Tuesday , December 7 2021
Breaking News
Home / ବିଶେଷ / ଆମ ଗାଁ ଆମ ବିକାଶ ଯୋଜନା କେନ୍ଦ୍ରାପଡା ବ୍ଲକରେ ଦିଗହରା

ଆମ ଗାଁ ଆମ ବିକାଶ ଯୋଜନା କେନ୍ଦ୍ରାପଡା ବ୍ଲକରେ ଦିଗହରା

କେନ୍ଦ୍ରାପଡା,୧୭/୦୯/୨୦୧୯(ଓଡ଼ିଶା ସମାଚାର)-କେନ୍ଦ୍ରାପଡା ବ୍ଲକରେ ଆମ ଗାଁ ଆମ ବିକାଶ ଯୋଜନା ଦିଗହରା ହେବାକୁ ବସିଛି । ଏହି ଯୋଜନାରେ ବ୍ଲକର ବିଭିନ୍ନ ପଂଚାୟତରେ ଗୋଷ୍ଠିକେନ୍ଦ୍ର(କମୁ୍ୟନିଟି ସେଂଟର) ନିର୍ମାଣ ପାଇଁ ବ୍ଲକ ପକ୍ଷରୁ ଅଢେଇଲକ୍ଷରୁ ଆରମ୍ଭ କରି ୫ଲକ୍ଷ ଟଙ୍କା ପର୍ଯ୍ୟନ୍ତ କାର୍ଯ୍ୟାଦେଶ ପ୍ରଦାନ କାର୍ଯ୍ୟ ସରିଯାଇଥିବା ବେଳେ ଏହା ଏବେ କେଉଁଠି ବ୍ୟକ୍ତିଗତ ଜମିରେ ହେଉଛିତ କେଉଁଠାରେ ଗୋଚର, ଶ୍ମଶାନ, ଦଣ୍ଡା କିଷମ ଜମିରେ ନିର୍ମାଣ କରାଯାଉଥିବା ଅଭିଯୋଗ ହେଉଛି । ଆହୁରି କେଉଁଠି ପୂର୍ବରୁ ନିର୍ମିତ ଗୃହକୁ ଦେଖାଇ ସଂପୃକ୍ତ ପ୍ରକଳ୍ପର ବିଲ କରିନେବାକୁ ମସୁଧା ଚାଲିଥିବା ମଧ୍ୟ ଅଭିଯୋଗ ହୋଇଛି । ଏହି ଯୋଜନାର ଗାଇଡଲାଇନ ଅନୁଯାଇ ଯେଉଁ ପ୍ରକଳ୍ପ ନାମରେ ଜମିଥିବ କେବଳ ସେହି ଜମିରେ ଗୋଷ୍ଠି କେନ୍ଦ୍ର ନିର୍ମାଣ କରାଯାଇପାରିବ । ଅନ୍ୟ କୈାଣସି ଯୋଜନାରେ ନିର୍ମିତ ପ୍ରକଳ୍ପର ସଂପୂର୍ଣ୍ଣ କାର୍ଯ୍ୟ ମଧ୍ୟ ଏହି ଯୋଜନାରେ କରାଯାଇପାରିବ ନାହିଁ ବୋଲି ଗାଇଡ ଲାଇନରେ ଉଲ୍ଲେଖ ରହିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଏହା ହେଉଛି ସ୍ୱପ୍ନର ଯୋଜନା ତେଣୁ ଏହି ଯୋଜନାରେ ଅନ୍ତତଃ ଠିକ ଭାବରେ କାର୍ଯ୍ୟ ହେବା ଉଚିତ ବୋଲି ଜନୈକ ବରିଷ୍ଠ ଦଳୀୟ ନେତା ମତବ୍ୟକ୍ତ କରିଛନ୍ତି । ଓଡ଼ିଶା ସମାଚାର

About admin

Check Also

ଜଗତସିଂହପୁର  ଜିଲ୍ଲା ପ୍ରଶାସନ ପକ୍ଷରୁ ବାବା ସାହେବ ଆମ୍ବେଦକରଙ୍କ ଶ୍ରାଦ୍ଧବାର୍ଷିକୀ ପାଳିତ

 ଜଗତସିଂହପୁର ୦୬/୧୨/୨୦୨୧(ଓଡ଼ିଶା ସମାଚାର)- ଜଗତସିଂହପୁର ଜିଲ୍ଲା ପ୍ରଶାସନ ପକ୍ଷରୁ ସମ୍ବିଧାନ ପ୍ରଣେତା,ଆଇନଜ୍ଞ,ସମାଜ ସଂସ୍କାରକ,ବିଶିଷ୍ଟ ରାଜନିତୀଜ୍ଞ,ଭାରତ ରତ୍ନ ଡକ୍ଟର ବାବା ସାହେବ …

Leave a Reply

Your email address will not be published. Required fields are marked *