Thursday , July 7 2022
Breaking News
Home / ବିଶେଷ / ପାର୍ବଣର ପୁଲକ  (କବିତା)   –    ସ୍ୱପ୍ନା ପଟ୍ଟନାୟକ

ପାର୍ବଣର ପୁଲକ  (କବିତା)   –    ସ୍ୱପ୍ନା ପଟ୍ଟନାୟକ

ଅଶିଣ  ଆକାଶରେ

ପାର୍ବଣର ପୁଲକରେ

କାଶତଣ୍ଡିର ମନ୍ତ୍ରପୁତ ଶିହରଣରେ

ତୋ ଆଗମନ…

ବିସ୍ତରିଯାଏ ଖଣ୍ଡା ଖର୍ପର

ଶଙ୍ଖର ତୁର୍ଯ୍ୟ ନାଦରେ

ଶକ୍ତି ସ୍ୱରୂପିଣୀ ମହିଷାମର୍ଦ୍ଧିନି ରୂପରେ…

ଛାତିତଳେ ଭରିଦେଉ

ଶତ ସିଂହର ବଳ

ଲେଲିହାନ ଶିଖାପରି

ମୁଁ ବି ପାଲଟିଯାଏ

ମାନବୀରୁ ଦେବୀ

ମୋ ଚିନ୍ତା ଚେତନାର

ବିଶ୍ୱାସର ନିଭୃତ କୋଣରେ

ଉଦ୍ଭାଷିତ ତୋ ସତ୍ତା..

ଭସା ବାଦଲର

ଭିଜା ଆଖିରେ  ବେସାହାରା କରି

କାହିଁ ଚାଲିଯାଉ ମାଆ

ମୋ ବିଶ୍ୱାସର ବିଶ୍ୱରେ

ତୋ ଆଶ୍ୱାସନାର ପଣତ

ଘୋଡେଇଦେଇ ଯାଆ

ଅପେକ୍ଷା ଫୁଣି

ଗୋଟିଏ ବର୍ଷ

ମୋ ଆୟୁଷ ରୁ କିଛିଦିନ କମାଇ..

-0-

ଦେଉଳ ସାହି , ଢ଼େଙ୍କାନାଳ , ଓଡ଼ିଶା

About admin

Check Also

କଳାକାର ଚୟନ ପ୍ରକ୍ରିୟାରୁ ବାଦ ପଡିଲେ ସଂକୀର୍ତନ ମଣ୍ଡଳୀ କଳାକାର : କଳାକାର ମହଲରେ ଅସନ୍ତୋଷ

କନ୍ଧମାଳ,୦୭/୦୭/୨୨(ଓଡିଶା ସମାଚାର/)ସଞ୍ଜୟ କୁମାର ପାଣିଗ୍ରାହୀ): ଓଡ଼ିଆ ଭାଷା ସାହିତ୍ୟ ଓ ସଂସ୍କୃତି ବିଭାଗ ପକ୍ଷରୁ ଇ-ରେଜିଷ୍ଟେସନ  ମାଧ୍ୟମରେ କନ୍ଧମାଳ ଜ଼ିଲ୍ଲା …

Leave a Reply

Your email address will not be published. Required fields are marked *