Friday , October 29 2021
Home / ବିଶେଷ / ମା ଝଙ୍କଡ଼ ଶାରଳା ପୀଠରେ ବଡ଼ପଣ୍ଡା ପଦବୀକୁ ନେଇ ବିବାଦ – ପୂଜାନୀତି ରେ ବିଭ୍ରାଟ

ମା ଝଙ୍କଡ଼ ଶାରଳା ପୀଠରେ ବଡ଼ପଣ୍ଡା ପଦବୀକୁ ନେଇ ବିବାଦ – ପୂଜାନୀତି ରେ ବିଭ୍ରାଟ

ଜଗତସିଂହପୁର, ୦୩/୦୮/୨୦୧୯ (ଓଡ଼ିଶା ସମାଚାର)-ଚିତାଲାଗି ଅମାବାସ୍ୟାର ସ୍ୱତନ୍ତ୍ର ପୂଜା କରିବାକୁ ନେଇ ଜଗତସିଂହପୁର  ଜିଲ୍ଲାର  ଝଙ୍କଡ଼  ସ୍ଥିତ  ମା’  ଶାରଳାଙ୍କ  ପୀଠରେ  ଦେଖାଦେଇଥିଲା ବିବାଦ  । କିଛି ଦିନ ପୂର୍ବେ ବଡ଼ପଣ୍ଡା ରୂପେ ସ୍ୱୀକୃତି ପାଇଥିବା୨ ଜଣ ପଣ୍ଡା ଏହି ପୂଜା କରିବାକୁ ଅଡ଼ି ବସିଥିଲେ  । ଫଳରେ ସଂନ୍ଧ୍ୟାରେ ଅନୁଷ୍ଠିତ ହେବାକୁ ଥିବା ପୂଜା ନୀତି ରାତି ୨ଟାରେ ଆରମ୍ଭ ହୋଇଥିଲା  । ମା ଶାରଳାଙ୍କବଡ଼ପଣ୍ଡା ଭାବେ ପ୍ରଜ୍ଞାଦୀପ ପଣ୍ଡା ଦାୟିତ୍ୱ ତୁଲାଇ ଆସୁଛନ୍ତି  । ହେଲେ ବଡ଼ପଣ୍ଡାଙ୍କପରିବାରର ଅନ୍ୟ ଜଣେ ସଦସ୍ୟ ରଞ୍ଜନ ପଣ୍ଡା ଏହାକୁ ବିରୋଧ କରି ଦେବୋତର କମିଶନରେ ଆବେଦନ କରିଥିଲେ  । ଏହାକୁ ବିଚାର କରି କମିଶନର ଗତ ମଇଁମାସ ୨୯ ତାରିଖରେ ଦେଇଥିବା ନିର୍ଦ୍ଦେଶନାମାରେ ଉଭୟ ପ୍ରଜ୍ଞାଦୀପ ଓ ରଞ୍ଜନଙ୍କୁବଡ଼ପଣ୍ଡା ଭାବେ ସ୍ୱୀକୃତି ଦେଇଥିଲେ  । ଏହି ଆଦେଶକୁ ଭିତି କରି  ରଞ୍ଜନ ଚିତାଲାଗି ଅମାବାସ୍ୟାର ସ୍ୱତନ୍ତ୍ର ପୂଜା କରିବାକୁ ଅଡ଼ି ବସିଥିଲେ  । ଫଳରେ ଆରମ୍ଭ ହୋଇଥିଲା ବିବାଦ  । ଏନେଇ ଖବର ପାଇ ମନ୍ଦିର ଟ୍ରଷ୍ଟି ତଥା ଜିଲ୍ଲାପାଳଙ୍କନିର୍ଦ୍ଦେଶ କ୍ରମେ ଉପଜିଲ୍ଲାପାଳ ମହେନ୍ଦ୍ର ପ୍ରସାଦ ମହାନ୍ତି ଓ ତିର୍ତୋଲ ଏସଡ଼ିପିଓ ଦୀପକ ଜେନା ମନ୍ଦିରରେ ପହଂଚି ଉଭୟଙ୍କ ସହିତ ଆଲୋଚନା କରିଥିଲେ  । ଘଟଣାର ଆପୋଷ ସମାଧାନ ପରେ ରାତି ପ୍ରାୟ  ୨ଟା ସମୟରେ ମା’ଙ୍କ ପୂଜାନୀତି ଆରମ୍ଭ ହୋଇଥିଲା  । ଅନ୍ୟପକ୍ଷରେ ଉଭୟ ପକ୍ଷ ଦେବୋତର କମିଶନଙ୍କ ନିର୍ଦ୍ଦେଶନାମା ସହିତ ମା’ ଶାରଳାଙ୍କ ଟ୍ରଷ୍ଟି ତଥା ଜିଲ୍ଲାପାଳଙ୍କୁ ଭେଟିବେ  । ସେଠାରେଏହି ବିବାଦର ସମାଧାନ କରାଯିବ ବୋଲି ଉପଜିଲ୍ଲାପାଳ କହିଛନ୍ତି  । ଓଡ଼ିଶା ସମାଚାର

About admin

Check Also

ବଣୁଆ ହାତୀକୁ ନେଇ ଗୁଆଳିପୁର ପଂଚାୟତବାସୀ  ଆତଙ୍କିତ 

ତାରପୁର ୨୮/୧୦/୨୦୨୧(ଓଡ଼ିଶା ସମାଚାର)- ରଘୁନାଥପୁର ବ୍ଲକ୍ ଗୁଆଳିପୁର ପଂଚାୟତ ବର୍ତି ଧାନ ବିଲ ଗହୀରରେ ଏକ ବଣୁଆ ହାତୀ ପସିଆସିଥିବାରୁ …

Leave a Reply

Your email address will not be published. Required fields are marked *