ପାର୍ବଣର ପୁଲକ  (କବିତା)   –    ସ୍ୱପ୍ନା ପଟ୍ଟନାୟକ

Related Articles

ବନ ମହୋତ୍ସବ ସପ୍ତାହ ଅବସରରେ ସ୍ୱେଚ୍ଛାସେବୀ ସଙ୍ଗଠନ ପକ୍ଷରୁ ବୃକ୍ଷରୋପଣ କାର୍ଯ୍ୟକ୍ରମ

56 mins ago

କେନ୍ଦ୍ରାପଡା ଅର୍ବାନ କୋଅପରେଟିଭ ବ୍ୟାଙ୍କ ନିର୍ଦେଶକ ଓ ସଭାପତିଙ୍କ ଶପଥ ଗ୍ରହଣ ସମାରୋହ

2 hours ago

ଯଶସ୍ୱୀ ରାଜନେତା ଭାଗବତ ପ୍ରସାଦ ମହାନ୍ତିଙ୍କ ୯୪ତମ ଜୟନ୍ତୀ ସମାରୋହ

2 hours ago

ଅଶିଣ  ଆକାଶରେ

ପାର୍ବଣର ପୁଲକରେ

କାଶତଣ୍ଡିର ମନ୍ତ୍ରପୁତ ଶିହରଣରେ

ତୋ ଆଗମନ…

ବିସ୍ତରିଯାଏ ଖଣ୍ଡା ଖର୍ପର

ଶଙ୍ଖର ତୁର୍ଯ୍ୟ ନାଦରେ

ଶକ୍ତି ସ୍ୱରୂପିଣୀ ମହିଷାମର୍ଦ୍ଧିନି ରୂପରେ…

ଛାତିତଳେ ଭରିଦେଉ

ଶତ ସିଂହର ବଳ

ଲେଲିହାନ ଶିଖାପରି

ମୁଁ ବି ପାଲଟିଯାଏ

ମାନବୀରୁ ଦେବୀ

ମୋ ଚିନ୍ତା ଚେତନାର

ବିଶ୍ୱାସର ନିଭୃତ କୋଣରେ

ଉଦ୍ଭାଷିତ ତୋ ସତ୍ତା..

ଭସା ବାଦଲର

ଭିଜା ଆଖିରେ  ବେସାହାରା କରି

କାହିଁ ଚାଲିଯାଉ ମାଆ

ମୋ ବିଶ୍ୱାସର ବିଶ୍ୱରେ

ତୋ ଆଶ୍ୱାସନାର ପଣତ

ଘୋଡେଇଦେଇ ଯାଆ

ଅପେକ୍ଷା ଫୁଣି

ଗୋଟିଏ ବର୍ଷ

ମୋ ଆୟୁଷ ରୁ କିଛିଦିନ କମାଇ..

-0-

ଦେଉଳ ସାହି , ଢ଼େଙ୍କାନାଳ , ଓଡ଼ିଶା