେ, ମାଟ୍ରିକ ପରବର୍ତୀ ଶିକ୍ଷା ଅତ୍ୟନ୍ତ ବ୍ୟୟ ବହୁଳ ହୋଇଥିବାରୁ ଏସସି, ଏସଟି ବର୍ଗର ଛାତ୍ରଛାତ୍ରୀମାନଙ୍କ ଉଚ୍ଚଶିକ୍ଷା ପାଇଁ ପ୍ରଧାନମନ୍ତ୍ରୀ ତୁରନ୍ତ ଏ ଦିଗରେ ପଦକ୍ଷେପ ନେଇ ପୂର୍ବ ପ୍ରଚଳିତ ୬୦:୪୦ ପ୍ରତିଶତର ଆର୍ଥିକ ଭାର ବହନ ବ୍ୟବସ୍ଥା ପ୍ରଚଳନ କରିବାକୁ ଦାବି କରିଛନ୍ତି । ଏଥିସହିତ କେନ୍ଦ୍ରୀୟ ଅନୁଦାନର ମାତ୍ରା ବାର୍ଷିକ ଦଶ ହଜାର କୋଟିକୁ ବୃଦ୍ଧି କରିବା, ଏହି ବର୍ଗର ବାର୍ଷିକ ପାରିବାରିକ ଆୟର ସୀମା ୨.୫ ଲକ୍ଷରୁ ୮ ଲକ୍ଷକୁ ବୃଦ୍ଧି କରିବା ଆଦି ସାତଦଫା ଦାବି କରାଯାଇଅଛି ।
ରେଡ଼କ୍ରସ ଭବନଠାରେ ଅନୁଷ୍ଠିତ ଏକ ସାମ୍ବାଦିକ ସମ୍ମିଳନୀରେ ସଂଗଠନ ପକ୍ଷରୁ ସଂଗ୍ରାମ ମଲ୍ଲିକ, ତପନ ସାମଲ. ଅରବିନ୍ଦ ମଲ୍ଲିକ, ତପନ ନାୟକ, ବିରô ନାୟକ, ସୁକାନ୍ତ ତିଆଡ଼ି, ମହେନ୍ଦ୍ର ସେଠୀ, ସଞ୍ଜୟ ମଲ୍ଲିକ ପ୍ରମୁଖ ଉପସ୍ଥିତ ରହି ଏହି ଦାବି ସମୂହ ଉପସ୍ଥାପନ କରିଥିଲେ । ଓଡ଼ିଶା ସମାଚାର