Saturday , October 23 2021
Home / ବିଶେଷ /     ଏଚ୍ ଡ଼ି ଏଫ୍ ସି ବ୍ୟାଙ୍କ୍ ମହିଳା କର୍ମଚାରୀଙ୍କୁ ଉଦ୍ଧେଶ୍ୟ ମୂଳକ ହଇରାଣ ଘଟଣା

    ଏଚ୍ ଡ଼ି ଏଫ୍ ସି ବ୍ୟାଙ୍କ୍ ମହିଳା କର୍ମଚାରୀଙ୍କୁ ଉଦ୍ଧେଶ୍ୟ ମୂଳକ ହଇରାଣ ଘଟଣା

     ପୋଲିସ୍ ପକ୍ଷରୁ ନିର୍ଯ୍ୟାତିତା ମହିଳା କର୍ମଚାରୀଙ୍କୁ କୋର୍ଟରେ ହାଜର କରାଗଲା

ସାଲେପୁର,୧୮/୧୦/୨୦୧୯(ଓଡ଼ିଶା ସମାଚାର /ଅଭୟ ଜେନା) : ସାଲେପୁର ସ୍ଥିତ ଏଚ୍ ଡ଼ି ଏଫ୍ ସି ବ୍ୟାଙ୍କ ଶାଖାରେ ଏସ୍ ଓ ଭାବେ କାର୍ଯ୍ୟକରୁଥିବା ଜଣେ ମହିଳା କର୍ମଚାରୀ ଙ୍କୁ ସେହି ବ୍ୟାଙ୍କର ଆର ଏମ୍ ମାନସ ରଂଜନ ମିଶ୍ର , ଦୟାନିଧି ସାହୁ, ସରିତା ସ୍ୱାଇଁ, ଘର ମାଲିକ କୁନୁ ଷଢ଼ଙ୍ଗୀ ଉଦ୍ଧେଶ୍ୟ ମୂଳକ ଭାବେ ହଇରାଣ କରିବା , ଅଶ୍ଳିଳ ଇଙ୍ଗୀତ ପ୍ରଦର୍ଶନ କରିବା ଓ ଘରମାଲିକ କୁନୁ ଷଢ଼ଙ୍ଗୀ ମାଡ଼ମାରି ଘରୁ ବାହାର କରିଦେଇଥିବା ବିଷୟରେ ସେ ସାଲେପୁର ଥାନାରେ ଏତାଲା ଦାଏର କରିଥିଲେ । ସାଲେପୁର ଥାନା ପକ୍ଷରୁ ୨୬୬/୧୯ ରେ  ଏକ ମାମଲା ରୁଜୁ କରିଥିଲା । ତେବେ ସେହିଦିନ ଠାରୁ ତାଙ୍କ ଏତାଲାରେ ଥିବା ଲୋକ ମାନଙ୍କ ବୁରୁଦ୍ଧରେ ପୋଲିସ୍ କୈାଣସି କାର୍ଯ୍ୟାନୁଷ୍ଠାନ ଗ୍ରହଣ କରିନଥିବା ସମ୍ପୃତ ନିର୍ଯ୍ୟାତିତା ମହିଳା ପ୍ରକାଶ କରିଛନ୍ତି । ସାଲେପୁର ଥାନା ପକ୍ଷରୁ ତଦନ୍ତକାରୀ ଅଧିକାରୀ ନିର୍ଯ୍ୟାତିତାଙ୍କୁ କୋର୍ଟରେ ହାଜର କରିଥିଲେ । କୋର୍ଟରେ ପିଡ଼ିତାଙ୍କ ଠାରୁ ୧୬୪ ଧାରାରେ ବୟାନ ରେକର୍ଡ଼ କରାଯାଇଥିଲା । ଏହି ଘଟଣାକୁ ପୋଲିସ୍ ଗୁରୁତ୍ୱ ଦେଉନଥିବା ଦର୍ଶାଇ ଆଜି ଆର୍ନ୍ତଜାତୀୟ ମାନବ ଅଧିକାର ପରିଷଦର ରାଜ୍ୟ ସଭାନେତ୍ରୀ ସସ୍ମିତା ଦାସ ସାଲେପୁରରେ ପହଂଚି ସାଲେପୁର ଉପଖଣ୍ଡ ଆରକ୍ଷୀ ଅଧିକ୍ଷକଙ୍କ କାର୍ଯ୍ୟାଳୟକୁ ଯାଇଥିଲେ । ପରେ ଏଚ୍ ଡ଼ି. ଏଫ୍ ସି ବ୍ୟାଙ୍କ୍ ଓ ସାଲେପୁର ଥାନାକୁ ଯାଇ ଘଟଣା ବିଷୟରେ ପଚାରି ବୁଝିଥିଲେ । ପରେ ପିଡ଼ିତାଙ୍କୁ ତୁରନ୍ତ ନ୍ୟାୟ ଦେବାକୁ ଦାବି କରିଥିଲେ । ଓଡ଼ିଶା ସମାଚାର

About admin

Check Also

“ଯୁବଶକ୍ତି”  ପକ୍ଷରୁ ମାକ୍ସ ଓ ସାନିଟାଇଜର ବଣ୍ଟନ

ପରଜଙ୍ଗ, ୨୨/୧୦/୨୦୨୧(ଓଡ଼ିଶା ସମାଚାର)- ଆଜି “ଯୁବଶକ୍ତି” ସ୍ବେଚ୍ଛାସେବୀ ସଙ୍ଗଠନ ଢେଙ୍କାନାଳ ପକ୍ଷରୁ ଜୟପରା କାଟେଣି ଗ୍ରାମ ପଞ୍ଚାୟତ ମୁଣ୍ଡା ସାହି …

Leave a Reply

Your email address will not be published. Required fields are marked *