Tuesday , January 18 2022
Breaking News
Home / ବିଶେଷ / ‘ମାନବ ମର୍ୟ୍ୟାଦା ସମ୍ମାନ-୨୦୨୦’ ପାଇଁ ବେଦାନ୍ତ ବିରୋଧୀ ଆନ୍ଦୋଳନର ନେତା ଲଦ ସିକକାଙ୍କ ନାମ ଘୋଷଣା

‘ମାନବ ମର୍ୟ୍ୟାଦା ସମ୍ମାନ-୨୦୨୦’ ପାଇଁ ବେଦାନ୍ତ ବିରୋଧୀ ଆନ୍ଦୋଳନର ନେତା ଲଦ ସିକକାଙ୍କ ନାମ ଘୋଷଣା

ଭୁବନେଶ୍ୱର, ୧୦/୧୨/୨୦୨୦ (ଓଡ଼ିଶା ସମାଚାର)- ବିଶ୍ଵ ମାନବିକ ଅଧିକାର ଦିବସ ଉପଲକ୍ଷେ କିଛି ସମଧର୍ମୀ ମାନବିକ ଅଧିକାର କର୍ମୀଙ୍କୁ ନେଇ ନବ ଗଠିତ ‘ମାନବ ଅଧିକାର ସମନ୍ଵୟ କେନ୍ଦ୍ର’ ପକ୍ଷରୁ ‘ମାନବ ମର୍ୟ୍ୟାଦା ସମ୍ମାନ-୨୦୨୦’ ପାଇଁ ନିୟମଗିରି ସୁରକ୍ଷା ସମିତି ତଥା ବେଦାନ୍ତ ବିରୋଧୀ ଆନ୍ଦୋଳନର ନେତା ଲଦ ସିକକାଙ୍କ ନାମ ଘୋଷଣା କରାଯାଇଛି । ଏ ସମ୍ପର୍କରେ ଆଜି ସଂଗଠନର ଆବାହକ ମଣ୍ଡଳୀ ପକ୍ଷରୁ ରାଜ୍ୟର ଜଣେ ଜଣାଶୁଣା ମାନବଧୀକାର କର୍ମୀ ବିଶ୍ଵପ୍ରିୟ କାନୁନଗୋ ଘୋଷଣା କରିଛନ୍ତି । ପ୍ରକାଶ ଥାଉକି ସଂଗଠନ ପକ୍ଷରୁ ଏହି ସମ୍ମାନ ପାଇଁ ଉଭୟ ମୁଦ୍ରିତ ଓ ସାମାଜିକ ଗଣମାଧ୍ୟମ ଜରିଆରେ ନାମାଙ୍କନ ପତ୍ର ଆହ୍ଵାନ କରଯାଇଥିଲା ଓ ବିଭିନ୍ନ ବର୍ଗର ତିନି ଜଣ ବିଶିଷ୍ଟ ବ୍ୟକ୍ତି ବିଶେଷଙ୍କୁ ନେଇ ଏକ ସ୍ଵାଧୀନ ମନୋନୟନ କମିଟି ଗଠନ କରଯାଇଥିଲା । ନାମାଙ୍କନ ପତ୍ର ଦାଖଲ କରିବାକୁ ଇଚ୍ଛୁକ ବ୍ୟକ୍ତି ବିଶେଷ ନିଜ ପାଇଁ କିମ୍ବା ଅନ୍ୟ କାହାପାଇଁ ଆବଶ୍ୟକ ସର୍ତ୍ତାବଳୀ ଆଧାରରେ ନାମାଙ୍କନ ଦାଖଲ କରିବାକୁ ଅନୁରୋଧ କରାଯାଇଥିଲା ଓ ଆୟୋଜକ ମାନେ ଏହି ମନୋନୟନ ପ୍ରକ୍ରିୟାରୁ ନିଜକୁ ଦୂରେଇ ରଖିଥିଲେ । ନିର୍ଦ୍ଦିଷ୍ଟ ସମୟସୀମା ମଧ୍ୟରେ ମିଳିଥିବା ମୋଟ ୧୬ଟି ନାମାଙ୍କନ ପତ୍ରକୁ ବିଚାରକୁ ନେଇ ମନୋନୟନ କମିଟିର ସଦସ୍ୟ/ସଦସ୍ୟା ମାନେ ସର୍ବ ସମ୍ମତିକ୍ରମେ ‘ମାନବ ମର୍ୟ୍ୟାଦା ସମ୍ମାନ-୨୦୨୦’ ପାଇଁ ନିୟମଗିରି ସୁରକ୍ଷା ସମିତି ତଥା ବେଦାନ୍ତ ବିରୋଧୀ ଆନ୍ଦୋଳନର ନେତା ଲଦ ସିକକାଙ୍କୁ ମନୋନୀତ କରିଥିଲେ । ଆଗାମୀ ୨୯ ମାର୍ଚ୍ଚ, ୨୦୨୧ ଶହୀଦ ଲକ୍ଷ୍ମଣ ନାୟକଙ୍କ ସ୍ମୃତି ଦିବସରେ ସାଥୀ ଲଦ ସିକକାଙ୍କୁ ଏକ ସ୍ଵତନ୍ତ୍ର ସମାବେଶ ମାଧ୍ୟମରେ ସମ୍ମାନିତ କରାଯିବ ବୋଲି ସଂଗଠନ ପକ୍ଷରୁ ଘୋଷଣା କରାଯାଇଛି ।ଓଡ଼ିଶା ସମାଚାର

About admin

Check Also

ଠିକାଦାର ଙ୍କ ମନମୁଖୀ କାର୍ୟ୍ୟ- କାଦୁଅରେ ଭାସୁଛି ଗାଁ ରାସ୍ତା

Leave a Reply

Your email address will not be published. Required fields are marked *