Saturday , October 16 2021
Breaking News
Home / ବିଶେଷ / ପ୍ରବଳ ବର୍ଷାରେ ସାଧାରଣ ଜୀବନଯାତ୍ରା ଅଚଳ – ପାରାଦ୍ୱୀପ ବନ୍ଦର ଜାହାଜ ବୋଝେଇ ଓ ଖଲାସ କାର୍ଯ୍ୟ ବ୍ୟାଘାତ

ପ୍ରବଳ ବର୍ଷାରେ ସାଧାରଣ ଜୀବନଯାତ୍ରା ଅଚଳ – ପାରାଦ୍ୱୀପ ବନ୍ଦର ଜାହାଜ ବୋଝେଇ ଓ ଖଲାସ କାର୍ଯ୍ୟ ବ୍ୟାଘାତ

ପାରାଦ୍ୱୀପ ୨୫/୧୦/୨୦୧୯(ଓଡ଼ିଶା ସମାଚାର)-ଲଘୁଚାପ ଜନିତ ପ୍ରବଳ ବର୍ଷା ଯୋଗୁଁ ସାରା ଓଡିଶା ସମେତ ବନ୍ଦର ନଗରୀ ପାରାଦ୍ୱୀପରେ ସାଧାରଣ ଜୀବନଯାତ୍ରା ଏକ ପ୍ରକାର ଅଚଳ ହୋଇ ପଡିଛି । ବୁଧବାର ଠାରୁ ଆରମ୍ଭ ହୋଇଥିବା ଏହି ବର୍ଷା ଆହୁତି ଦୁଇଦିନ ଧରି ଚାଲିବ ବୋଲି ପାଣିପାଗ ବିଭାଗ ସୂତ୍ରରୁ ପ୍ରକାଶ । ତେବେ ନିରବଚ୍ଛିନ୍ନ ଏହି ପ୍ରବଳ ବର୍ଷାରେ ପାରାଦ୍ୱୀପ ବନ୍ଦର ସମସ୍ତ ପୋତାଶ୍ରୟରେ ଲାଗିଥିବା ଜାହାଜ ମାନଙ୍କରେ ପଣ୍ୟ ବୋଝେଇ ଓ ଖଲାସ କାର୍ଯ୍ୟରେ ଘୋର ବ୍ୟାଘାତ ସୃଷ୍ଟି ହୋଇଛି । ଏତଦବ୍ୟତିତ ବନ୍ଦର ଆନ୍ତଃ ପରିବହନ ଓ ବନ୍ଦରରକୁ ଅନ୍ୟାନ୍ୟ ପଣ୍ୟ ପରିବହନ କ୍ଷେତ୍ରରେ ଘୋର ବ୍ୟାଘାତ ସୃଷ୍ଟି ହୋଇ ଚିନ୍ତାର କାରଣ ହୋଇଛି । ଅନ୍ୟପକ୍ଷରେ ସ୍ଥାନୀୟ ଅଂଚଳରେ ଥିôବା ବସ୍ତି ମାନଙ୍କରେ ବର୍ଷାଜଳ ସମସ୍ୟା ସୃଷ୍ଟି କରିଥିବାବେଳେ କିଛି ବସ୍ତିରେ ଘରେ ପାଣି ପଶିବା ଦେଖାଦେଇଛି । ତେବେ ଏହି ବର୍ଷା ସମୟରେ ସଂନ୍ଧ୍ୟା ସମୟରେ କିଛି ମୁଖ୍ୟ ରାସ୍ତା ଷ୍ଟ୍ରିଟ୍ ଲାଇଟ ଚାରିପାଖରେ ଗଛ ଡାଳ ମାଡିଥିବାରୁ ସାଧାରଣରେ ଗମନା ଗମନ କଷ୍ଟସାଧ୍ୟ ହୋଇପଡିଛି । ଯଦିଓ ଏହି ସବୁ ସଫେଇ କାର୍ଯ୍ୟ ପୌରପାଳିକାର ତେବେ ଅଭିଯୋଗ କଲେ ମଧ୍ୟ କେହି ଶୁଣିବାକୁ ନାହିଁ । ଓଡ଼ିଶା ସମାଚାର

About admin

Check Also

ତରଡିପାଳରେ ଭଲିବଲ ଖେଳାଳିଙ୍କୁ ଶ୍ରଦ୍ଧାଞ୍ଜଳି

କେନ୍ଦ୍ରାପଡ଼ା, ୧୫/୧୦/୨୦୨୧(ଓଡ଼ିଶା ସମାଚାର)- କେନ୍ଦ୍ରାପଡା ଜିଲ୍ଲାର ପଟ୍ଟାମୁଣ୍ଡାଇର ଧୋୟାଳକୁ ଏକଦା ଭଲିବଲ ଖେଳର ଏନ୍ତୁଡିଶାଳ କୁହାଯାଉଥିଲା । ବିଶେଷକରି ତରଡିପାଳ, …

Leave a Reply

Your email address will not be published. Required fields are marked *