Wednesday , October 20 2021
Breaking News
Home / ରାଜନୀତି / ମୁଖ୍ୟମନ୍ତ୍ରୀ ରାଜ୍ୟବାସୀଙ୍କୁ ଲଲିପପ୍ ଦେଖା ବନ୍ଦ କରନ୍ତୁ  : ଆର୍ଯ୍ୟ କୁମାର ଜ୍ଞାନେନ୍ଦ୍ର

ମୁଖ୍ୟମନ୍ତ୍ରୀ ରାଜ୍ୟବାସୀଙ୍କୁ ଲଲିପପ୍ ଦେଖା ବନ୍ଦ କରନ୍ତୁ  : ଆର୍ଯ୍ୟ କୁମାର ଜ୍ଞାନେନ୍ଦ୍ର

ଭୁବନେଶ୍ୱର,୧୦/୦୯/୨୦୧୯(ଓଡ଼ିଶା ସମାଚାର)-ନୂଆମୋଟରଯାନ ଆଇନ୍ କୁ ତିନିମାସ ପାଇଁ କୋହଳ ଭାବେ କାର୍ଯ୍ୟକାରୀ କରିବାକୁ ରାଜ୍ୟ ମୁଖ୍ୟମନ୍ତ୍ରୀ ଦେଇଥିବା ନିର୍ଦ୍ଧେଶକୁ ବରିଷ୍ଠ କଂଗ୍ରେସ ନେତା ଡଃ ଆର୍ଯ୍ୟ କୁମାର ଜ୍ଞାନେନ୍ଦ୍ର ତୀବ୍ର ସମାଲୋଚନା କରିଛନ୍ତି । ନୂଆ ମୋଟରଯାନ ଆଇନ୍ ସଂସଦରେ ପାସ ହେଲାବେଳେ ଜନସାଧାରଣଙ୍କ ଭଲମନ୍ଦକୁ ନବୁଝି ରାଜ୍ୟ ଶାସନରେ ଥିବା ବିଜେଡି ଦଳର ସାଂସଦମାନେ ସମର୍ଥନ ଦେଲେ । ଅନ୍ୟ କେତେକ ରାଜ୍ୟ ସରକାର ଏଭଳି ଆଇନ୍ କୁ ନିଜ ରାଜ୍ୟରେ କାର୍ଯ୍ୟକାରୀ କରିବାକୁ ପ୍ରତ୍ୟାଖ୍ୟାନ କରିଦେଇଥିବା ବେଳେ ଆମ ରାଜ୍ୟ ମୁଖ୍ୟମନ୍ତ୍ରୀ ଏହି ଆଇନ ର ଠିକଣା ସମୀକ୍ଷା ନକରି ରାଜ୍ୟରେ କାର୍ଯ୍ୟକାରୀ କରାଇଦେଲେ । ବିଗତ ଦିନମାନଙ୍କରେ ସାଧାରଣ ଜନତାର କ୍ରୋଧ ସରକାରଙ୍କ ଉପରେ ଦେଖିଲା ପରେ ମୁଖ୍ୟମନ୍ତ୍ରୀଙ୍କର ଚେତା ପଶିଲା । ଆଗକୁ ନଗରପାଳିକା ନିର୍ବାଚନ ଥିବାରୁ ଏହି ଆଇନ ୍କୁ ତିନିମାସ କୋହଳ କରି ଓଡିଶାବାସୀଙ୍କୁ ପୁଣି ଲଲିପପ୍ ଦେଖାଇ ଭୋଟ ହାତେଇବାର ଯେଉଁ ପ୍ରୟାସ କରୁଛନ୍ତି ତା’ର ଉଚିତ୍ ଜବାବ ଆଗାମୀ ଦିନରେ ଓଡିଶାବାସୀ ଦେବେ ବୋଲି ଡଃ ଜ୍ଞାନେନ୍ଦ୍ର କହିଛନ୍ତି ।ସେ ଆହୁରି କହିଛନ୍ତି ଯେ ଯଦି ମୁଖ୍ୟମନ୍ତ୍ରୀଙ୍କର ପ୍ରକୃତରେ ଓଡିଶାବାସୀଙ୍କ ପ୍ରତି ଆନ୍ତରିକତା ଅଛି ତେବେ ପଶ୍ଚିମବଙ୍ଗ, ମଧ୍ୟପ୍ରଦେଶ ଓ ରାଜସ୍ଥାନଭଳି ଓଡିଶା ଏହି ଆଇନ୍ କୁ ପ୍ରତ୍ୟାଖ୍ୟାନ କରିବାକୁ ସେ ଆହ୍ୱାନ ଦେଇଛନ୍ତି । ଓଡ଼ିଶା ସମାଚାର

About admin

Check Also

ସଵୁ ଆଶାୟୀ ଧରାଶାୟୀ,କଟକ ସଦର ପଞ୍ଚାୟତ ସମିତି ଅଧ୍ୟକ୍ଷା ହେଵେ ବିଷ୍ଣୁପ୍ରିୟା

କଟକ ସଦର, ୧୯/୧୦/୨୦୨୧(ଓଡ଼ିଶା ସମାଚାର /ଵିଷ୍ଣୁ ବେହେରା): କଟକ ସଦର ପଞ୍ଚାୟତ ସମିତି ଅଧ୍ୟକ୍ଷ ଆସନ ପଛୁଆବର୍ଗ ମହିଳାଙ୍କ ପାଇଁ …

Leave a Reply

Your email address will not be published. Required fields are marked *