ଦାରିଦ୍ର୍ୟ ନେଲା ଜୀବନ – ଦୁଇ ପୁଅଙ୍କୁ ବିଷ ଦେଇ ପିଇଲା ମା’

ମାଲକାନଗିରି, ୦୯/୦୯/୨୦୧୯(ଓଡ଼ିଶା ସମାଚାର)- ଦାରିଦ୍ର୍ୟ ପୁଣି ଏକ ପରିବାରକୁ ଉଜାଡ଼ିଦେଇଛି  । ଗରିବୀ ଯୋଗୁଁ ଘର ସମ୍ଭାଳିବା ଅସମ୍ଭବ ହେବାରୁ ଶେଷରେ ଦୁଇ ପିଲାଙ୍କସହିତ ମା’ ଜୀବନ ହାରିଥିବା ଅଭିଯୋଗ ହୋଇଛି  । ଏଭଳି ଘଟଣା ଘଟିଛି ମାଲକାନଗିରି ଜିଲ୍ଲା କାଲିମେଳା ଥାନା ଅନ୍ତର୍ଗତ ତେଲରାଇ ଗ୍ରାମରେ  । ମା’ଏବଂ ଗୋଟିଏ ପୁଅ ପ୍ରାଣ ହରାଇଥିବାବେଳେ ଆଉ ଏକ ପୁଅ ଏବେବି ଗୁରୁତର ଅଛନ୍ତି  । ମୃତ ମହିଳା ଜଣକ ହେଲେ ମୁକା ପଡ଼ିଆମୀ  । ତେଲରାଇ ଗାଁର ମୁକା ପଡ଼ିଆମୀଙ୍କ ସ୍ୱାମୀ ଗତ ୪ ବର୍ଷ ତଳେ ପ୍ରାଣ ହରାଇଛନ୍ତି  । ଏହା ପରେ ବିଧବା ମୁକା ଏକୁଟିଆ ୪ଟି ପିଲାଙ୍କୁ ନେଇ ରହୁଥିଲେ ।ଦୁଇଟି ପିଲାଙ୍କୁ ସେ ଏକ ଆବାସିକ ବିଦ୍ୟାଳୟରେ ଛାଡ଼ି ଦେଇଛନ୍ତି  । ଅନ୍ୟ ଦୁଇ ପିଲାଙ୍କ ସହ ରହୁଥିବାବେଳେ ଶେଷରେ ବିଷ ପିଇ ଆତ୍ମହତ୍ୟା କରିଛି  ।ଫଳରେ ମୁକା ଏବଂ ୫ ବର୍ଷରପୁଅଙ୍କର ମୃତ୍ୟୁ ହୋଇଛି  । ଅନ୍ୟ ଜଣେ୪ ବର୍ଷର ପୁଅ ଗୁରୁତର ଅଛନ୍ତି  । ତାକୁ କାଲିମେଳାରେ ମେଡ଼ିକାଲରେ ଭର୍ତିକରାଯାଇଛି । ସେ ଦାରିଦ୍ର୍ୟତା ଯୋଗୁଁ ଆତ୍ମହତ୍ୟା କରିଥିବା ପଡ଼ୋଶୀ ସନ୍ଦେହ କରିଛନ୍ତି  ।ସେମାନେ ବହୁତ ଅଭାବ ଅନଟନରେ ରହୁଥିଲେ ବୋଲି ପଡ଼ୋଶୀ କହିଛନ୍ତି । କାଲିମେଳା ଥାନା ପୋଲିସ ମେଡ଼ିକାଲରେ ପହଂଚି ମୃତ ଦେହକୁ ଜବତ କରି ତଦନ୍ତ ଆରମ୍ଭ କରିଛନ୍ତି  । ଓଡ଼ିଶା ସମାଚାର