Saturday , October 8 2022
Breaking News
Home / ବିଶେଷ / ନୟାପଲ୍ଳୀ ଦୁର୍ଗାପୂଜା ସମିତିର କିନ୍ନରମାନଙ୍କ ପାଇଁ ସ୍ୱତନ୍ତ୍ର କାର୍ଯ୍ୟକ୍ରମ

ନୟାପଲ୍ଳୀ ଦୁର୍ଗାପୂଜା ସମିତିର କିନ୍ନରମାନଙ୍କ ପାଇଁ ସ୍ୱତନ୍ତ୍ର କାର୍ଯ୍ୟକ୍ରମ

କିନ୍ନରମାନେ ନାଚିଲେ, ନଚାଇଲେ ଓ ଦର୍ଶକଙ୍କ ମୁହଁରେ ହସ ବାଂଟିଲେ
ଭୁବନେଶ୍ୱର,୧୦/୧୦/୨୦୧୯ ( ଓଡ଼ିଶା ସମାଚାର)- ବହୁତ ଲୋକ ଅଛନ୍ତି ଯେଉଁମାନେ କି କିନ୍ନରମାନଙ୍କୁ ଘୃଣା କରିବା ସହିତ ଥଟ୍ଟା ପରିହାସ ମଧ୍ୟ କରନ୍ତି ଏବଂ ସେମାନଙ୍କୁ ମୁଖ୍ୟ ସ୍ରୋତରେ ସାମିଲ୍ କରିବା ପାଇଁ ସହଯୋଗର ହାତ ମଧ୍ୟ ବଢାନ୍ତି ନାହିଁ । କିନ୍ତୁ ଚଳିତ ବର୍ଷ ନୟାପଲ୍ଲୀ ଦୁର୍ଗାପୂଜା ସମିତିର ସଭାପତି ପବିତ୍ର ମୋହନ ବେହେରାଙ୍କ ନେତୃତ୍ୱ, ନିଖିଳ ଓଡ଼ିଶା କିନ୍ନର ଓ ତୃତୀୟ ଲିଙ୍ଗୀ ମହାସଂଘର ପ୍ରତିଷ୍ଠାତା ସଭାପତି ପ୍ରତାପ କୁମାର ସାହୁଙ୍କ ଉଦ୍ୟମ ଓ ଟିଜି ସୁରକ୍ଷା ଟ୍ରଷ୍ଟର ସଭାପତି ମେନକା କିନ୍ନରଙ୍କ ସହଯୋଗରେ ଆଜି ନୟାପଲ୍ଲୀ ଦୁର୍ଗାପୂଜା ସମିତି କିନ୍ନରମାନଙ୍କୁ ସ୍ୱେଚ୍ଛାସେବୀ ଭାବେ ଚୟନ କରିବା ଏବଂ ଦଶମୀ ପୂଜା ଦିନ ବ୍ରହ୍ମପୁରର ସୁଇଟ୍ ହାର୍ଟ ଡ଼୍ୟାନ୍ସଗ୍ରୁପ୍ର ସଭାପତି ସୁଇଟି ସାହୁଙ୍କ ଟିମ୍ ଓଡ଼ିଶୀ, ଛନ୍ଦ, ଆଧୁନିକ ଗୀତରେ ଦର୍ଶକମାନଙ୍କ ମନ ମୋହିଥିବା ବେଳେ ଏଥିରେ ଅନୁଷ୍କା, ତାରିଣୀ, ସର କିନ୍ନର ଓ କଟକର ମାତୃଶକ୍ତି ଡ଼୍ୟାନ୍ସ ଏକାଡ଼େମୀ ମିଠି କିନ୍ନରଙ୍କ ଗ୍ରୁପ୍ ସମ୍ବଲପୁରୀ, ଆଧୁନିକ, ଦୁର୍ଗା ବନ୍ଦନା କରିବା ସହ ଏଲିନା, ଦେବୀ, ଦୁଷ୍ମନ୍ତ, ଅପ୍ସରା, ତାରିଣୀ କିନ୍ନର ପ୍ରମୁଖ ଏବଂ ଭୁବନେଶ୍ୱର ଟିଜି ସୁରକ୍ଷା ଟ୍ରଷ୍ଟ ଡ଼୍ୟାନ୍ସ ଗ୍ରୁପ୍ର ବର୍ଷା, ମେନକା ପ୍ରମୁଖଙ୍କ ନାଚ ପୂଜାରେ ଉପସ୍ଥିତ ଥିବା ହଜାର ହଜାର ଦର୍ଶକଙ୍କୁ ମତୁଆଲା କରିଥିଲା । ଦର୍ଶକମାନେ କିନ୍ନରମାନଙ୍କ ନାଚର ତାଳେ ତାଳେ ନାଚିଥିଲେ । ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ ଅତିରିକ୍ତ ପୋଲିସ୍ ମହାନିର୍ଦ୍ଧେଶକ ପ୍ରଶାନ୍ତ ପଟ୍ଟନାୟକ କିନ୍ନରମାନଙ୍କୁ ମୁଖ୍ୟ ସ୍ରୋତରେ ସାମିଲ୍ କରିବା ସହିତ ସେମାନଙ୍କୁ ସ୍ନେହ ଶ୍ରଦ୍ଧା କରିବା ପାଇଁ ଉପସ୍ଥିତ ଥିବା ଦର୍ଶକମାନଙ୍କୁ ବୁଝାଇଥିଲେ । ଏସିପି ଅନିଲ୍ କୁମାର ମିଶ୍ର କିନ୍ନରମାନଙ୍କ ମଧ୍ୟରେ ଲୁକ୍କାୟିତ ଥିବା ପ୍ରତିଭାକୁ ଭୂୟସୀ ପ୍ରଶଂସା କରିଥିଲେ । ନୟାପଲ୍ଳୀ ଦୁର୍ଗାପୂଜା ସମିତିର କୁନାନନ୍ଦ ଓ ସଭାପତି ପବିତ୍ର ମୋହନ ବେହେରାଙ୍କ ଉପସ୍ଥିତିରେ ସମସ୍ତ ପ୍ରତିଯୋଗୀମାନଙ୍କୁ ମୁଖ୍ୟ ଅତିଥି ଏବଂ ଏସିପି ମହୋଦୟ ମାନପତ୍ର ପ୍ରଦାନ କରିବା ସହ ଭାରତର ପ୍ରଥମ ପତାରକା ଓବେର କିନ୍ନର ଡ୍ରାଇଭର ରାଣୀ କିନ୍ନରଙ୍କୁ ସମ୍ବର୍ଦ୍ଧିତ କରାଯାଇଥିଲା । ଏହି କାର୍ଯ୍ୟକ୍ରମରେ ଦୁର୍ଗାପୂଜା ସମିତିର ବହୁ ସଭ୍ୟ, ସଭ୍ୟା, ପୋଲିସ୍ ଅଧିକାରୀ ଉପସ୍ଥିତ ଥିଲେ । ଓଡ଼ିଶା ସମାଚାର

Leave a Reply

Your email address will not be published.