Wednesday , October 5 2022
Home / ସ୍ୱାସ୍ଥ୍ୟ / ଓଡିଶାକୁ ତିନି କାୟାକଳ୍ପ ପୁରସ୍କାର : ରାୟଗଡା ପ୍ରଥମ

ଓଡିଶାକୁ ତିନି କାୟାକଳ୍ପ ପୁରସ୍କାର : ରାୟଗଡା ପ୍ରଥମ

ଭୁବନେଶ୍ୱର,୧୧/୧୦/୨୦୧୯ (ଓଡ଼ିଶା ସମାଚାର /ପ୍ରଭାକର ସାହୁ)-୨୦୧୮-୧୯ ଆର୍ଥିକ ବର୍ଷ ପାଇଁ ସର୍ବଭାରତୀୟ କାୟାକଳ୍ପ ପୁରସ୍କାର ବିତରଣ ଉସôବ ନୂଆଦିଲ୍ଲୀର ଇଣ୍ଡିଆ ହାବିଟାଟ କନଭେନସନ ହଲରେ ଆଜି ଅନୁଷ୍ଠିତ ହୋଇଛି । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ଡାକ୍ତର ହର୍ଷବର୍ଦ୍ଧନ ଏହି ଉସôବରେ ଯୋଗଦେଇ ଓଡିଶା ସମେତ ଅନ୍ୟ ରାଜ୍ୟର ସ୍ୱାସ୍ଥ୍ୟ ଅନୁଷ୍ଠାନମାନଙ୍କୁ କାୟାକଳ୍ପ ପୁରସ୍କାର ପ୍ରଦାନ କରିଛନ୍ତି । ବିଭାଗୀୟ ରାଷ୍ଟ୍ରମନ୍ତ୍ରୀ ଅଶ୍ୱିନୀ କୁମାର ଚୌବେ ଉପସ୍ଥିତ ଥିଲେ । ଏହି କ୍ରମରେ ଓଡିଶାର ରାୟଗଡା ଜିଲ୍ଲା ମୁଖ୍ୟ ଚିକିସôାଳୟ ପ୍ରଥମ ଓ କ୍ୟାପିଟାଲ ହସ୍ପିଟାଲ, ଭୁବନେଶ୍ୱର ଦ୍ୱିତୀୟ ପୁରସ୍କାର ଲାଭ କରିଛି । ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ବର୍ଗରେ ସୁବର୍ଣ୍ଣପୁର ଜିଲ୍ଲାର ଡୁଙ୍ଗୁରିପାଲି ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ପ୍ରଥମ ପୁରସ୍କାର ଲାଭ କରିଛି ।

ସୂଚନାଯୋଗ୍ୟ ଯେ ଡାକ୍ତରଖାନାର ସ୍ୱଚ୍ଛତା ଓ ପରିଷ୍କାର ପରିଚ୍ଛନ୍ନତା ପାଇଁ ପ୍ରତିବର୍ଷ ଜିଲ୍ଲା, ସବଡିଭିଜନ, ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର ଓ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରକୁ ପୁରସ୍କୃତ କରାଯାଇଥାଏ । ୨୦୧୮-୧୯ ମସିହାରେ ଓଡିଶାର ୬ଟି ଜିଲ୍ଲା ମୁଖ୍ୟ ଚିକିସôାଳୟ, ୫ଟି ଉପଖଣ୍ଡ ଚିକିସôାଳୟ, ୪୩ଟି ଗୋଷ୍ଠି ସ୍ୱାସ୍ଥ୍ୟକେନ୍ଦ୍ର, ୮୬ଟି ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଓ ୪୨ଟି ସହରାଂଚଳ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର ଏହି ପୁରସ୍କାର ପାଇବାପାଇଁ ରାଜ୍ୟ ସ୍ତରରେ ମନୋନୀତ ହୋଇଥିଲେ ।

୨୦୧୪ ମସିହାରୁ ଆରମ୍ଭ ହୋଇଥିବା ଏହି କାୟାକଳ୍ପ ପୁରସ୍କାର ପ୍ରଥମେ ୬ଟି ବିଭାଗ ଯଥା ଡାକ୍ତରଖାନା ପରିଚାଳନା, ପରିସ୍କାର ପରଚ୍ଛନ୍ନତା, ସଂକ୍ରମଣ ପ୍ରତିରୋଧକ, ବର୍ଜ୍ୟବସ୍ତୁ ପରିଚାଳନା, ସହାୟକ ସେବା ଏବଂ ହାଇଜେନିକ ପ୍ରମୋସନ ଆଦି ବର୍ଗରେ ପ୍ରଦାନ କରାଯାଉଥିବା ବେଳେ ପ୍ରଥମଥର ପାଇଁ ୨୦୧୮-୧୯ ବର୍ଷରେ ଡାକ୍ତରଖାନା ପରିସର ବାହାରେ ବିଭିନ୍ନ ବର୍ଗକୁ ଏଥିରେ ସାମିଲ କରାଯାଇଛି । ଏହି ଉସôବରେ ଜାତୀୟ ସ୍ୱାସ୍ଥ୍ୟ ମିଶନ ନିର୍ଦ୍ଧେଶକ ମନୋଜ ଜିଲାନୀ ଏବଂ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ସଚିବ ପ୍ରୀତି ସୁଦାନ ଉପସ୍ଥିତ ଥିଲେ । ଓଡିଶା ତରଫରୁ ଡାକ୍ତର ଶକ୍ତିବ୍ରତ ମହାନ୍ତି ରାୟଗଡା ପାଇଁ ପୁରସ୍କାର ଗ୍ରହଣ କରିଥିବାବେଳେ କ୍ୟାପିଟାଲ ହସ୍ପିଟାଲ ପାଇଁ ନିର୍ଦ୍ଧେଶକ ଡାକ୍ତର ଅଶୋକ ପଟ୍ଟନାୟକ ଏବଂ ଡୁଙ୍ଗୁରୁପାଲି ସ୍ୱାସ୍ଥ୍ୟକେନ୍ଦ୍ର ପାଇଁ ଡାକ୍ତର ପାର୍ଥ ପ୍ରତୀମ ପଣ୍ଡା ଏହି ପୁରସ୍କାର ଗ୍ରହଣ କରିଛନ୍ତି । ଓଡିଶାର ଜାତୀୟ ସ୍ୱାସ୍ଥ୍ୟ ମିଶନ ତରଫରୁ ଡାକ୍ତର ବିଜୟ କୁମାର ସ୍ୱାଇଁ ଓ ଡାକ୍ତର ମନୋରଞ୍ଜନ ମହାପାତ୍ର ଯୋଗ ଦେଇଥିଲେ । ଓଡ଼ିଶା ସମାଚାର

Leave a Reply

Your email address will not be published.