Friday , October 22 2021
Breaking News
Home / ରାଜନୀତି / ସାନ୍ତପୁର ପଂଚାୟତରେ ବିଜେଡ଼ିର ଜନସଂପର୍କ ପଦଯାତ୍ରା ଓ ପ୍ରଧାନମନ୍ତ୍ରୀ ସଡ଼କର ଶିଳାନ୍ୟାସ

ସାନ୍ତପୁର ପଂଚାୟତରେ ବିଜେଡ଼ିର ଜନସଂପର୍କ ପଦଯାତ୍ରା ଓ ପ୍ରଧାନମନ୍ତ୍ରୀ ସଡ଼କର ଶିଳାନ୍ୟାସ

ନିଶ୍ଚିନ୍ତକୋଇଲି, ୦୪/୧୦/୨୦୧୯ (ଓଡ଼ିଶା ସମାଚାର/ଅଭୟ ଜେନା)-ସାନ୍ତପୁର ପଂଚାୟତ ବକ୍ରେଶ୍ୱର ମହାଦେବଙ୍କ ପ୍ରାଙ୍ଗଣରେ କଟକ ସଦର ବିଜୁ ଜନତା ଦଳର ଏକ କର୍ମୀ ସମାବେଶ ଓ ସାଧାରଣ ସଭା ମହାତ୍ମାଗାନ୍ଧିଙ୍କ ୧୫୦ବର୍ଷ ଜନ୍ମ ବାର୍ଷିକୀ ଅବସରରେ ଅନୁଷ୍ଠିତ ହୋଇଥିଲା । ଏଥିରେ ମୁଖ୍ୟ ଅତିଥି ଭାବେ କଟକ ସଦର ବିଧାୟକ ତଥା ପୂର୍ବତନ ମନ୍ତ୍ରୀ ଚନ୍ଦ୍ରସାରଥୀ ବେହେରା ଯୋଗଦେଇ କର୍ମୀମାନେ ଲୋକମାନଙ୍କ ସହ ସୁ ସଂପର୍କ ରକ୍ଷା କରିବା ସହ ସାଧାରଣ ଜନତାର ସୁଖ ଦୁଃଖରେ ଭାଗୀଦାର ହୋଇ ନିକଟତର ହୋଇପାରିଲେ ଦଳ ଅଧିକ ମଜବୁତ୍ ହୋଇପାରିବ ବୋଲି ମତବ୍ୟକ୍ତ କରିଥିଲେ । ଆବାସ ଯୋଜନାରେ ଗରିବ ଓ ଅସହାୟ ଲୋକଙ୍କୁ ଚୟନ କରି ସହାୟତା ପ୍ରଦାନ କରିବା ସହ ଏଥିପାଇଁ ଲା କାରବାର ଯେପରି କରା ନଯାଏ ସେଥିପ୍ରତି ଦୃଷ୍ଟି ଦେବାକୁ ପରାମର୍ଶ ଦେଇଥିଲେ । ପ୍ରାକ୍ତନ ଜିଲ୍ଲା ପରିଷଦ ସଦସ୍ୟ ଅଚ୍ୟୁତାନନ୍ଦ ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ସଭାରେ ଦୀଜବର ପଣ୍ଡା, ଭୁବନାନନ୍ଦ ଦଳାଇ , ବିଜେଡ଼ି ନେତା ରମେଶ ସ୍ୱାଇଁ, ନୃସିଂହ ଚରଣ ମୁଦୁଲି , ଜିଲ୍ଳା ପରିଷଦ ସଦସ୍ୟ ସୁଦ୍ରା ଦାସ ପ୍ରମୁଖ ଉଦବୋଧନ ଦେଇଥିଲେ । ବିଧାୟକ ଶ୍ରୀ ବେହେରା ସାନ୍ତପୁର ପଂଚାୟତରେ ଜନ ସଂପର୍କ ପଦଯାତ୍ରାରେ ଯାଇ ପାଳଦା ଠାରୁ ଅରେଇ ଭାୟା ଓରିକା ରାସ୍ତାର ଭିତିପ୍ରସ୍ତର ସ୍ଥାପନ କରିଥିଲେ ଓ ବକ୍ରେଶ୍ୱର କୋଠଗୃହର ଶିଳାନ୍ୟାସ କରିଥିଲେ । ଅନ୍ୟମାନଙ୍କ ମଧ୍ୟରେ ଜନାର୍ଦ୍ଧନପୁର ପ୍ରାକ୍ତନ ସରପଂଚ ବିଶ୍ୱଭୂଷଣ ନାୟକ , ବିଜେଡ଼ି ଯୁବନେତା ପ୍ରଦୀପ କୁମାର ଦାସ, ଅଶୋକ କୁମାର ମୁଦୁଲି ଉପସ୍ଥିତ ଥିଲେ । କଳମିଶ୍ରି ପଂଚାୟତ ସଭାପତି ପ୍ରମୋଦ ନାୟକ ଧନ୍ୟବାଦ ଦେଇଥିଲେ । ଓଡ଼ିଶା ସମାଚାର

About admin

Check Also

       ମମିତା ମେହେର ହତ୍ୟାକାଣ୍ଡର ଉପଯୁକ୍ତ ତଦନ୍ତ ସହ ରାଜ୍ୟ ଗୃହମନ୍ତ୍ରୀଙ୍କ ଇସ୍ତଫା ଦାବିରେ ଜିଲ୍ଲା ଯୁବ କଂଗ୍ରେସର ବିକ୍ଷୋଭ

କେନ୍ଦ୍ରାପଡ଼ା, ୨୧/୧୦/୨୦୨୧(ଓଡ଼ିଶା ସମାଚାର)-କଳାହାଣ୍ଡି ଜିଲ୍ଲାର ମହାଲିଙ୍ଗ ସନସାଇନ କଲେଜ ଅଧ୍ୟକ୍ଷା ମମିତା ମେହେରଙ୍କ ହତ୍ୟାକାଣ୍ଡର ଉପଯୁକ୍ତ ତଦନ୍ତ କରାଯିବା ସହ …

Leave a Reply

Your email address will not be published. Required fields are marked *