କେନ୍ଦ୍ରାପଡା ସହରରେ ଚଳିତବର୍ଷ ୨୪ଟି ଗଣେଷ ମେଢ

କେନ୍ଦ୍ରାପଡା ୦୭/୦୯/୨୦୧୯(ଓଡ଼ିଶା ସମାଚାର)- ପବିତ୍ର ଭାଦ୍ର ଶୁକ୍ଳ ଚତୁର୍ଥୀ ଅବସରରେ କେନ୍ଦ୍ରାପଡା  ସହରର ବିଭିନ୍ନ ଅନୁଷ୍ଠାନ ପକ୍ଷରୁ  ପୂଜା ପାଇଛନ୍ତି ବିଘ୍ନ ବିନାଶକ ପ୍ରଭୁ ଶ୍ରୀ ଗଣେଶ । ଏ ନେଇ କେନ୍ଦ୍ରାପଡା ସହରର ତିନିମୁହାଣୀ ଛକ  ଠାରୁ  ଇଚ୍ଛାପୁର ମଧ୍ୟରେ ବିଭିନ୍ନ ସାହି ବସ୍ତିରେ ଥିବା ଯୁବକ ସଂଘ, କ୍ଲବ, ଶିକ୍ଷାନୁଷ୍ଠାନ ସହିତ  ସରକାରୀ ଓ ବେସରକାରୀ ଅନୁଷ୍ଠାନ ଗୁଡିକରେ ଗୁରୁବାର  ଖୁବ ଜାକ ଜମକରେ ବିଘ୍ନ ବିନାଶକ ଗଣପତିଙ୍କ ଗିଗ୍ରହ ମାନ ପୂଜା ପାଇଥିବା ଦେଖାଯାଇଛି ।  ସହରର ୨୪ଟି ସ୍ଥାନରେ  ଶ୍ରୀ ଗଣେଶଙ୍କ  ପୂଜା ମଣ୍ଡପ  ସ୍ଥାପିତ  ହୋଇଛି । ସେହିସବୁ ପୂଜା ମଣ୍ଡପ ଗୁଡିକ  ପକ୍ଷରୁ ପୂଜା ବ୍ୟବସ୍ଥା କରାଯାଇଥିବା ବେଳେ  ଆସନ୍ତା   ୭ ତାରିଖରେ ଭସାଣୀ ଉତ୍ସବ ଅନୁଷ୍ଠିତ ହେବ ବୋଲି ଜଣାପଡିଛି । ଶିକ୍ଷାନୁଷ୍ଠାନ ମଧ୍ୟରେ କେନ୍ଦ୍ରାପଡା ସରକାରୀ ଉଚ୍ଚ ବିଦ୍ୟାଳୟ, ବାଳିକା ବିଦ୍ୟାଳୟ, ଲାଲବାହାଦ୍ୱର  ନୋଡାଲ ଉଚ୍ଚ ଶିକ୍ଷାଶ୍ରମ, ସରସ୍ୱତୀ ଶିଶୁ ମନ୍ଦିର, କେନ୍ଦ୍ରାପଡା ପବ୍ଲିକ ସ୍କୁଲ, ଅଙ୍କୁର ଶିକ୍ଷାନିକେତନ, ଭାରତୀ ବିଦ୍ୟା ମନ୍ଦିର , ତୁଳସୀ ନର୍ସିଂ ସ୍କୁଲ, ଆଇଡିଆଲ ପବ୍ଲିକ ସ୍କୁଲ, କେନ୍ଦ୍ରାପଡା ସ୍ୱୟଂ ଶାସିତ ମହାବିଦ୍ୟାଳୟ, ତୁଳସୀ ମହିଳା ମହାବିଦ୍ୟାଳୟ, କେନ୍ଦ୍ରାପଡା ସାନ୍ଧ୍ୟ ମହାବିଦ୍ୟାଳୟ, ବଳଦେବ ହାଇସ୍କୁଲ, ଇଛାପୁର ହାଇସ୍କୁଲ ପ୍ରଭୃତି ଶିକ୍ଷାନୁଷ୍ଠାନ ଗୁଡିକରେ ପୂଜାର ଆୟୋଜନ କରାଯାଇଛି ।  ବିଭିନ୍ନ ପୂଜା ମଣ୍ଡପକୁ ଦୃଷ୍ଟିରେ ରଖି  ପୋଲିସ ପକ୍ଷରୁ ସହରକୁ  ୨ଟି ସେକ୍ଟରରେ ଭାଗ କରାଯାଇଛି । ଏଥି ନିମନ୍ତେ  ପୁରୁଣା ବସଷ୍ଟାଣ୍ଡ ଏବଂ ସାନ୍ତସାହି ପୋଲ ନିକଟରେ ୨ଟି ପୋଲିସ ଆଉଟପୋଷ୍ଟ ଖୋଲାଯାଇଛି ।  ଗଣେଶ ପୂଜାରେ ସୁରକ୍ଷା  ବ୍ୟବସ୍ଥା ନିମନ୍ତେ ୨ଜଣ ଅତିରିକ୍ତ  ଏସପି, ୨ଜଣ ଡିଏସପି, ୨ ଜଣ ଇନସପେକ୍ଟରଙ୍କ ସମତେ ଶାନ୍ତିଶୃଙ୍ଖଳା ରକ୍ଷା ନିମନ୍ତେ  କେନ୍ଦ୍ରାପଡା ଟାଉନ ଥାନା ପରିସୀମା  ମଧ୍ୟରେ ୬ପ୍ଲାଟୁନ ପୋଲିସ ଫୋର୍ସ  ଓ  କନେଷ୍ଟବଳ  ଏବଂ ହୋମଗାର୍ଡଙ୍କୁ  ନିୟୋଜିତ   କରାଯାଇଥିବା ଏସପି ନୀତି ଶେଖର ସୂଚନା ଦେଇଛନ୍ତି  । ପ୍ରତି ପୂଜା ମଣ୍ଡପରେ ଆବଶ୍ୟକ ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି ।  ସେହିଭଳି ଶାନ୍ତି ଶୃଙ୍ଖଳା ରକ୍ଷା ନିମନ୍ତେ  ପୋଲିସ ପାଟ୍ରୋଲିଂ ବ୍ୟବସ୍ଥା କରାଯାଇଥିବା କେନ୍ଦ୍ରାପଡା ଏସ.ଡି.ପି.ଓ. ରାଜୀବ ଲୋଚନ ପଣ୍ଡା  ସୂଚନା ଦେଇଛନ୍ତି । ଆସନ୍ତା ୭ ତାରିଖ ଦିନ ଭସାଣୀ ଉତ୍ସବ ଅନୁଷ୍ଠିତ ହେବ  ଏଥିରେ କେତେକ ମେଢ କେଶପୁର ବଜାର ଆଡକୁ ଯିବାକୁ ଥିବା ବେଳେ ଅନ୍ୟ କେତେକ ନୂଆବସଷ୍ଟାଣ୍ଡ ଆଡକୁ ବିଷର୍ଜ୍ଜନ ନିମନ୍ତେ ଯିବ ।   ସେହି  ଭସାଣୀ ଉସôବରେ ଆବଶ୍ୟକ ସୁରକ୍ଷା ବନ୍ଦୋବସ୍ତ କରାଯାଇଥିବା  ଟାଉନ ଥାନା ଭାରପ୍ରାପ୍ତ ଇନିସପେକ୍ଟର  ଜ୍ୟୋତିଶଙ୍କର ସାମନ୍ତରାୟଙ୍କ ଠାରୁ ଜଣାପଡିଛି । ଓଡ଼ିଶା ସମାଚାର